魯達佢哋 三個人 就 上咗 酒樓 ，搵到 個 雅座 坐落 。
魯達 坐 喺 主位 ，李忠 啊 對 席 ，史進 就 坐 喺 下首 。
個 酒保 行過嚟 招呼 ，認得 係 魯提轄 嘞 ，佢 就 話 ：提轄官人 ，打 幾多 酒 啊 ？
打 四角 酒 嚟 先 啦 。
個酒保 一便 擺上 幾味 送酒 嘅 菜 ，一便又 問 嘞 ：官人 ，食咩 送飯 呢 ？
問咩嘢咁多吖 ？有乜你就即管攞嚟 ，食完一齊計數 。
你 呢個 傢伙 成日 嚟 嘈 生晒 ！
嘿好呢好呢 。酒保 出去 一陣 ，跟住 就 坐 熱 咗啲 酒 送上嚟 。
但凡係 好入口嘅 肉食 呀 猛咁 拎嚟 ，擺滿咗 成 枱 。
佢哋 三個 飲咗 幾杯 酒 ，傾啲 閒偈 ，較量 下 槍法 ，傾得 非常 啱巧 。
忽然間 聽見 隔籬房 有人 咿咿聲 咁 喺度 喊 。
魯達 就 好心煩 ，一手 將 啲 杯杯碟碟 ，乒乒乓乓 噉 掃咗 落 樓板 。
酒保 一 聽見 呀喇喇聲 上樓 睇下 咩嘢事 啦 。
見到 魯達 鼓起 泡氣 ，連忙 上前 行過 禮話 ：哎 官人 你 仲要 啲 乜嘢 ，即管 吩咐 啦 。
我要咩啊 ？你唔係唔識我㗎嘛 ？
點解 叫 啲 咩嘢 人 喺 隔籬 唧唧聲 咁 喊 ，嘈住 我哋 幾 兄弟 飲酒 ！
喂 ！我 一文 酒錢 都 未曾 欠過 你哋 嘅 噃 ！
官人 唔 好 嬲 官人 唔 好 嬲 ， 小人 點敢 話 叫 人 喺 隔 籬 喊 ， 嘈住 官人 飲酒 得 㗎 。
係噉嘅 ，喺度 喊嘅 人啊 ，係 喺 酒樓 賣唱嘅 兩 父女 。
佢哋 唔知道 各位 官人 喺度 飲酒 ，一時 因為 愁苦 咯 ，就 喊起 上嚟 啫 。
梗 有 古怪 ，你 同 我 嗌 佢哋 嚟 ！
酒保 就 去 叫 咯 喎 。
過咗一陣 ，嚟喇 ，兩個人 ，前便 一個 係 十八九歲 嘅 女人 ，後便 一個 呢 ，係 五六十歲 嘅 伯父 ，隻手 攞住 一串 拍板 。
嗰個 女人 雖然 唔 講得 係 十分 靚 啊 ，之 仲 係 有 返 幾分 動人 嘅 姿色 。
佢 抹乾 眼淚 ，行 上前嚟 ，深深噉 行咗 三個 禮 。
嗰個 伯父 亦都 同 大家 見過 禮 嘞 。
魯達 問 ：你 兩個 係 邊處 人 啊 ？為乜事 幹 喊 呢 ？
嗰個 女人 就 話 喇 ：官人 有所不知 ，等 奴家 告稟 啦 。
奴家 係 東京 人士 ，因為 同 父母 嚟 渭州 投奔 親眷 ，點知 ，佢哋 已經 搬咗 去 南京 咯 。
母親 喺 客棧 得咗 病 ，不幸 身亡 ，剩返 我哋 父女 兩人 ，留落 喺 呢處 艱難 度日 。
呢處 有 個 財主 ，叫做 鎮關西 鄭 大官人 。
佢 見到 奴家 ，就 強媒硬保 ，夾硬 要咗 奴家 做 佢 嘅 妾侍 。
本來 ， 佢 寫 落 一張 文書 ， 應承 畀 三千 貫錢過 我 哋 ， 點知 ， 點 知 佢 虛 錢 實 契 ， 就 噉 就要 咗 奴家 嘅 身體 。
