魯智深 飲醉 咗 酒 吖 ， 揸 住條 木棍 ， 追 住 嗰 班 和尚 嚟 打 ， 大鬧 藏經殿 啦 。
智真長老 知道咗 就 即刻 趕到嚟 喝住 佢 話 ：智深 ，唔准 無禮 。
魯智深 啊 雖然 係 飲醉 咗 酒 咋 喎 ， 之 佢 仲 認得 長老 ， 所謂 酒醉 三分 醒 吖 嘛 。
佢 掉低咗 條棍 ，行過去 對 長老 敬咗 個禮 ，指住 嗰班人 話 ：
智深 不過 飲咗 兩 碗 酒 ，又 冇 撩 佢哋 ，哈 佢哋 嘍埋 成班 人 嚟 打 我 喎 。
長老 就 話 喇 ： 你 睇 在 我 嘅 份 上 ， 快 啲 去 瞓 啦 ， 吓 ， 有 咩 嘢 事 聽 日 至講 。
如果唔係睇在長老份上呀 ，我唔打死你哋幾個禿驢吖嗱 。
咦 ？咩 禿驢 啊 ？
禿驢啊 ，就係 舊時 啲 人 鬧 和尚 嘅 說話 嚟 。
魯智深 真係 飲醉咗 酒 喇 ，嘿 顧住 鬧人 ，就連 自己 都 鬧埋 一份 添 。
因為 佢 自己 已經 剃光咗 頭 做 和尚 㗎 啦 嘛 。
好喇 ，長老 叫 個 侍者 ，扶 咗 魯智深 上 鋪 禪床 ，嘿 佢 一 碌 低 ，噘噘聲 就 瞓着 咗 。
嗰班 和尚 就 圍住 長老 話 喇 ：係唔係 呢 ？往日 我哋 都 勸過 長老 你 㗎 喇 ，你 睇下 而家 。
我哋 間 寺 門 ，邊度 容得 落 呢隻 野貓 㗎 ，盞 畀 佢 搞亂 清規 嘅 啫 。
好喇 好喇 ，唔好嘈喇 。
雖然 話 眼前 佢 係 有啲 囉嗦 ，不過 日後 啊 成得 正果 嘅 ，冇法子 㗎 喇 。
吓 大家 畀 個 面 過 趙 員外 ，饒恕 佢 呢 一 趟 啦 。
聽日 ，等 我 話 下 佢 就係 喇 。
唉 ，我哋 個 長老 啊 ，真係 糊塗 㗎 咯 。
嗰班 和尚 歎咗 兩句 就 散咗 咯 。
第二日 ，食完咗 早齋 ，長老 就 使 個 侍者 去 僧堂 嗌 魯智深 。
哈點知佢仲未曾起身噃 。
等到 佢 起身 嘞 ，着咗 件 和尚袍 ，嘿 ，就 噉 打赤腳 ，一浸 風 噉 就 走咯 喎 。
嚇咗 嗰個 侍者 一跳 ，咩嘢 事 啊喂 ，急急 就 跟住 尾 追去 睇下 啦 。
你哋 估 魯智深 ，為 咩嘢 走得 咁快 呢嗱 ？
原來 佢 係 趯 出去 佛殿 後 便 ，屙屎 。
嚱 ，嗰個 侍者 都 忍唔住 笑起上嚟 ，等 佢 屙 完 嘞 ，就 話 ：長老 請 你 去 ，有 說話 同 你 講 喎 。
噉魯智深 就 跟住 個 侍者 去 方丈 見 長老 。
見到佢 ，長老 就 話 ：
智深 呀 ， 你 雖然 係 個 武夫 出身 ， 不過 ， 而家 趙員外 已經 剃度 咗 你 ， 我 又 同 你 摩頂 受記 咯 ， 教 你 一 不准 殺生 ， 二 不准 偷盜 ， 三 不准 邪淫 ， 四 不准 貪酒 ， 五不准 妄語 。
呢五戒 ，乃係 佛門 嘅 常理 。
