洪太尉 叫 人 開咗 間 殿 。
入咗去 ，點着 火把 一照 ，只見 四面 乜嘢 都冇 嘅 ，只係 中間 有 個 石碑 。
個 石碑 約莫 五六尺 高 ，下便 呢 有 隻 石龜 承住 ，都 成 大半 陷咗 入去 泥處 㗎 嘞 。
照住 個 石碑 睇下 ，前便 呢 ，都 係 啲 龍章鳳篆 、天書 符籙 ，冇 人 識得 寫 啲 係 咩 嘢 東東 。
照下 後 便 睇 呢 ，嘿 呢勻 識 嘞 ，鑿住 四個 大字 ：遇洪而開 。
洪太尉 睇見 呢 四個 大字 高興 喇 ，佢 對 個 真人 話 ：
你睇 你睇 ，你哋 仲 阻攔 我 喎 ，幾百 年 前 啊 就 已經 註定 我 個 姓 喺 呢度 嚟 㗎 喇 。
遇洪 而 開吖嘛 ，分明 係 叫我 開嚟 睇下 ，怕 乜嘢 吖 ？
我 睇 呢個 魔王 係 喺 呢個 石碑 底下 嚟 㗎 喇 。
你哋 同 我 嗌 多 幾個 火頭 嚟 ，用 啲 鋤頭 鐵鏟 掘開 佢 。
哎呀 唔 好 啊 太尉 ， 唔 好 啊 ， 千祈 唔 好 再 掘 喇 ！
有乜嘢 依逳呀 ，傷害咗 人 就 唔妥㗎喇 。
你哋啲 道士 識得 乜嘢 吖 ？
碑 上面 明明 鑿住 ，遇見 我 就 開喇 ，你 為咩 仲 攔咗 我 啊 ？快啲 同 我 嗌 人 嚟 ，開 ！
真人 又 三番五次 𠼮求 太尉 唔好 開 ，怕 有 唔妥 。
太尉 邊度 肯 聽 佢 噏 㗎 。
冇 收嘞 ，只好 叫 齊啲 人 嚟 ，放倒 咗 個 石碑 先 ，然後 一齊 出力 嚟 掘 嗰 隻 石龜 ，掘 咗 成 半日 先至 掘起 咗 。
又掘落去 ，約莫 掘咗 三四尺 深啦 ，就 見到 一塊 好大 嘅 青石板 ，大概 有 一丈 丁方 左右 。
洪太尉 又 叫 話 將 塊 石板 掘起 佢 ，真人 又 苦苦 噉 稟告 話 唔好 再 掘 喇 。
呢陣時 呀 太尉 仲 邊度 肯 聽 你 噏 吖 ，大家 只有 一齊 出力 ，將 塊 石板 抬起 嚟 。
石板 底下 ，係 一個 好似 成萬丈 咁 深 嘅 地洞 。
嗰塊 石板 啱啱 一抬開 唧 ，只 聽見 地洞 裏頭 ，轟 ——噉 一聲 巨響 ，跟住 一到 黑氣 呼 ——喺 個 洞 裏頭 滾出嚟 。
呱咕咣嘣嗏 ，沖崩咗 半個殿閣 ，一直 沖到 上半天 。
然後 就 散開 成 百幾道 金光 ，向住 四面八方 閃下閃下 就 唔見咗 喇 。
嗰 啲 人 就 慌 到 半死 定 㗎 啦 ，嘩 噉 嗌 咗 聲 就 走 人 咯 ，掉 低 晒 啲 鋤頭 鐵鏟 ，係 人 都 喺 個 殿 裏頭 趯 出 嚟 ，你 推 我 我 踩 你 一 僕 一 轆 。
嗰個 洪太尉 嚇到 擘大個口 唔識 講嘢 ，瞪大 雙眼 啊 唔識 睇嘢 ，面如土色 啊 手 揗 腳 震 ，趯到 去 廊下 猛咁 索氣 。
真人 見 佢 就 猛咁 叫苦 啦 。
太尉 就 問 佢 話 ： 誒 ， 究 ， 究竟 ， 誒 ， 誒 究竟 走 咗 嘅 係 乜嘢 妖魔 嚟 啊 ？