唔 到 三個 月 ， 佢 屋企 嘅 大 婆 ， 為 人 非常 厲害 ， 將 奴家 趕 咗 出 嚟 ， 噉 仲 唔 止 ， 仲交帶 店主人 要 追 我 哋 攞 返 原來 嗰 三千 貫 身價 銀 喎 。
唉 ，我 父親 個人 又 懦弱 ，點 同 佢 爭 呢 ？佢 又 有 錢 有 勢 。
當初 ，一文錢 都 冇得過 佢 嘅 ，家下 喺 邊度 搵 錢 嚟 還畀 佢 呢 ？
冇辦法啦 ，父親 自細 教過 奴家 唱 一啲 小曲 嘅 ，就 只有 拋頭露面 ，嚟 呢啲 酒樓 賣唱 。
每日 賺到 嘅 錢 ，大半 要 嚟 還畀 佢 ，只係 留返 少數 嚟 做 使用 。
唉 ，呢 兩日 ，冇乜 酒客 ，搵唔到 錢 ，誤咗 佢 還錢 嘅 期限 ，怕 佢 嚟 追 嘅 時候 畀 佢 凌辱 。
我哋 兩 父女 諗起 呢啲 苦楚 ，真係 有 冤 無 路 訴 咯 ，所以 就 喊起 上嚟 啫 。
冇想到 ，又 觸犯咗 官人 ，望 官人 恕罪 ，高抬貴手 啦 。
你 姓 乜嘢 ？住 喺 邊間 客棧 嚟 啊 ？
嗰個 鎮 關西 鄭 大官人 ，又 喺 邊度 住 㗎 ？
個 伯父 就 回答 喇 ：
老漢 姓 金 ，排行 第二 ；
個 女 小字 翠蓮 啊 ；
鄭大官人 ，就係 呢處 狀元橋腳 ，賣豬肉 嘅 鄭屠 ，綽號 鎮關西 。
老漢 父女 兩人 ，就 喺 前便 東門 魯家 客店 住 啫 。
呸 ！ 我 估話 邊個 鄭大官人 喎 ， 原來 就 係 嗰 個 劏 豬 佬 鄭 屠 啊 。
呢個 無賴 吖 ，污糟邋遢 ，投靠 我哋 小種 經略 相公 門下 ，開間 豬肉鋪 ，原來 噉樣 蝦霸 人 啊吓 ！
大郎 ，你哋 兩個 喺度 坐住 先 ，等 我 去 打死咗 嗰個 嘢 就 返嚟 。
史進 、李忠 就 攬住 佢 ，勸 佢 話 ：阿哥 你 唔使 嬲 ，聽日 先至 算啦 。
兩個人 三番四次 噉 死勸 佢 ，噉先至 勸得住 佢 。
魯達 又 話 ：伯父 ，你 過嚟 ，我 畀 啲 路費 你 ，聽日 你 就 返 東京 呢 ，點 啊 ？
呢 兩 父女 就 話 喇 ：哎呀 ！如果 官人 能夠 幫 我哋 返鄉 呀 ，真係 重生 父母 ，再世 爹娘 咯 。
誒 ，誒不過 ，店主人 又 點 肯 放 我哋 走 呢 ？
鄭大官人 梗係 吩咐 落 佢 追 我要 錢 嘅 噃 。
呢層 唔緊要 ，我 自有 辦法 。
魯達 講完 ，就 喺 個 袋 處 扲出 五 兩 幾 銀 就 放 喺 張 枱 上 便 ，佢 望住 史進 話 ：
我 今日 冇 帶 幾兩 銀出 嚟 呢 ， 你 有 銀 就 借住 啲 我 先 ， 我 聽 日 就還 畀 你 。
嗨 小意思 ，值得 乜嘢 呢 ？噉 都 要 阿哥 你 還 咩 ？
史進 喺 包袱 裏 便 攞出 一個 十兩重 嘅 銀錠 ，擠 響 枱 處 。
魯達 又 望住 李忠 ：喂 ，你 都 借 啲 銀 嚟 畀 我 。
李忠 喺 身邊 扲扲扲 就 吟咗 二兩 幾 銀 出嚟 。
魯達 見咗 就 嫌 少 ：都 唔得 大方 。
魯達 只係 將 十五 兩 銀 畀過 金老 ，佢 吩咐 話 ：
你 兩 父女 攞 去 做 路費 ，你哋 返 去 就 執 好 行李 。