出家人 至緊要 就 唔好 貪飲 ，為乜嘢 你 尋晚 飲到 大醉 呢 ？
打傷咗 看門工 ，打爛咗 藏經殿 嘅 屏風門 ，又 將 啲 火夫 道士 打走晒 ，大聲 噉 呼呼喝喝 。
噉係 乜嘢 所為 呢 ？
魯智深 跪喺 長老 面前 認錯 喎 ，佢 話 ：
我 下次 唔敢 喇 。
你 既然 出家 咯 ， 點解 要 先破 咗 酒戒 ， 又 亂 咗 清規 呢 ？
我 如果 唔係 睇在 你 施主 趙員外 嘅 份上 呀 ，我 就 一實 趕 你 扯 㗎喇 ，以後 唔准 再 犯 喇 。
魯智深 企 返 起身 ，當 空 合掌 佢 話 ：以後 唔敢 喇 ，誒 唔 敢 喇 。
長老 留 佢 喺 方丈 ，叫 人 開咗 早飯 畀 佢 食 ；
一便呢又苦口婆心 ，用啲好言好語嚟 規勸佢 。
食完飯嘞 ，又 叫人 攞咗 一件 細布 做嘅 和尚袍 ，一對 僧鞋 嚟 畀過 佢 ，然後 呢 就 叫佢 返去 僧堂 。
噉呢件事情啊 ，暫時 就算了喇 。
魯智深 呢 ，自從 飲醉咗酒 大鬧咗 呢一場 之後 ，畀 長老 規勸咗 一番 ，哈 確實 係 規矩咗 喎 ，一連 三四個月 ，半步 都 唔敢 行出 寺門 。
有一日 ，係 二月天 ，嗰日 呢個 天氣 突然 暴暖 起上嚟 。
魯智深 打完 坐 ，離開咗 僧房 ，順腳 行咗 出去 山門 外 便 企下 ，睇下 五台山 嘅 景致 ，喝咗 一輪 彩 。
忽然之間 ，聽到 喺 山下 便 ，順風 傳嚟 一陣陣 叮叮噹噹 嘅 響聲 。
誒 ，佢 諗起 件事 ，就 行返去 僧堂 攞 咗 啲 銀兩 塞咗 落 個 懷裏 便 ，然後 就 行落 山 嘞 。
佢 行出咗 五台福地 嗰 個牌樓 ，就 行到 一個 圩鎮 ，呢處 呢 ，約莫 有 成 六七百 戶 人家 。
佢 睇見 喺 市鎮 上 便 ，有 賣肉 嘅 亦 有 賣菜 嘅 亦 有 酒館 飯店 。
佢 個 心 就 諗 嘞 喎 ： 你 話 我 傻 唔 傻 呢 ？ 我 早知 有 呢 笪 地方 就 唔 去 搶 嗰 桶 酒 嚟 飲 啦 ， 我 自己 落 嚟 買 嘢 食咪仲好 ？
哎 ，呢幾日 ，捱得 我 反清口水 。
好 ，等 我 過去 睇下 ，有 乜嘢 買嚟 食下 先 。
佢 一行 ，又 聽見 叮叮噹噹 響咯 ，原來 係 有人 響處 打鐵 。
打鐵舖 隔籬 有 間 屋 ，門口 上面 寫住 父子 客店 噉嘅 。
魯智深 就 行到去 嗰間 打鐵鋪 睇下 ，見到 有 三個 人 喺度 打緊 鐵 。
佢 就 話 ：喂 ，你 呢度 有 好 鋼鐵 嘛 ？
嗰個 打鐵佬 擔 高頭 一 睇 ，見到 魯智深 塊 面 上 便 新新 剃咗 而家 飆返出嚟 嗰啲 短鬚 ，嘩 嗨 好似 個 賊 噉 ，好得 人 驚 ，就 已經 有 五分 怕 咗 佢 嘞 。
個 打鐵佬 停咗 手 就 話 ：師父 請坐 ，要 打 咩 架 生 啊 ？
我 想 打 一條 禪杖 ，一把 戒刀 ，唔知 有冇 上等 好 鐵 呢 ？