真人 就 話 ， 哎呀 太尉 啊 ， 你 唔 知 㗎 喇 ， 當初 係 老祖 天師 洞玄 真人 傳落 道 法符 ， 囑咐 話 ： 呢 間 殿 裏 便 ， 鎖陣 住 三十六 員 天罡 星 、 七十二 座 地 煞星 ， 總共 係 一百零八 個 魔君 喺 裏頭 嚟 啊 。
上便 就 立咗 個 石碑 ，鑿住 龍章 鳳篆 天符 ，將 佢哋 鎮壓住 喺度 嘅 。
如果 放咗 佢哋 出嚟 ，必定 會 為害 下界 生靈 㗎 噉 。
哎 而家 太尉 你 放走咗 佢哋 點算好 吖 ？
洪太尉 聽咗 ，哎呀 ，成身 飆晒 冷汗 ，一味 打震 。
急急忙忙 ，執拾 行李 帶齊 啲 跟班 落山 返去 京師 喇 佢 。
真人 同埋 班 道士 呢 ，送走咗 太尉 之後 ，就 搵人 整返好 間 殿 ，豎返起 個 石碑 等等 ，呢啲 呢 就 唔 講 佢 喇 。
而家 再 講下 嗰個 洪太尉 ，佢 喺 半路 中途 就 吩咐 啲 隨從 ，叫 佢哋 千祈 唔好 將 放走 妖魔 個 事 講畀 外人 知 。
為因畀 皇上 知道咗 呀 ，就 會 唔得掂𠺢 嘛 。
太尉 佢哋 日夜 咁 趕路 ，返到去 京師 一 入 汴梁城 唧 就 聽見 有人 話 喇 ：
天師 喺 東京 禁院 ，打咗 七日 七夜 醮 ，送 啲 符咒 畀 百姓 消災 消難 ，哈果然 瘟疫 冚𠾴 唥 消除晒 ，軍民 安泰 咯 呢趟 。
打完醮呀 ，天師 辭別 咗 皇上 ，騎住 隻 鶴 ，駕起 五彩祥雲 飛返去 龍虎山 喇 。
洪太尉 第二日 一早 就 朝見 天子 ，佢 稟奏 話 ：
天師 乘 鶴 駕 雲 先 到 京師 ，臣等 晝夜 趕路 昨日 至 返到 啊 。
仁宗 好高興 ，重重 賞賜 咗 洪信 ，叫 佢 照常 任職 ，嚱呢啲 亦 唔再 去 講 佢 喇 。
後嚟 ，呢個 仁宗 天子 做 皇帝 總共 做咗 四十二 年 就 死嘞 。
佢 啊 冇 太子 嘅 ，個 皇帝 位 呢 ，就 傳 咗 畀 濮安懿王 允讓 嘅 仔 ，即係 太宗 皇帝 嘅 孫 ，立 個 帝號 叫做 英宗 。
英宗 在位 四年 ，傳位 畀 太子 神宗 。
神宗 在位 一十八年 就 傳位 畀 太子 哲宗 。
嗰陣 天下 太平 ，四方 無事 。
而家 講下 喺 東京 開封府 ，汴梁 宣武軍 ，有 個 流離浪蕩 嘅 破落戶 子弟 ，姓 高 ，排 第二 嘅 ，自細 不務正業 ，就係 好 刺槍 使棒 ，最叻 嘅 呢 就係 踢得 一 腳 好 氣毬 。
哈 有人 會 問 喇 ：乜 宋朝 嗰陣 就 興 踢 足球 㗎 喇 ？
哈又係又唔係啦 ，古時 踢 嘅 球 啊 ，外便 係 皮 造 嘅 ，裏頭 係 塞滿 晒 啲 羽毛 嘅 喎 。
所以 古時 個 毬 字 啊 ， 係 毛字邊 ， 作個 請求 個求 字 。
到咗 宋朝 先至 興踢裏便 打氣 嘅 球 嘅 啫 。
不過 宋朝 嗰 陣 啲 人 踢 氣 毬 呢 ，就 唔 係 好似 而家 踢足球 噉 踢法 㗎 喎 。
佢哋 啲 動作 誒 有 啲 近似 而家 我哋 踢 毽 咁上下 㗎 啦 。