我 聽日 一早 就 嚟 ，送 你哋 兩個 起程 ，睇下 嗰個 店主人 敢唔敢 留 你 ！
金老 兩 父女 千多得 萬多得 ，叩咗 幾個 頭 就 返去 。
魯達 就 將 嗰 二兩 銀 掉返 畀 李忠 ，唔 要 佢 嘅 。
三個人 再 飲咗 兩角酒 ，扯嘞 ，落咗樓 ，魯達 對住 櫃位 話 ：
喂事頭啊 ，啲酒錢 我 聽日 先至 嚟 找數 。
唔相干唔相干 ，嘿提轄啊 ，請都請唔到啦 ，至怕提轄唔嚟賒數嘅啫 ，哈哈哈哈 ，誒咁多位好行喇 。
三個人 出咗 潘家酒樓 ，就 喺 大街 上 分手 ，史進 、李忠 ，就 各自 去 搵 客棧 住 啦 。
魯提轄 呢 ，返到去 經略府 前面 自己 住宿 嘅 地方 ，入到 房間 ，晚飯 都 唔 食嘞 ，嬲爆爆 噉 就 上床 瞓覺 。
再講下嗰個金老伯 ，佢 得咗 魯提轄 畀 嘅 十五兩銀 ，返到 客棧 ，安頓好 個 女 。
就即刻 去 城外 遠遠 嘅 地方 租定 一架 車 ，然後 就 返 客棧 執拾 好 行李 ，找 清啲 房租 ，計 清啲 柴米錢 ，樣樣 都 妥當 晒 喇 ，就 等 聽日 天光 喇 。
當晚 一夜 無事 ，第二朝早 ，五更 就 起身 ，父女 兩個 呀 透火 煮飯 先 ，食完 飯 ，執拾 好啲 碗筷 個 天 先至 蒙蒙光 。
呢 個 時候 ， 魯 提轄 嚟 到 客棧 嘞 ， 佢 大聲 噉 問話 ：
夥記 ，金老伯 喺 邊度 啊 ？
個 店 小二 就 嗌 話 喇 ：金公 啊 ，提轄 嚟 搵 你 啊 。
金老伯 打開 道房門 話 ：提轄官人 ，請 入嚟 坐 啦 。
坐乜嘢啊 ？你 走 就 走 ，仲 等 乜嘢 呢 ！
係 ， 係 係 係 係 。
金老伯 帶住 個 女 ，多謝咗 提轄 ，擔起 擔 行李 就 想 出門 咯噃 。
店小二 就 攔住 佢 話 ： 誒 ， 誒 ， 誒 金老 ， 去 邊處 啊 你 ？
魯達 就 問 佢 話 ：佢 欠 你 房租 呀 ？
誒 冇 ， 冇 ， 誒 房租 誒 ， 尋晚 都 找 清 晒 喇 。
不過 佢 仲 欠落 鄭大官人 嘅 身價 銀 喎 ，鄭大官人 吩咐 小人 看住 佢 㗎 。
鄭屠 個 錢 ，我 會 還畀 佢 㗎 喇 。
你 放 佢哋 走 啦 。
嗰個 店小二 幾大 都 唔肯 放 喎 。
魯達 就 火滾 啦 ，撒開 五 隻 手指 ，喺 個 店小二 塊 面 處 一巴 升過去 ，打到 個 店小二 當堂 成 嘴 血 ；
再一拳 ，打甩 兩隻 門牙 。
嘿呀 嗰個 店小二 躝 起身 ，一浸 煙 噉 啊 趯咗 入去 裏頭 匿埋 唔敢 出嚟 。
個 店主 見到 噉樣 ，仲 邊度 敢 出嚟 攔阻 佢 吖 。
金老 兩 父女 就 連 隨 離開 客棧 ，急急忙忙 出 城 就 去 搵 尋 日租 定 嗰 架 車 嘞 。
魯達 仲唔 放心 ，呢個 人 呀 粗中有細 吓 。
佢 怕 自己 一行 開 ，個 店 小二 就 追去 截 ，噉 金 老 兩 父女 咪 走唔甩 身 ？
好嘞 ，佢 就 喺 客棧 扚 將 凳 出嚟 ，喺 門口 坐咗 足足 兩個 時辰 。