有有有 ，嗨 小人 呢處 咁啱 有啲 好 鐵 喺度 ，唔知 師父 想 打 幾多 斤 重 嘅 禪杖 同 戒刀 呢 ？誒 即管 吩咐 啦 。
我要打 一條 ，一百斤 重 嘅 。
哈哎呀 ，重過頭 喇 師父 ，小人 打唔係 話唔想 打啊 ，之 師父 你 點 舞得 佢 逳 呢 ？
就算係 關王刀 ，亦不過係 八十一斤 咋嘛 。
嘿 我 就算 唔 及得 關公 ，之 佢 叻 極 亦 係 個人 啫 。
師父啊 ，按常理講呢 ，打一條 四五十斤 嘅 ，亦都 好重好重㗎喇 。
噉啦 ，就 照 你 先頭 話 ，學似 關王刀 噉 ，亦 同 我 打 條 八十一 斤 㗎 啦 。
師父啊 ，粗親 就 唔好 睇 ，又 唔好 用 㗎喇 。
不如噉呢 ，計 我 話 呢 就 打一條 六十二斤 嘅 水磨 禪杖 畀 師父 你 。
誒不過噉噃 ，舞唔逳嘅 時候 就 唔好 怪 小人 喎 吓 ，哈哈 。
戒刀 呢 ，就 唔使 吩咐 喇 ，小人 自然 會 用 啲 好 鐵 同 你 打 㗎 喇 。
噉 ， 兩件 架生 要 幾多 兩銀 啊 ？
老老實實 ，我 唔 開 大數 嘅 ，五 兩 銀 啦 。
好 ，你 話 五兩 就 五兩 ；啲 架 生 如果 打得 好 ，仲 有 打賞 畀 你 。
魯智深 就 扲出 五兩 銀 畀咗 個 打鐵 師父 ，佢 話 ：
我 呢度 仲有 啲 碎銀 ，同 你 一齊 去 飲 碗 酒 呢 。
多謝喇 ，師父 ，你 自便啦 ，小人 仲要 趕住 打啲架生 ，唔陪得 你 去 喇 。
魯智深 離開咗 間 打鐵鋪 就 行咗 唔到 二三十步 ，見到 有 一支 酒旗 ，喺 一間 舖仔 嘅 簷口 圪出嚟 飄飄下 。
啱晒 ，魯智深 就 揦 喺 道門簾 行 入去 酒館 裏 便 坐落 ，敲住 張 枱 ，轟轟轟轟轟 ，攞 酒 嚟 ！
間酒館 嘅 主人家 就 話 喇 ：誒 ，呵呵呵呵 對唔住 喎 ，師父 。
小人 住 嘅 房屋 ，係 寺 裏頭 嘅 ，本錢 亦 係 寺 裏頭 嘅 。
長老 已經 有 令 ：但凡 我哋 賣 親酒 畀 寺 裏頭 嘅 和尚 飲 ，就 要 收返 我哋 嘅 本錢 ，趕 我哋 出 屋 。
所以就 ，嘿嘿 ，請你唔好怪啊 ，師父 。
你求 其賣 啲 畀 我 飲 啦 ， 我 唔 講 係 你 賣 畀 我 嘅 就 得 啦 嘛 。
唔求其得㗎 ，師父 啊 你 請 去 第二間 飲 喇 。
對唔住 呢 ，真係 對唔住 喇 啊 。
魯智深 見到 噉 ，冇法子 啦 ，走 係 啦 ，臨 出門口 佢 仲 話 ：
我 如果 喺 第間 飲到 呢 我 就 返嚟 搵 你 。
出咗 酒館 門口 ，行咗 幾步 ，又 望見 有 一面 酒旗 嘞 。
佢 行到嚟 呢 間 酒館 ，一直 行 入去 ，坐落 就 嗌 ：主人家 ，賣 啲 酒 嚟 畀 我 飲 ！
個 老闆 就 話 ：誒 ，師父 啊 ，你 真係 唔 懂事 嘅 。
