話說 司馬懿 接到 孔明 送嚟 嘅 信 ，同埋 女人 頭巾 衣服 等等 ，嬲到 佢 吹鬚碌眼 ，誒 ，但係 此人 厲害 啊吓 ，佢 即刻 壓住 火氣 ，唔止 唔嬲 啊 ，仲 詐笑 添噃 。
佢 話 ： 呵呵 ， 呵呵 ， 誒 ， 誒 哈哈哈 哈哈哈 哈哈哈 ， 誒 孔明 當我 係 女人 咩 ， 啊 ？ 哈哈哈哈 哈哈哈 ， 誒 佢 嘅 禮物 ， 我 多謝 晒 。
即刻 就 受落啲 女人 頭巾 衣服 ，吩咐 好好噉 款待 使者 。
司馬懿 問個 使者 嘞 ： 孔明 瞓 得 點 啊 ？ 胃口 好 唔 好 啊 ？
誒 ，佢 日常 嘅 事情 ，忙唔忙 呢 ？
回覆 都督 ，我哋 丞相 起得 好早 瞓得 好夜 ，罰 二十 以上 嘅 事情 呀 都 要 親自 過問 㗎 ，食用 啊 好少 㗎 咋 。
嗯 你 哋 聽 下 你 哋 聽 下 ， 孔明 食得 咁 少 事情 又 咁 多 ， 哎 佢 能夠 頂得 幾耐 吖 ！
個 使者 食完 酒菜 ，就 辭別 司馬懿 。
返到 去 五丈 原 呢 ， 就 向 孔明 報告 嘞 ， 佢 話 ：
丞相 ， 司馬懿 收落 咗 女人 頭巾 衣服 ， 睇 咗 封信 佢 冇 發火 啊 。
只係 問咗 幾句 丞相 嘅 睡眠 、飲食 ，同 事務 忙唔忙 啊噉 ，軍事 上 嘅 事情 ，佢 絕口 冇 提 。
我 就 噉噉噉 回答佢 ，佢 就 話 喇 ，食得 咁 少 事情 又 多 ，點 頂得 耐 呢噉 。
孔明 話 ：哎 ，司馬懿 確係 好 了解 我 㗎 。
主簿 楊顒 啊 ，就 趁 呢個 機會 勸 孔明 喇 ，佢 話 ：
下官 平時 見到 丞相 呀 ，時常 都 親自 核對 文件 。
以下 官睇 嚟 呢 ， 呢 啲 噉 嘅 事 丞相 就 大可不必 親自 做 嘅 。
治理 一個 國家 ，一支 軍隊 ，總係 要 有 個 體制 至 得 ，有上有下 就 唔好 互相 干擾 。
嗱 ，比如 管理 一頭家務 ，男僕人 就 去 做 耕種 啊 等等 嘅 粗重 功夫 ，煲茶 煮飯 就 由 婢女 嚟 做 咯 ，噉 佢 嘅 家業 就 唔會 荒廢 ，所 需求 嘅 嘢 都 得到 滿足 。
作為 一家之主 ，從容自在 ，高枕飲食 就係喇 。
如果 樣樣 都 要 佢 自己 去 做嘅 ，噉 就 會 使到 自己 精神 困頓 身體 疲乏 ，結果 就 一事無成 喇 。
噉唔通佢嘅智慧能力 ，唔及 嗰啲 奴僕 咩 ？
唔係 ，佢 就係 唔識得 點樣 去 做 個 一家之主 啫 。
所以 古人 都 話咯 ，坐 喺 處 議論 道理 嘅 就 為之 三公 ，親自 去 做 去 實行 嘅 ，就 為之 士大夫 吖 。
古時 ，丙吉 丞相 見到 啲 牛 喘氣 就 擔心 ，之 路邊 有人 死咗 佢 又 唔 去 理 嘅 。
陳平丞相 ，誒唔知道 國家 一年 收 幾多 錢糧 ，佢 話 自然 有人 去 管 㗎 喇噉 。
而家 丞相 你 ，樣樣 細小 嘅 事情 都 要 親自 過問 ，唉 ，成年 到 晚 ，汗流 終日 ，點 會 話 唔 傷 身子 㗎 。