哎好喇好喇 ，閑話休提 就 言歸正傳 。
噉 當時 京師 啲 人 啊 就 貪 口爽 ，唔 叫 佢 做 高二 ，因為 佢 踢毬 踢得 好 吖 嘛 ，所以 個個 都 叫 佢 做 高毬 。
收尾 ， 佢 發 咗 達 ， 就 將氣 毬 個 毬 字 啊 ， 去 咗 個 毛字邊 ， 加上 一個 單企人 ， 改成 為 姓 高 名 俅 嘞 。
呢個人 ，吹彈歌舞 ，刺槍使棒 ，摔跤 頑耍 樣樣 精通 ，詩詞歌賦 呢 ，亦係 噉意 學返 多少 。
如果 講起 仁 、義 、禮 、智 、信 、行 、忠 、良 ，哈 對唔住 喇 ，一樣 都 唔會 。
佢 每日 都 喺 東京 城 裏 城外 幫 閒 ，陪 啲 有錢佬 去 玩 。
佢 呢個 傢伙 太過 唔生性 ，終之 無日 又 嫖 又 賭 風花雪月 。
收尾 ，佢 老豆 實在 忍唔住 嘞 ，趯 去 開封府 告 佢 一 狀 ，官府 就 判 咗 將 高俅 打 二十大板 ，趕 佢 出 東京城 。
規定 呢 東京城 嘅 百姓 ，唔准 留 佢 喺 屋企 食宿 。
高俅 無可奈何 ，就 只有 去到 淮西 臨淮州 ，投奔 一個 開賭場 嘅 撈家 柳大郎 叫做 柳世權 。
呢個 柳大郎 呢 ，最好 養埋 成班 閒人 ，收容 各處 嗰啲 唔乾唔淨 不三不四 啲 人 嘅 。
高俅 投靠 咗 柳大郎 ，一 住 就 三年 喇 。
後嚟 ，哲宗 天子 啊 因為 喺 南郊 拜 天 ，感動咗 上天 得到 風調雨順 ，梗係 高興 啦 ，就 開恩 大赦 天下 喇 。
高俅 喺 臨淮州 ，得到 咗 赦免 ，就 諗住 要 返去 東京 嘞 喎 。
柳世權 有個 親戚 ，叫做 董 將士 ，佢 喺 東京 城裏 便 金梁 橋腳 開 咗 間 生草藥 舖 嘅 。
柳世權 就 寫 封信 ，畀咗 路費 打發 高俅 返 東京 ，去 投奔 董將士 。
高俅 返到 東京 ，一直 就 嚟到 金梁橋 腳 董家 嘅 生草藥 舖 ，交咗 封 書信 。
董將士 見咗 高俅 ，睇咗 柳世權 封 來信 ，個心 就 諗嘞 ：
嗯 ，呢個 高俅 呀 ，我 屋企 又 點 留得 落 佢 㗎 。
你話佢 係 個 勤懇 老實 嘅 人 ，畀 佢 喺 屋企 出入 ，亦都 可以 教 下 啲 子弟 學好 吖 。
之係佢係個幫閒嘅破落戶，都唔立品嘅。
而且 當初 又 判過 刑 添 ，流放過 嘅 ，呢啲 噉嘅 人 亦 係 江山 易 改 本性 難 移 㗎 咯 。
若果 留佢 喺 屋企 嚟 ，盞啲仔 學壞 晒 為止 啦 。
之 如果 話 唔 收留 佢 ，又 唔 畀 面 過 柳大郎 啊 。
冇辦法喇 ，只好 歡歡喜喜 暫時 留佢 喺 屋企 住落 ，每日 好好 噉 款待住 佢 係啦 。
住咗 有 十零日 ，董 將士 諗到 條 橋 嘞 ，於是 佢 攞出 一套 衣服 ，寫咗 封 信 就 對 高俅 話 ：
小人 屋企 乃係 螢火之光 ，照人 就 不亮 ，恐怕 誤咗 仁兄 你 喎 。