長老 有咗 令 啦嘛 ，你 唔係 唔識 㗎 ，走嚟 想 打爛 我哋 隻 飯碗 咩 ，唔該 你 扯 喇 。
魯智深 唔肯 走 ，猛噉 𠼮 個 店主 賣 啲 酒 佢 ，之 個 店主 啊 幾 大 都 唔肯 賣 。
魯智深 見 佢 真係 唔肯 賣 就 唯有 起身 行 係 啦 又 。
連氣 去咗 四五 間 都係 唔肯 賣 嘅 。
魯智深 就 諗 ：嗯 呢趟 唔出 下計仔 就 唔得嘞 ，唔係 點 有 酒 飲 啊 ？
佢 行到去 市頭 嘅 街尾 ，見到 仲有 一間 賣酒 嘅 。
佢 行 入去 ，喺 靠住 窗口 嗰 張 枱 坐落 。
主人家 ，過路 和尚 買 碗 酒 飲 啊 。
個 店主 過嚟 望 一望 佢 就 問 ：和尚 ，你 喺 邊度 嚟 㗎 ？
我 係 個 行腳僧人 ，雲遊 四海 ，經過 呢處 ，嘿嘿 想 買 碗 酒 飲下 。
和尚 ，如果 你 係 五台山 寺院 裏頭 嘅 師傅 ，誒 我 係 唔 敢 賣畀 你 飲 㗎 。
我唔係嗰度嘅 ，你 快啲 攞 酒 嚟 啦 。
個 店主 睇見 魯智深 係 噉嘅 樣嘅 ，又 唔係 當地 嘅 口音 ，就 真係 以為 佢 係 外地 嚟 㗎 咯 喎 。
你 要 打 幾多 酒 啊 ？
唔使 問 幾多 喇 ，總之 大碗 大碗 攞嚟 就係 啦 。
酒 嚟 喇 ， 嗯 ， 香 啊 ！
約莫 飲咗 十零碗 ，佢 就 問 ：有咩 肉 啊 ？攞 碟 嚟 食下 。
今朝 有 啲 牛肉 嘅 ，不過 而家 都 賣晒 喇 。
突然間 ，魯智深 聞到 一浸 肉香 ，佢 行出去 空地 一 睇 ，只見 牆邊 有 隻 大鑊 ，正 喺度 煮緊 狗肉 噃 。
哈 ，你哋 現成 有 狗肉 喺度 ，點解 唔 賣 畀 我 啊 ？
呵呵 ，我 怕 你 係 個 出家人 ，唔食 狗肉 嘅 ，所以 就 冇 嚟 問 你 咋嘛 。
嗯 ，你 睇下 ，我 有 銀 喺 處 㗎 嘛 。
嗱， 畀 銀 你 ， 賣 半隻 畀 我 啦 。
好呢！
嗰 個 店主人 ， 收 咗 銀 ， 快快 脆脆 就 斬 咗 半隻 熟狗 ， 舂 咗 啲 蒜蓉 ， 一齊 捧 嚟 畀 魯智深 。
哦嗯好啊 ！魯智深 好耐 冇 食 狗肉 喇 ，高興 到 佢 呀 不得了 。
用隻手撕開啲狗肉 ，蘸啲蒜蓉食得唔知幾滋味 ，又連氣飲咗十幾碗酒添 。
佢 越 飲 就 越 想 飲 ，根本 就 唔 想 停口 。
嗰個 店主 啊 睇到 傻晒 ：
喂喂喂喂喂和尚 ，你 就 飲 咁多 好喇 。
我 又唔係 白飲 你 嘅 ，理得 我 咁多 啦 。
噉 你 仲要 幾多 吖 ？
打 一 桶 嚟 添 啦 。
店主人 只好 又 攞咗 一桶 酒 嚟 。
魯智深 真係 犀利 啊 ，一陣 咁耐 唧 ，又 飲晒 呢 桶 酒 嘞 。
呢趟 夠 皮喇 ，食剩咗 一隻 狗髀 ，佢 攞嚟 塞喺 個 懷裏 便 ，扯 人 喇 。
臨出門口佢仲話 ：嗯 ，啲銀 有多 ，聽日 我又嚟飲過 ！