估計 金老 已經 去咗 好遠 喇 ，噉 先至 起身 離開 客棧 。
離開 客棧 佢 又 去 邊處 呢 ？去 狀元橋 。
鄭屠 喺 狀元橋 腳 就 開咗 間 豬肉 舖 ，都 幾 大間 㗎喎 ，兩個 舖面 ，兩 張 豬肉 枱 就 掛住 幾髀 豬肉 。
呢朝早 ，鄭屠 就 坐 喺 櫃面 裏頭 嚟 ，睇住 嗰 十幾個 稱手 賣 豬肉 。
魯達 嚟到 佢 面前 叫咗 聲 ：鄭屠 ！
鄭屠嶽 高頭 一睇 ，見 係 魯提轄 唄 ，連忙 行出 櫃面 行過 禮話 ：
提轄恕罪 。阿六 ，擔 張 凳 嚟 ，提轄 請坐 ，請坐 ！
魯達 坐落 ：奉經略 相公 嘅 命令 ，要 十斤 梅肉 ，剁碎 佢 ，半粒 肥 嘅 都 唔 要 。
好呢 ，喂 ，你哋 快啲 揀 十斤 靚 嘅 梅肉 剁碎 佢 。
哼 ！嗰啲 人 污糟邋遢 ，唔使 佢哋 逳手 ，你 自己 去 剁 。
冇錯冇錯 ，等 小人 自己 去 剁 啦 。
鄭屠 快手快腳 行去 豬肉枱 ，揀咗 十斤 靚梅肉 就 剁咯 喎 。
嗰個 店小二 嚟嘞 ，佢 用 條 手巾 包住 個 頭 ，正話 想 嚟 搵 鄭 屠 將 金 老 走咗 人 嘅 事 報告 畀 佢 聽 。
一眼 見到 魯提轄 ，坐正 喺 豬肉鋪 門口 唄 ，即刻 就 收住 腳步 ，遠遠 噉 企 喺 處 ，縮埋 喺 屋簷 下 便 望住 ，唔敢 過嚟 。
嗰個 鄭屠 呢 ，足足 剁咗 半個 時辰 有多 ，先至 剁好 嗰 十斤 梅肉 ，使 塊 荷葉 包住 ，佢 話 ：
提轄 ，叫 個人 送去 呢 。
送咩啊 ？咪住 。
仲要 十斤 ，都 要 肥 㗎 吓 ，半粒 瘦 嘅 都 唔 准 黐 喺 上便嚟 ，亦 係 剁碎 佢 。
提轄 啊 ， 先頭 嗰 啲 梅 肉 ， 怕 係 要 嚟 包 雲吞 嘅 ， 呢 啲 肥 嘅 剁碎 佢 ， 係 愛 嚟 咩 用 啊 ？
相公 嘅 命令 ，就係 噉 吩咐 我 嘅 ，邊個 敢 問 佢 咁 斗膽 啊 ？
係 ，係 ，誒既然 係啱用㗎喇 ，小人 剁 就係 啦 。
於是 又 揀咗 十斤 靚 肥肉 ，剁碎 佢 ，用 塊 荷葉 包好 。
就係 剁 呢 十斤 梅肉 十斤 肥肉 ，足足 搞咗 成朝 。
嗰個 店小二 又 唔 敢 行過嚟 又 唔 在 講 啦 ，連 嗰啲 要 嚟 買 豬肉 嘅 人 都 唔 敢 行埋嚟 喎 。
鄭屠攞起 兩 大包 剁好 嘅 豬肉 話 ：叫人 同 提轄 將 啲 豬肉 送去 經略府 呢 。
咪住 ，仲有 啊 ！
仲要 十斤 軟骨 ，亦係 要 剁碎 嘅 ，一啲 肉 都 唔准 黐 喺 上 便嚟 。
軟骨 ，剁碎 ？嘿嘿 ，噉唔係 有意 搵我嚟 開心 ？
魯達 聽見 鄭屠 噉 講 ，啪聲 跳起身 ，攞起 兩 大包 碎豬肉 ，碌 大 雙眼 望實 鄭屠 話 ：
我就係 特登 搵 你 嚟 開心 ！
一舉手 ，將 兩包 豬肉 兜口 兜面 掟過去 ，啪 ！掟到 佢 成面 都係 。
鄭屠嬲死咯 ，個條氣呀 ，喺 腳板底 呀 一直 衝到 上頭殼頂 。