我 想 舉薦 仁兄 你 去 小蘇 學士處 ，日後 亦都 有 個 出息 吖 。
唔知 仁兄 意下 如何 呢 ？
高俅 聽咗 啊 大為 歡喜 ，千多得 萬多得 嘞 。
董將士 叫 個人 攞住 封書信 ，帶 高俅 去到 學士府 。
小蘇學士 見 咗 高 俅 睇 咗 封信 ，知道 高 俅 係 個 幫閒 放蕩 嘅 人 個 心 諗 ：
我 呢處 ，點 用得着 佢 啊 ！
不如 做 個人情 ，推薦 佢 去 駙馬 王 晉卿 嗰處 做 個 親隨 罷喇 。
人人 都 叫 佢 做 小王 都 太尉 嘅 ，佢 係 鍾意 呢 停人 㗎 喇 。
當時 ，回復咗 董將士 嘅 信 ，留 高俅 住咗 一 晚 。
第日 ，寫咗 一封信 ，派 個 得力 嘅 人 ，送 高俅 去 嗰個 小王 都 太尉 處 咯 喎 。
呢 個 太尉 ， 乃 係 當今 哲宗 皇帝 嘅 妹夫 ， 神宗 皇帝 嘅 駙馬 。
佢 係 最鍾意 啲 風流人物 㗎 嘞 ， 就 係 要 用 啲 噉 嘅 人 。
一見到 小蘇 學士 派人 帶信 送 呢個 高俅 嚟 ，嘿啱晒 ，一見到 唧 就 歡喜 。
即刻 寫 咗 封 回信 ，收留 咗 高俅 喺 處 做 個 親隨 。
從此之後呢 ，高俅 就 撈到 呢個 好機會 喺 王都尉府 裏 便 出入 ，好似 家人 一樣 噉 。
有一日 ，係 小王 都 太尉 生日 ，喺 屋企 請 飲 ，呢日 呢 係 專 請 佢 嘅 舅仔 端王 。
呢個 端王 啊 ，係 神宗 天子 嘅 第十一 仔 ，哲宗 皇帝 嘅 細佬 ，排號 啊 九 大 王 ，係 個 聰明 俊俏 嘅 人物 。
講到 玩 呀 ，真係 冇 一樣 唔知 就 冇 一樣 唔會 ，就 更 冇 一樣 唔鍾意 嘅 。
好似 琴棋書畫 ，無所不通 ，踢毬 打彈 ，吹簫 彈琴 唱歌 跳舞 ，嚱呢啲 都 唔在 講 。
呢一日 ，王都尉 請 端王 嚟 飲 佢 個 生日酒 ，梗係 山珍海味 水陸俱備 定啦 。
端王 喺 當中 埋咗 位 ，都尉 就 打 對面 相陪 。
飲咗 幾杯 ，食咗 一輪 ，端王 起身 去 淨手 。
誒咩叫淨手啊喂 ？淨手即係去廁所噉解 。
之後呢 ，端王 就 嚟到 書房 ，順腳 入去 望下 。
咦 ，見到 書案 上面 有 一對 用 羊脂白玉 挑出嚟 嘅 獅子 ，愛 嚟 砸 紙 用 嘅 ，做得 呀 精巧玲瓏 真係 靚到極 。
端王 攞起 對 玉獅子 左 睇 右 睇 又 唔 捨得 放手 ，一味 讚好 。
王都尉 見 端王 鍾意 喇 ，就 話 喇 ：
仲有 一個 玉龍筆架 ，亦係 呢個 匠人 一手 做嘅 ，之而家 唔喺 手頭 嚟 。
等 聽日 攞出嚟 ，一齊 送畀 你 。
吖 多謝多謝 ，誒 多謝 你 嘅 厚意 ，嗰個 筆架 實係 更妙 定喇 。
嚱嚱嚱 ，聽 日 攞 出 嚟 ，送到 你 處 你 就 知 喇 。
兩個人 重新 入席 ，一路 飲宴 到 挨晚 飲到盡 醉 先至 散 。
第日 ，小王 都 太尉 攞出 個 玉龍筆架 ，同埋 嗰 兩 隻 玉獅子 ，用 個 金盒仔 裝好 ，再 用 黃羅包袱 包住 ，寫咗 一 封 信 ，叫 高俅 送去 。