嗰個 店主 嚇到 眼 都 擎晒 ，擘大 嗰口 得 個 窿 ，眼睇住 魯智深 行咗 上 五台山 嗰便 。
魯智深 行到 半山 嗰 間 涼亭 ，喺度 坐咗 一陣 ，啲 酒 湧上嚟 。
佢 啪聲 跳起身 佢話 ：嘿 ！我 好耐 冇 打過 拳喇 ，成身 都 覺得 唔自在 ，等 我 今日 玩返 幾路 睇下 先 。
佢 行 出 間 涼亭 ， 扎起 個 馬步 ， 嘿 ！ 嘿 ！ 嘁 ！ 嘿 ！ 打 ！
上下左右 打咗 幾路 拳 ，打打下 ，一發起 力上嚟 ，一手 挭埋 涼亭 嗰條 柱 上便 。
只聽見 呱嘣 刷 一聲 巨響 ，打斷 咗 條 柱 ，塌 咗 半邊 涼亭 。
寺院 上面 嗰 兩個 看門公 ，聽見 半山 嘩聲 咁 響唄 ，望落嚟 睇下 啦 ，見到 魯智深 步高步低 ，正在 上緊 山 。
兩個 看門公 就 嗌 喇 苦喇 呢趟 ，呢個 畜生 今日 又 醉 成 噉 嘅 樣 ，我哋 快啲 閂埋 道門 ，落咗 門閂 恤死 道門 啦 。
過咗冇耐 ，魯智深 返到嚟 ，見 閂實 道門 就 用 拳頭 好似 打鼓 噉 搏命 咁 敲門 咯喎 。
嗰 兩個 看門公 喺 門 嚹 裝 出去 ，咦呀 嚇到 半死 ，仲 邊度 敢 開 門吖 ？
魯智深 敲咗 一輪 門 ，冇人 開 。
佢 擰過 身嚟 ，一眼 就 睇見 左手 便 嗰個 金剛 塑像 ，佢 就 話 喇 ：
哈 ，你 呢個 大嚿佬 ，唔 幫 我 敲門 ，仲 舉起 個 拳頭 嚟 嚇 我 係嘛 ？
我 真係 唔怕 你 噃 ，一步 跳上咗 台基 ，將 嗰啲 柵欄 一㧬 ，就 好似 搣 蔥 咁 搣啊 兩三下 手腳 就 打爛咗 。
攞起 一 橛 木頭 ，照住 個 金剛 隻 腳 就 毆落去 ，打到 啲 泥 同 顏色 劈劈啪啪 就 甩晒 落嚟 。
嗰 兩個 看門 公 喺 裏頭 裝到 就 話 ： 苦 喇 ， 苦 喇 ！ 只有 去 報 畀 長老 知 啦 。
魯智深 等咗 一陣 ，又 擰轉身 ，望住 右手便 嗰個 金剛塑像 ，又 喝佢話喇 ：
你 呢個 傢伙 ，擘大把口 ，亦 走嚟 笑 我 係 嘛 ？
佢 又 跳過去 右便 嘅 台基 ，將 嗰個 金剛 隻 腳 打咗 兩下 ，只 聽見 景 轟 一聲 ，嗰個 金剛 塑像 就 成個 冧 咗 落嚟 。
哈哈哈 ，好啊 ，哈哈哈哈哈 ，魯智深 揸住 橛木頭 喺度 哈哈大笑 。
嗰 兩個 看門公 去 報畀 長老 知 。
長老 就 話 ：唔好 去 惹佢 喇 你哋 返去 啦 。
跟住 ，首座 、監寺 、都寺 ，同埋 所有 嘅 管事 僧人 都 走嚟 方丈 同 長老 話 ：
呢 隻 野貓 今日 醉成 噉 樣 ， 將半 山間 涼亭 ， 山門 兩 便 嘅 金剛 都 打爛 咗 ， 點算 好 啊 ？
唉 ，自古以嚟 ，皇帝 都 要 避開 醉酒佬 啊 ，何況 老憎 我 吖 ？