一下 心頭 火起 ，點都 忍唔住 咯 ，喺 豬肉枱 上 便 一手 就 揦起 把 起骨 嘅 豬肉刀 ，𠻘聲 衝過嚟 。
魯提轄 早就 行咗 出去 路 中心 等住 佢 㗎 喇 。
眼睇住 要 搏命 喇 ，之啲 街坊 鄰里 同 嗰 十幾個 夥記 冇 個 敢 嚟 勸 㗎 。
兩便 過路 個人 ，個個 都 停住 腳 ，同 嗰個 店小二 噉 嚇到 傻晒 。
鄭屠 右手 揸住 把 刀 ，左手 就 想 嚟 揦 魯達 。
點知 畀 魯達 趁勢 撳住 佢 隻 左手 ，檻前 一步 ，對正 佢 個 小肚 一腳 ，叮沊 一聲 ，將 佢 成個 踢到 喺 地 嚟 。
魯達 再行 入 一步 ，踩住 鄭屠 個 心口 ，舉起 缽頭仔 咁 大 嘅 拳頭 就 望實 鄭屠 話 ：
我 自從 投奔 老種 經略 相公 ， 到 而家 做到 關 西五路 廉訪 使 ， 叫 我 做鎮 關西 都 唔 冤枉 吖 。
你 係 個 乜嘢 嚟 啊 ？ 你 係 個 賣 豬肉 嘅 劏 豬 佬 ， 不過 好似 隻 狗 噉 嘅 咋 嘛 ， 居然 叫做 鎮 關西 ？
你 講 ，你為乜嘢 恃惡欺負 金翠蓮 吓 ！
㩧噉 一拳 ，打正 佢 個 鼻哥 ，當堂 打到 鮮血 直流 成個 鼻哥 都 歪埋 一便 。
十足呀 開咗 間 醬料鋪 噉 喎 ，鹹嘅 酸嘅 辣嘅 一齊 飆出嚟 。
鄭屠 猛咁 掙扎 ，之唔起得身嘞 ，嗰 把 豬肉刀 呢 已經 跌埋 一便 。
但 佢 仲係 口硬 喎 ，一味 噉 話 ：打得好 ，打得好噉 。
死賊種 ，仲 敢 應嘴 ！
魯達 舉起 拳頭 ，對準 鄭屠 隻 眼 一拳 ，當堂 打到 眼眶 爆裂 ，烏珠 都 出咗嚟 。
十足 開 咗 間 染料 鋪 噉 喇 ， 紅 嘅 、 黑 嘅 、 白 嘅 都 瀄 晒 出 嚟 。
兩 便 喺 度 睇 嘅 人 ， 都 係 好 怕 魯 提轄 嘅 ， 邊個 敢 埋 嚟 勸 啦 。
鄭屠 頂 唔 順 ，呢勻 唔 敢 再 口硬 嘞 ，只好 認衰仔 求饒 咯 喎 。
魯達話 ：哼 ！你 係 個 破落戶 ，如果 同 我 硬到底 ，我 倒是 會 饒咗 你 ；
之而家 你 做 衰仔 ，𠼮 我 唔好 打 你 呀 ，哼 ！我 偏要 打 你 。
㩧噉又一拳 ，打正 個 魂精 。
呢趟啊似乜嘢呢 ？似打齋呀 ，鑼啊镲啊叮叮啊一齊響 。
魯達 望 下 佢 ，只見 鄭屠 癱 喺 地 嚟 成個 直晒 ，個 鼻哥 窿 啊 有 氣 出 就 冇 氣 入 ，逳 都 唔 曉 逳 。
魯達 就 詐諦話 ：你個嘢 詐死 ，我 再 打 ！
咦 ？只見 鄭屠 嘅 面色 都 漸漸 變 嘞 。
魯達 個 心 諗 ：我 本來 只係 想 將 呢個 傢伙 痛打 一餐 嘅 啫 ，吖冇 想到 三拳 就 真係 打死 咗 佢 添 ，哎 乜 咁 孱 㗎 佢 。
咪喇 ，我 坐監 就 冇人 送飯 嘅 ，不如 及早 鬆人 罷喇 。
於是 開步 就 行喇 ，佢 擰轉頭 指住 鄭屠 個 死屍 話 ：
你 詐死 係嘛 ，我 慢慢 先至 同 你 講數 ！
一便鬧 ，一便 步步赤赤噉 行咗去 。