高俅 得到 命令 ，帶住 呢 兩件 玉器 就 袋好 封信 ，去 端王宮 咯 喎 。
一去到 ，守門 嘅 官吏 就 轉報 畀 院公 知 。
冇 幾耐 ， 院公 就 出 嚟 問 佢 ： 你 係 邊處 嚟 㗎 ？
高俅 行過 禮 回答 話 ：小人 係 王 駙馬 府 嘅 ，嚟 送 玉器 畀 大王 啊 。
殿下 喺 庭院 處 同 啲 小黃門 踢緊 氣球 ，你 去 啦 。
誒 ，相煩 你 帶 我 去 啦 。
院公 就 帶住 高俅 入 去 一直 嚟 到 庭院 前 便 。
高俅 望過去 ，只見 端王 頭戴 軟紗唐巾 ，身穿 紫色 嘅 繡龍袍 ，腰束 文武雙穗帶 ，將 繡龍袍 嘅 前襟 拉起 就 擪 喺 條 腰帶 處 。
腳 穿 一 雙 嵌金線 飛鳳靴 ，幾個 小黃門 陪住 佢 喺度 踢 氣球 。
高俅 就 唔敢 過去 衝撞 ，就 企 喺 啲 跟班 後便 等 嘞 。
呢嗱 ，呢啲 亦 係 整定 高俅 該 發 嘅 喎 ，時來運到 啊 嗰個 氣球 嘣聲 飛起嚟 ，端王 一下 接唔到 ，個 氣球 就 向住 人 叢 呢便 碌 過嚟 嘞 ，一直 就 碌 到 高俅 身邊 。
高俅 見到 個 氣球 碌 到 嚟 喇 ，亦 係 一時 嘅 膽量 ，使 個 鴛鴦 拐 嘿 好 姿勢 啊 ，嘣 聲 踢返 畀 端王 。
端王 一見 十分 高興 就 問 ：你 係 邊個 啊 ？
高俅 即刻 上前 跪低 回答 話 ：
小人 係 王都尉 嘅 親隨 ，奉咗 主人 嘅 命令 ，送 兩樣 玉器 嚟 ，進獻 畀 大王 ，有 書信 喺 度 拜上 。
端王 聽 咗 就 笑 住 話 ： 哈哈 ， 姐夫 真 係 有心 。
端王 接過 書信 同埋 個 金盒仔 ，打開嚟 過 一過目 ，又 叫 人 收咗 入去 。
佢 而家 ，唔理 啲 玉器 住咯 喎 ，佢 對 高俅 好 感興趣 。
哦 ？原來 你 會 踢 氣球 㗎 ？你 叫做 咩嘢 名 啊 ？
高俅 恭恭敬敬 噉 喺 胸前 交叉住 雙手 ，跪低 回覆 話 ：
小人 叫做 高俅 ，不過 係 亂踢 幾腳 嘅 啫 。
好啊好啊 ，嚟 ，你 落場 嚟 踢 一陣 玩下 。
小人 係 乜嘢 人 啊 ，點 敢 同 大王 踢球 呢 ？
誒 ，我哋 呢個 係 球舍 嚟 ，人人 都 踢得 ，踢下 唔緊要 ，嚟嚟嚟 ！
高俅 一味 叩頭 話 唔 敢 ，唔敢 ！三番五次 要 告辭 返去 ，之 端王 一定 要 佢 踢 。
高俅 只好 叩頭 謝罪 ，落場 喇 。
嘿呀 ，先 踢咗 幾 腳 咋 ，端王 就 猛咁 喝彩 喇 。
高俅 於是 將 平生 本事 都 使晒出嚟 ，嚟 奉承 端王 博 佢 個 歡心 。
高俅 踢球 啲 姿勢 啊 非常好 ，嗰個 氣球 呀 就 好似 畀 膠水 黐住 喺 佢 身 嚟 噉 嘅 。
端王 高興 到 不得了 ， 唔 肯 放 高 俅 返 扯 嘞 ， 當晚 ， 就 留 佢 喺 宮 裏 便 過夜 。