唔緊要咯 ，若果 打爛咗 金剛 ，就 請 佢 嘅 施主 趙員外 嚟 掃 個 新 嘅 ；冧咗 間 涼亭 咯 ，亦 要 佢 起返 ，噉咪 就 得咯 ，由得 佢 啦 。
班和尚 就 話 喇 ：金剛 乃係 山門 之 主 嚟 㗎 噃 ，乜 換過 都 得嘅 咩 ？
咪 講話 爛咗 個 金剛 吖 ，就算 係 打爛咗 大殿 嘅 三世佛 ，亦都 冇 佢 修 㗎 ，只有 迴避 佢 就係 咯 。
你哋 見唔見 佢 前 嗰排 嗰種 惡法 吖 ？
嗰班 和尚 行 出咗 方丈 都 話 ：嗰個 長老 真係 糊塗 㗎 咯 。
喂喂喂 你哋 兩個 看門 嘅 唔好 開 啊吓 ，喺 裏 便 聽住 就係 喇 。
魯智深 喺 山門 外 便 等咗 好耐 ，見 仲 冇人 嚟 就 大叫 話 ：
豈有此理 ，你哋 呢班 禿驢 吖唔 畀 我 入嚟 係嘛 ，我就 喺 外便 放 把 火 ，燒咗 你 呢間 寺 ！
嗰 班 管事 僧人 ， 聽見 魯智深 喺 度 噉 樣 嗌 唄 ， 唯有 叫 看門 公 開門 由 得 嗰 個 畜生 入 嚟 係 啦 ， 如果 唔 開 佢 真 係 做 得出 嚟 㗎 。
嗰 兩個 看門公 ，踮手踮腳 掹 返 開道門閂 ，然後 飛咁快 趯咗 入 房 匿埋 。
嗰班 和尚 呢 ，早就 各有各 避開 晒 。
魯智深 喺 出便 嗌 咗 幾 聲 ，又 用 雙手 㧬住 道門 出力 一 推 。
點知 裏頭 已經 掹開咗 門閂 㗎喇 ，一下 就 舂咗 入去 ，噼啪 一聲 𢴈咗 一大跤 。
佢 躝 返 起身 摸摸 個 頭 ，誒 乜 噉嘅 ，誒 入到嚟 㗎 喇 ？
好 ，返去 僧堂 先 。
佢 返到去 選 佛牆 ，嗰班 和尚 正 喺度 打坐 ，見到 魯智深 揦起 道門簾 鑽咗入嚟 ，嗰個 樣 呀 ，哎呀 難睇 咯 ，個個 都 吃咗 一驚 ，即刻 耷低 頭 。
魯智深 行到去 禪床 旁邊 ，喉嚨度 噁噁聲 咁 響 ，跟住 噁聲 就 嘔起 上嚟 。
班和尚 頂唔住 嗰浸 酸臭味 猛咁 話 善哉善哉 ，一齊 揞住 個鼻哥 。
魯智深 嘔咗 一輪 ，躝咗 喺 張 禪床 想 除 衫 ，解開 條 腰帶 ，又 叻叻嘞嘞 扯斷 晒 件 和尚袍 啲 帶 ，誒 ，食剩 嗰隻 狗髀 就 跌咗 出嚟 咯喎 。
哦 ，啱晒 ！正係 肚餓 呢 ，哈哈 ，攞起嚟 就 食 。
嗰班 和尚 見到 哎呀 都 用 衫袖 遮住 塊面 ，冇 眼睇 啊 。
上下首 嗰 兩個 和尚 即刻 就 避開 。
魯智深 見 佢 避開 唄 ，就 撕咗 一嚿 狗肉 ，望住 上首 便 嗰個 話 ：你 都 食 啲 。
上首 便 嗰個 和尚 用 兩隻 衫袖 死 揞住 塊面 。
哦？ 你 唔食 呀 ？魯智深 就 將 嚿 狗肉 枳 過去 下首 便 嗰個 和尚 個 嘴 處 咯 喎 。
個 和尚 避 都 避唔切 啦 正話 想 落 床 。
魯智深 見 佢 想 走 唄 ，一手 就 掹住 佢 隻 耳仔 拉實 佢 ，將 嚿 狗肉 猛咁 枳過去 。