啲 街坊 鄰里 ，鄭屠 嗰 啲 夥記 啊 冇 一 個 敢 嚟 攔 佢 嘅 。
魯達 一 返到去 住宿 嘅 地方 ，急急 包起 啲 衣服 行李 同 啲 細 軟 銀兩 ；
其他 嗰啲 舊衣服 同埋 啲 粗重 嘢 通通 擗低 唔要 喇 。
攞住 條 齊眉棍 ，趯咗 出 南門 一 浸 煙 噉 走人 。
鄭屠 嗰啲 屋企人 ，搶救 咗 佢 半日 ，救唔生 ，嗚呼哀哉 就 死咗 喇 。
噉佢哋呀 同埋 啲 鄰里 即刻 走去 渭州 衙門 告狀 啦 。
府尹 老爺 接到 張狀 ，睇完 之後 就 話 喇 ：
魯達 係 經略府 提轄 ，唔能夠 擅自 去 捉拿 兇手 㗎 。
於是 佢 就 立即 坐轎 去 經略府 。
經略 聽見 話 府尹 嚟 唄 ，就 請 佢 喺 客廳 相見 啦 。
經略 問 佢 話 ：咩事 啊 ？
稟告 相公 ， 府上 嘅 提轄 魯達 ， 無緣無故 用 拳頭 打死 咗 街市 嗰 個 鄭 屠 。
因為 未曾 稟告 相公 ，所以 唔敢 擅自 捉拿 兇手 啊 。
經略 聽 府尹 噉 講 ，嚇 咗 一驚 噃 ，佢 諗 ：
呢個 魯達 ，雖然 係 好 武藝 ，之 硬 係 性格 粗魯 ，而家 搞出 人命 嚟 ，我 唔 爭得 佢 㗎 ，仲 係 叫 府尹 去 辦 罷喇 。
於是 經略 就 回覆 府尹 話 ：
魯達 呢個人 呢 ，本來 係 我 父親 老經略 嗰處 嘅 軍官 ，為因 我 呢度 冇 人 幫手 ，就 撥咗 佢 嚟 做 個 提轄 。
既然 犯咗 人命 咁 大罪 咯 ，你 即管 去 捉佢 ，按照 法度 嚟 辦理 啦 。
如果 審問 清楚 要 定 乜嘢 罪 ，噉 啊 亦 都 要 畀 我 父親 知道 然後 先至 好 決斷 啊 。
至怕 日後 父親 邊境 嗰處 要 用 呢個 人 嘅 時候 ，噉 就 唔妥 咯 。
係 ， 係 ， 下官 將件 事問 清楚 喇 ， 自 不然 要 稟告 老 經略 相公 得知 ， 然後 先至敢 判決 嘅 。
打過 招呼 之後 ，府尹 就 辭別咗 經略相公 返去 自己 嘅 衙門 。
一返到去呀即刻開堂 ，命令 當日 值班 嘅 緝捕 使臣 ，帶 人馬 去 捉拿 魯達 嘞 。
當時 值班 嘅 王 觀察 ，接受 咗 命令 就 領 咗 公文 ，帶 咗 廿 幾 個 差人 ，一直 就 嚟到 魯達 住 嘅 地方 。
唔見人喇 ，嗰個 房東 話 ：
先頭 見 佢 攞住 個 包裹 ，揸住 條 短棍 出 咗 去 。
小人 誒 估計 佢 奉命 出差 啫 ，亦 唔敢 問 佢 啊 。
王 觀察 聽咗 ，叫 個 房東 開門 入 房 睇下 啦 ，見到 裏 便 只有 啲 舊衣裳 同埋 一啲 被鋪 ，係 走咗 人 喇 。
王 觀察 就 帶住 個 房東 ，東西南北 啊 四圍 去 搵 ，行勻晒 成個 渭州城 ，之 魯達 呀 連 人影 都 唔 見 。
王 觀察 又 捉咗 兩家 住 喺 隔籬 嘅 人 ，帶埋 房東 ，一齊 返去 州衙門 回覆 話 ，魯提轄 畏罪 逃走 ，不知 去向 ，只係 拉咗 房東 同 鄰居 嚟 噉 。