呢頭 王都尉 見 派咗 高俅 去 送 玉器 ，乜 成晚 都 唔 返嚟 。
咩嘢事 呢喂 ？個心 就 有 啲 思疑 咯喎 。
第 日 ， 端王 喺 宮 裏 便 擺 咗 圍酒 ， 專門 請 佢 去 赴宴 。
噉佢就去啦 ，去到 ，端王 首先 多謝佢 送 嗰 兩件 玉器 。
喺 飲酒 嘅 時候 端王 話 ：
你 嗰個 高俅 踢得 兩腳 好 氣球 啊 ，我 係 想要 咗 佢 嚟 做 個 親隨 喎 ，點 啊 ？
殿下 既然 要 用 呢個人 ，咪 就 留低 佢 服侍 殿下 啦 。
啊 ，噉就 多謝 你 喇 。
小意思啫 。
飲 ！
飲 ！
勝嘅 ！
勝嘅 ！
兩個人 傾咗 輪閒偈 ，盡歡 而散 嘞 。
端王 自從 要 咗 高 俅 做 伴 之後 ， 就 留 佢 喺 宮 裏 便 食宿 。
高俅 得到 端王 睇起 ，每 日 跟到 硬晒 寸步不離 定 啦 。
唔到 兩個月 ，哲宗 皇帝 一命嗚呼 死咗 咯喎 ，佢 冇 太子 。
嗰班 文武百官 一齊 商量 ，決定 就 立 端王 做 皇帝 ，立個 帝號 做 徽宗 。
因為 此人 啊 好 信道教 嘅 ，啲 道士 恭維 佢 ，送 一個 尊稱 佢 叫做 玉清教主 微妙道君 皇帝 ，簡稱 做 道君皇帝 。
佢 登基 之後 ，唔到 半年 時間 ，就 將 高 俅 升到 殿 帥府 太尉 一個 咁 高 嘅 職位 。
高俅 撈到 個 咁 大 嘅 官 嚟 做 ，就 擇咗 個 吉日良辰 ，去 殿帥府 上任 嘞 。
嗰日 ，所有 一切 屬下 嘅 公吏 、衙將 、都軍 、監軍 、馬步人 等 ，都 嚟 參拜 。
個個 都 要 呈上 手本 即係 自己 嘅 履歷表 啊 ，報名 行 禮 。
高殿帥 就 逐個 點過 ，個個 都 到齊 嘞 ，唯獨 就 欠 一個 。
邊個 呢 ？就係 八十萬 禁軍 教頭 王進 。
王進 係 喺 半個月 以前 就 已經 請咗 病假 ，而家 病 未曾 好 ，未曾 到 衙門 嚟 辦公 。
一見 點王 進唔到 ，高殿 帥 發火 喇 。
佢 話 ：混帳 ！既然 有 手本 呈咗 上嚟 ，人 又 唔到 ，嗰個 傢伙 豈唔係 抗拒 官府 ，搪塞 本官 咩 ？
佢 實係 詐病 喺 屋企 嚟 ，人 嚟 ！快快 同 我 將 佢 捉嚟 。
就 立即 派 人 去 王進 屋企 捉 人 喇 。
呢個 王進 呢 ，佢 都 未曾 娶 老婆 ，只有 一個 老母 已經 六啊幾歲 ，就 兩 母子 一齊 住 。
嗰 個 差 人 去 到 王進 屋企 ， 就 對 王進 講 ：
今日 高殿 帥 新 嚟 上任 ，點名 你 又 未冇到 ，軍正司 稟告 話 你 病咗 ，呈過 報告 上嚟 請 病假 嘅 。
之 高殿 帥 好嬲 啊 點 都 唔 信 一定 要 拉 你 去 ，話 教頭 你 ，喺 屋企 詐病 喎 ，冇 辦法 啦 教頭 ，你 行 一 趟 呢 。
如果 你 唔去 就 連累 小人 喇 。
王進 聽咗 ，只有 帶住 病 跟 個 差人 去 係 啦 。