對面床 有 四五個 和尚 走過嚟 勸 啦 。
魯智深 擗開 咗 嚿 狗肉 ，用 個 拳頭 對住 和尚 嘅 光頭 嗶嗶㩧㩧 一味 撞落去 。
嘩 ，成屋 啲 和尚 鬼 殺 咁 嘈 ，個個 都 去 個 櫃處 攞 返 自己 嗰啲 衣缽 要 扯 人 喎 。
哎呀 真係 亂到 不堪 啊 呢個 就 叫做 捲堂 大散 嘞 。
個首座僧 仲 邊度 撳得住 吖 ？
魯智深 冇 理佢 咁多 ，一味 咁 打 。
班和尚 大半 都 趯晒 出嚟 廊下 。
監寺 同 都寺 ，呢勻 就 唔 去 講 啲 長老 聽 。
就叫咗一班職事僧人 ，嗌埋 嗰啲 火頭 、直廳 、轎夫 等等 約莫 有 百零 二百 人 。
個個 都 用 手巾 包住 個 頭 ，攞住 丫叉 棍棒 ，一齊 走嚟 僧堂 同 魯智深 打過 嘞 。
魯智深 見到 咁多人 湧入嚟 ，嘩 ，大叫 一聲 。
走去 佛像 面前 㧬倒 張 神枱 ，拗斷 兩 隻 枱腳 ，揸住 喺 手 嚟 當兵器 就 打起 上嚟 咯 喎 。
嗰班 和尚 ，邊度 係 佢 手腳 㗎 ？
打咗 兩下 ，頂唔順 嘞 ，見 佢 咁勢兇 都 退返 晒 出去 。
魯智深 就 舞住 兩 隻 枱腳 ，追住 出嚟 打 。
嗰班 和尚 分成 兩路 包圍 過嚟 。
魯智深 嬲喇 ，指 東 打 西 就 指南 打 北 。
將 嗰班 和尚 啊 打到 落花流水 ，一直 打到 去 法堂 嗰度 。
長老 嚟到 就 喝住 話 ：智深 唔准 無禮 ，大家 亦都 唔好 逳手 喇 ！
呢個 時候 ，嗰班 和尚 已經 畀 佢 打傷 咗 幾十 人 ，見到 長老 嚟 喇 就 散咗 去 。
魯智深 見到 啲人 走咗 喇 ，就 擗低 枱腳 大聲 咁 叫 ：長老 ，你 同 我 做主 啦 ！
打咗 一輪 ，佢 已經 有 七八分 醒 。
長老 就 話 ：智深 啊 ，你 累死 我 咯 ！
前嗰排 醉過 一次 ，搞咗 一大場 ，我 講咗 畀 你 阿哥 趙員外 知道 ，佢 寫咗 信 嚟 ，同 大家 賠咗 罪 。
今日 你 又 噉樣 大醉 無禮 ，亂咗 清規 ，打冧咗 涼亭 ，又 打爛咗 金剛 。
唉 ，呢啲 都 由得佢 嘞 ，唔講 佢 咁多 。
之你 搞到 大家 執埋 衣缽 要 走 ，呢個 罪 就 唔 輕 喇 。
我 呢處 五台山 文殊菩薩 道場 ，係 千百年來 一個 清靜 香火 嘅 地方 ，點能夠 容得 落 你 咁 污穢 至得 㗎 ？
嗯 ，你 暫時 同 我 喺 方丈 裏 便 過 幾日 先 ，等 我 安排 你 去 一笪 地方 啦 。
長老 叫 人 留住 要 走 嗰班 和尚 ，安頓好 打傷咗 嗰啲 人 ，就 帶 魯智深 返去 方丈 嘞 。
第二日 ，長老 同 首座 商量 ，就 決定 畀 多少 銀兩 過 魯智深 ，打發 佢 去 第二個 地方 。
同時 呢 ，要 講聲 畀 趙 員外 聽 先 。