府尹 聽見 噉 講 ，就 叫 將 啲 人 暫時 收住 監 先 ；
一便又叫齊鄭屠個屋企人 ，同埋 左鄰右里 ，叫咗 驗屍 嘅 差役 同 啲 仵作佬 ，會 齊 街坊 里正 啊 再三 檢驗過 。
然後 由 鄭 屠 屋企 人 自備 棺材 斂埋 佢 ，寄放 喺 寺院 嚟 。
另一面呢 ，立咗案 ，定咗期限 ，派人 緝捕 兇手 ；
另外 仲 開咗 個 文書 通知 各地 ，一齊 嚟 捉拿 魯達 ，捉到 嘅 ，賞 錢 一千 貫 。
上便 寫明 魯達 嘅 年歲 、籍貫 、樣子 ，到處 咁 張貼 。
而家 ，講返 下 魯達 喇 。
佢 一 離開咗 渭州城 之後 ，就 搏命 咁 趕路 ，急急忙忙 噉 行過咗 幾座 州府 㗎 喇 。
古語 有 話 吖嘛 ：飢 不擇食 ，寒 不擇衣 ，慌 不擇路 吖嘛 。
魯達啊 心慌 趕路 ，都冇 諗過 話 要 趯去 邊處 嘅 。
只係 一味 咁 行 ，一行 就 行咗 半個 幾月 。
呢一日 ，佢 嚟到 代州 雁門縣 嘞 。
佢 入到 城 見到 市面 上 十分 熱鬧 ，人煙 稠密 ，車馬 交通 頻繁 ，一百二十 行 經商 買賣 樣樣 貨物 齊全 。
雖然 只係 一個 縣城 啫噉 啊 ，哈 仲 架勢 過 好多 州府 嘅 。
魯達 逛逛 下 ，不覺 就 嚟到 一個 十字路口 ，見到 有 一大班 人 圍住 晒 喺度 睇 榜 噃 。
哈佢 又 兼埋 入去 睇下 ，佢 呢個 人 啊 大字 都 唔識 一個 嘅 ，就 喺度 聽 人哋 讀 啦 。
代州雁門縣 ，依奉 太原府 指揮使司 ，該准 渭州 文字 ，捕捉 打死 鄭屠人 犯 魯達 ，即係 經略府 提轄 。
如 有 人 停藏 在 家 宿食 ，與 犯人 同罪 ；
若 有 人 捕獲 前來 ，或 首 告 到 官 ，支給 賞錢 一千 貫文 。
魯達 啱啱 聽到 呢度 ，就 聽見 後 便 有 個人 大聲 咁 嗌話 ：
張大哥 ，乜 你 嚟咗 呢度 咩 ？攔腰攬實佢 ，拉佢 離開咗 十字路口 。
魯達 個 心 諗 嘞 ：哈哈 ，邊個 咁 莽撞 呢喂 ？個口 就 嗌住 張大哥 隻 手 就嚟 猛 咁 拉 我 喎 。
佢 捩 轉身 睇下 ，哈 ，掹 佢 嘅 唔係 邊個 噃 ，原來 係 渭州 酒樓 上 佢 搭救 嗰個 金老 。
嗰個 伯父 將 魯達 一直 拉到 去 僻靜 嘅 地方 佢 就 話 ：
恩人啊 ，你 真係 大膽 喇 ！
而家 明明 貼住 張 榜文 ，出 一千 貫 賞錢 嚟 捉 你 ，為乜 你 仲 趯埋 去 睇 榜 吖 ？
如果 唔係 老漢 我 遇啱 你 ，仲有 話 唔畀 啲 差人 捉住 你 咩 ？
榜文 上 便 ，明明白白 寫住 你 嘅 年歲 、貌相 、籍貫 㗎 ，唉 ！
我唔怕 同你講 啦 ，金老 ，為咗 你嘅事 ，嗰日 ，我 去到 狀元橋 ，撞正 鄭屠 嗰個 嘢 ，畀 我 三拳 打死咗 ，故此 而家 要 趯佬 。
一路到處咁撞 ，走到嚟呢處 。
係咯 ，你 點解 唔 返去 東京 走嚟 呢處 做咩 啊 ？
恩人 你 有所不知 ：