入到 殿帥府 參見 高太尉 ，拜咗 四拜 ，起身 再 作 個 揖 ，恭恭敬敬 企喺 一便 。
高俅話 ：嗯 ，你 呢個 傢伙 ，就係 都軍 教頭 王升 個 仔 係 嘛 ？
係 。
你呢個傢伙吖 ，你老豆 係 喺 街市 耍 幾道 花槍 賣 膏藥 嘅 咋嘛 ，你識得 咩 武藝 啊 ？
前任 有 眼 無珠 ，保 你 做咗 個 教頭 你 就 好叻 呀 ？居然 敢 睇小 我 ？
連 今日 我 點名 都 唔 嚟 ？你 似 邊個 啊 ？吓 ！
喺 屋企 詐病 安閒 快樂 呀 ？
小人 點敢 呢 ，實在 係 有 病 在 身未 好 啊 。
你 個 賊 配 軍 ！
高俅 發火 ，鬧 王進 做 賊 配 軍 喎 。
賊配軍 係 乜嘢 意思 啊 ？
配 就 即係 流放 充軍 噉 解 ，係 判處 罪犯 嘅 一種 刑罰 。
配軍 ，即係 判咗 充軍罪 嘅 罪犯 。
喺 宋朝 ， 喺 流放 充軍 嘅 罪犯 塊 面處 啊 ， 仲要 刺 上 字 ， 刺 出 應該 充軍 去 嘅 地方 名 ， 搽 上 黑色 ， 一世 都 唔 甩 得 㗎 ， 等 人 一眼 就 睇 得出 嚟 ， 防止 逃亡 。
高俅 一發火 就 鬧喇 ：你個 賊 配 軍 ！既然 有病 ，噉 你 又 嚟得 ？
太尉 叫到 ，點敢唔嚟 ？
人嚟 ！捉起佢 ，出力 同我 打 呢個傢伙 ！
殿帥府 嗰啲 將官 ，平時 都係 同 王進 好 嘅 ，見到 高俅 發火 喇 ，就 幫埋 軍正司 一齊 𠼮求 高 太尉 話 ：
今日 太尉 上任 ，係 好日子 ，姑且 免佢 一次 啦 。
嗯 ，好啦 ，你 呢個 賊 配軍 ，睇在 大家 嘅 面子 ，今日 饒恕 你 先 ，聽日 先至 同 你 算賬 ！
王進 謝過罪 ，起身 嶽 高頭 一 睇 ，認得 呢個 高太尉 就係 高俅 。
出咗 衙門 歎咗 口氣 話 ：唉 ，我 呢次 性命 難保 喇 。
我 估話 係 咩嘢 高殿 帥 呢 ？原來 就係 東京 幫 閒 踢球 嘅 高二 。
當初 ， 佢 學 打棍 ， 畀 我 父親 一 棍 打低 咗 三四個 月 唔 起得身 ， 結 落 咗 呢 一段 冤仇 。
佢 而家 發咗 達 ，做咗 殿 帥府 太尉 正 係 要 報仇 ，咁啱 我 畀 佢 管 到 正 。
唉 ，自古 話 不怕 官 只怕 管 ，我啊 點 同 佢 爭吖 ？
弊 ，弊 ！呢 趟 點算 好 呢 ？
返去 屋企 ，個心 越 想 就 越 弊翳 ，將 呢件事 講畀 老母 聽 ，母子 兩人 就 抱頭 大哭 。
個老母 話 ：唉 ，仔 啊 仔 ，三十六着 走 為 上着 啊 ，不過 ，怕 冇埞 好 走啫 。
阿媽 你 講得 啱 ，我 都係 噉諗 。
延安 府 老 種 經略 相公 鎮守 邊關 ， 佢 手下 嘅 軍官 多數 都 到過 京師 ， 好 賞識 我 嘅 武藝 ， 不如 趯 去 投奔 佢 哋 罷啦 。
嗰 度 係 聽 人 使 嘅 地方 ，可以 安身立命 ，你 話 好 唔 好 吖媽 ？
只有 呢條 路 咯 ，你 話 噉 就 噉 啦 。