長老 跟住 就 寫咗 封信 ，叫 兩個 直廳 道人 送去 畀 趙員外 ，要 佢哋 等埋 回音 先至 返嚟 。
趙員外 睇到 信 ，個心 梗係 好唔高興 啦 ，即刻 就 寫返 封 回信 畀 長老 話 ，打爛咗 嘅 金剛 同 涼亭 ，由 趙某 出 銀嚟 修理 。
魯智深 呢 ，就 任 從 長老 送 去 邊處 都 好啦 噉 。
長老 得咗 回信 ，就 叫 人 攞出 一件 黑布 做嘅 和尚袍 、一對 僧鞋 、十 兩 白銀 。
然後 叫 魯智深 嚟 對 佢 話 ：智深 啊 ，我 寫咗 封信 ，而家 交畀 你 。
你 就 攞住 呢封信 去 投奔 笪 地方 安身 啦 ，吓 。
我呢處 係 個 清靜 嘅 地方 ，唔能夠 留 你 喺 處 㗎 喇 。
我 有 四句 偈言送 畀 你 ， 你 好好 噉 記住 ， 終身 受用 啊 。
師父 ，你 叫 我 去 邊處 安身立命 啊 ？你 講 嗰 四句 偈言 我 聽 。
智深 ，我 有 一個 師弟 ，而家 喺 東京 大相國寺 住持 ，叫做 智清 禪師 。
我 畀 呢 封信 你 ， 你 去 投奔 佢 ， 搵 個 職事 僧 做 啦 。
我 仲 贈 你 四 句 偈言 ，你 要 好好 噉 記住 啊 。
魯智深 就 跪喺 長老 面前 話 ：我 一定 好好噉 記住 ，請 師父 你 講 啦 。
你 聽住 ：遇 林 而 起 ，遇 山 而 富 ，遇 水 而 興 ，遇 江 而 止 。
魯智深 聽咗 呢 四句 偈言 ，拜咗 長老 九 拜 。
佢 孭起 個 包裹 ，綁好 個 腰包 肚包 ，收好咗 封 書信 ，辭別 咗 長老 同 眾位 僧人 就 離開 五台山 。
一直嚟到 打鐵舖 隔籬 嗰間 客店 就 喺度 住落 先 ，等 佢 訂做 嘅 禪杖 、戒刀 打好咗 就 起行 。
寺裏 便 嗰班 和尚 啊 ，得魯智深 扯 咗 啊冇 一個 話 唔高興 嘅 。
長老 就 叫 人 將 打爛咗 個 金剛 同 涼亭 執好 佢 先 。
過咗幾日 ，趙員外 就 帶咗 錢 同 材料 嚟到 五台山 ，重新 塑造 個 金剛神像 起返 半山 嗰 間 涼亭 ，呢啲 呢 就 唔 講 佢 喇 。
講返 下 嗰個 魯智深 啊 ，佢 喺 客店 住 咗 幾 日 ，佢 嗰 兩 件 架 生 都 打好 嘞 。
佢 又 做咗 個 刀鞘 ，將 把 戒刀 插住 喺 個 鞘 入便 。
禪杖 呢 ，就 用 啲 漆 嚟 油咗 佢 。
搞掂晒喇 ，佢 攞咗 啲 碎銀 出嚟 ，打賞 畀 嗰個 打鐵 師傅 。
然後 ，孭起 包裹 ，喺 腰間 掛住 口戒刀 ，揸住 支 禪杖 ，告別咗 客店 主人 同 打鐵 師傅 ，就 起程 去 東京 嘞 。
佢 一路 行咗 半個多月 ，佢 從來 都 唔 去 啲 和尚寺 歇腳 嘅 ，就係 喺 啲 客店 處 住宿 嘅 啫 。
日頭 呢 ，都 係 去 啲 酒樓 飲酒 食飯 。
啲 過路人 見到 呀 ， 咦 ？ 真 係 成個 莽 和尚 啊 ！