係噉嘅 ，自從 多得 恩人 你 搭救咗 ，我 就 請咗 架 車 ，本嚟 係 想 返 東京 嘅 ，之 諗下 又 怕 嗰個 嘢 追到嚟 ，噉 嗰陣 冇 恩人 喺 處 搭救 唔係 實死 ，所以 就 唔返 東京 嘞 。
當時 ， 我 哋 順路 一直 向 北行 呢 ， 哈 喺 路上 遇見 一個 舊時 喺 東京 嘅 老街坊 ， 要 嚟 呢 處 做生意 嘅 ， 噉 啊 帶 埋 老漢 兩 父女 嚟 到 呢 度 咋 嘛 。
嘿真係多得晒佢 ，佢呀 ，同我個女做媒人 ，介紹畀呢度一個大財主趙員外 ，收咗我個女做外宅 ，嘿嘿嘿而家 ，衣食豐足 ，誒呢啲都係多得恩人你咯 。
我個 女 時常 都 同 趙員外 講及 提轄 你 嘅 大恩大德 ， 呢 個 趙員外 ， 亦 係 鍾 意耍 兩 手槍 棒 嘅 ， 佢 周 時 都 話 ：
能夠 同 恩人 你 相會 一面 亦 好吖噉 。
而家 啱喇啱喇 ，請 恩人 你 嚟 我哋 屋企 住 幾日 先至 講 啦啊 。
魯達 就 跟住 金老 返去 佢 屋企 ，行咗 唔到 半里 路 就 到 嘞 。
嚟到 門口 ，金老 揭起 道 門簾 就 叫話 ：女啊 ，大恩人 嚟咗 啊 ！
佢 個 女 阿翠蓮 ，濃妝艷飾 ，打扮得 好 靚 ，喺 房 裏 便 行 出嚟 ，請 魯達 喺 中間 坐落 ，對 佢 行咗 大禮拜 咗 六 拜 。
翠蓮 話 ：如果 唔係 得到 恩人 搭救 ，點 會 有 今日 吖 。
恩人 ，請 上樓 坐 啦 。
唔使喇唔使喇 ，我 就 要 走 㗎喇 。
金老 就 話 ：恩人 既然 嚟到 咯 ，噉樣 走 都 得 嘅 咩 ！
佢 接過咗 魯達 嘅 棍棒 ，包裹 就 放埋 一便 ，就 請 魯達 上樓 坐 。
佢 吩咐 翠蓮 話 ：阿女啊 ，你 陪 恩人 坐下 ，我 去 安排 餐飯 先 吓 。
金老 ，唔使客氣 ，隨便 就好 喇吓 。
哎呀 ！ 提轄 嘅 恩德 ， 我 哋 真 係 殺身 難報 呀 ！
吖食餐便飯 ，有乜至得㗎 ，你坐 ，哈你坐 。
金老 落咗 樓 ，吩咐 個 丫環 透定 火 。
自己 就 帶埋 個 後生 去 街市 ，買 咗 啲 鮮魚 、嫩雞 、肥鵝 、滷味 、新出 嘅 蔬菜 等等 啊 返嚟 。
冇耐 ，開枱 ，擺好啲餸菜 ，個丫環 用 個銀酒壺 坐 熱啲 酒 。
埋席嘞 ，金老父 女 兩個 輪流 敬酒 。
金老 斟完 酒 ，跪 喺 地 嚟 就 拜 。
魯達話 ：哈哈 ，哎 老人家 你 咁多 禮 我 點 受得起 啊 ？
恩人 啊 ， 老漢 一 嚟 到 呢 度 呀 ， 就 喺 個 紅紙 牌 上面 ， 寫 咗 恩人 你 嘅 大名 ， 朝晚 一炷香 ， 兩 父女 就 噉 都 拜 咯 。
今日 恩人 你 親身 嚟到 呢處 ，點 話 唔 拜 吖 ？
哦 ？噉 亦 難得 你 有 呢一片 心 。
三個人 ，他 他 條條 喺度 飲酒 。
就嚟 天黑 嘅 時候 ，忽然間 聽見 樓下 嘈起 上嚟 。
魯達 打開 個 窗 睇 下 ，見到 樓下 ，有 二三十 人 ，個個 都 揸住 條 白木棍 ，口口聲聲 喺度 嗌住 話 捉 佢 落嚟 。