不過仔啊 ，我哋 想 偷偷地 走 ，之 守門口 嗰 兩 個牌軍 ，係 殿帥府 派嚟 服侍 你 嘅 。
如果 畀佢哋 知道 噉 我哋 走唔甩 嘅 噃 。
唔緊要 ，阿媽 你 放心 ，我 有 辦法 搞掂 佢 嘅 。
母子 兩人 商量 妥當 。
當日 挨晚 ，就 叫 姓張 嗰 個 牌 軍 入 嚟 吩咐 佢 話 ：
你 去 食 晚飯 先 ，等陣 我要 使 你 去 做 一件事 。
王教頭 ，咩嘢事 呢 ？
我 因為 前幾日 有病 ，喺 酸棗 門外 嶽廟 許過 願 ，聽朝 一早 去 燒 炷 頭香 。
你 今晚 去 吩咐 個 廟祝 公 ，叫 佢 聽朝 ，早啲 開門 ，等 我 嚟 燒 柱頭香 ，吓 ，準備好 三牲 ，要 嚟 還神 嘅 。
你 就 喺 嶽廟 過夜 等 我 啦 。
張牌 聽 王 進 吩咐 食咗 晚飯 先 ，講聲 早啲 休息 啦 噉 就 去 嶽廟 喇 。
當晚 ，王進 兩 母子 ，執拾 好 被鋪 衣服 ，細 軟 銀兩 啊 整成 一擔 。
另外 又 裝好 兩袋 馬 嘅 飼料 。
等到 五更天 ，個 天 都 未曾 光 啊 ，王進 就 叫醒 姓李 嗰 個 牌 軍 吩咐 佢 話 ：
嗱 ，你 攞 呢啲 銀 去 嶽廟 ，搵埋 張 牌 買 好 三牲 煮熟 佢 ，喺 嗰度 等 我 。
我 去 買 啲 元寶蠟燭 ，跟住 就 嚟 㗎 喇 。
於是 李牌 攞咗 銀 ，就 去 嶽廟 喇 。
王進 自己 去 備好 馬 ，將 兩袋 馬料 馱 喺 個 馬背 上面 嚟 ，用 繩 紮 得 佢 實實正正 ，拉 到 去 後門 ，扶 阿媽 上 咗 馬 。
屋企 裏頭 嗰啲 粗重 嘢 冚𠾴 唥 擗低 唔要 嘞 ，將 前後門 都 鎖咗 ，擔 起 擔行李 ，跟住 喺 馬 嘅 後便 ，趁住 五更 個 天 未光 ，乘機 出咗 西華門 ，一路 去 延安府 喇 。
嗰 兩 個牌 軍 呢 ， 買 咗 三牲 ， 煮熟 咗 ， 喺 廟 處 一直 等到 巳時 ， 即 係 上午 十點鐘 咁 上下 ， 都 仲 唔 見 王進 嚟 。
李牌 走返 屋企 睇下 啦 ，見 鎖咗 門 ，前後 門 都 鎖實 。
搵咗 半日 啊 人影 都 唔 見 。
眼睇住就嚟夜喇 ，張牌 仲 喺 嶽廟 嚟 喎 ，佢 見到 唔係 路 喇 ，亦都 趯 返 去 屋企 睇下 究竟 咩嘢 事 呢噉 。
佢 同 李牌 又 一直 搵到 夜晚 ，個 天 都 黑齊 ，仲 未 搵到 。
兩 個牌軍 見 王進 當晚 又 冇 返 歸 ，又 唔 見 佢 老母 喎 。
第二日 ，兩 個牌軍 又 去 王進 啲 親戚 朋友 屋企 問下 ，都 話 冇 嚟到 噃噉 。
兩個嘢 怕 連累 嘞 ，喇喇聲 去 殿帥府 首告 啦 ，話 王 教頭 棄家 在逃 ，母子 不知 去向 啊噉 。
高太尉 一 知道 就 發火 喇 ：嗯 ！個 賊 配 軍 想 趯 更 ？
哼 ！我 睇 你 呢個 傢伙 趯得 去 邊 ？
即刻 就 發出 文書 ，通告 各州 各府 捉拿 逃軍 王進 嘞 。