司馬懿 嘅 說話 ，認真 講得 啱 啊 丞相 ！
哎 ，我 ，嗯 ，我唔係唔知 ，但係 受咗 先帝 託孤 嘅 重任 ，我 就係 怕 人哋 唔似得 自己 咁 盡心 啫 。
孔明 講講下 就 流起 眼淚 。
大家 聽 㗎 ，都 忍唔住 流起 眼淚 嚟 啊 。
噉 啊 從 呢 日 起 ， 孔明 呢 就 覺得 唔 精神 嘞 ， 故此 眾 將官 都 唔 敢 進兵 。
誒喺呢處呢 ，就要 稍為 講多 兩句 。
剛才 楊顒 啊 勸 孔明 嘅 時候 ，提到 丞相 丙吉 同埋 陳平 嘅 事 吖 ，就係 噉嘅 ：
佢 兩個 都 係 西漢 時候 嘅 丞相 。
有一次 丙吉 丞相 啊 ，喺 春天 嘅 時候 出門 。
佢 見到 路上 有 啲 死傷 嘅 人 瞓 喺 處 佢 又 唔 理 嘅 ，但係 見到 啲 牛 喘氣 呢 就 非常之 關心 噃 。
噉 有人 問 佢 點解 啦 ，佢 就 話 喇 ：
呢個 時候 ，天氣 仲 唔係 點 熱 ，牛 呢 就 唔 應該 喘氣 嘅 。
我 就 係 怕 天時 不正 啊 會 影響 到 收成 啊 。
呢個 乃係 丞相 職務 所在 ，所以 我 應當 注意 。
陳 平 丞相 唔 知道 錢糧 數目 又 係 點 嘅 呢 ？
噉啊 有 一次 ，皇帝 就 問 佢 ，全國 一年 判決咗 幾多 案件 ，收入 幾多 錢糧 啊噉 。
陳平 就 回答 話 喇 ，呢啲 事 啊 ，問 主管 部門 就 知 嘞 ，丞相 只係 主管 群臣 ，唔 管 呢啲 事 嘅 噉 。
噉啊 呢 兩段 典故 講完 就 講返 司馬懿 喇 吓 。
噉啊當時嗰班將官啊 ，都 睇住 孔明 送 女人頭巾 同 衣服 嚟 ，侮辱 司馬懿 。
司馬懿 就 居然 受落咗 ，又 唔 出戰 。
嗰班 將官 呀 氣憤 到 極點 喇 大家 就 向 司馬懿 請求 話 ：
都督 ，我哋 都係 大國 名將 ，孔明 噉樣 侮辱 我哋 都 忍得 嘅 ！
請都督 ，准 我哋 出戰 ，同 蜀軍 一決 雌雄 啊 ！
各位 ，我 並非 唔敢 出戰 ，並非 甘心 受侮辱 ，無奈 皇上 有 聖旨 ，命令 堅守 勿動 。
而家 如果 出戰 ，就 違背咗 皇上 嘅 命令 喇 。
哼！
噉啦 ，大家 既然 要 出戰 喇 ，噉 等 我 稟奏 過 天子 ，請求 批准 。
然後 同心合力 ，去 破敵 啦 ，好唔好 ？
司馬懿 噉樣 做 大家 就 滿意 嘞 。
於是 司馬懿 寫好 表章 ，派 個 使者 去 合肥 前線 ，送呈 畀 魏主 曹睿 。
曹睿 睇 下 份 表章 ，大意 係 噉 講 嘅 ：
皇上 曾經 指示 要 堅守 不戰 ，等待 蜀軍 內部 出現 弱點 。
無奈 而家 諸葛亮 送 女人 嘅 頭巾 衣服 嚟 ，當 臣 係 女人 ，真係 極大 嘅 恥辱 。
因此 ，臣 請求 皇上 同意 出兵 ，同 蜀軍 決 一 死戰 ，以 報 朝廷 之 恩 ，雪 三軍 之 恥 。
曹睿 睇完 就 問 左右 啲 大臣 話 喇 ：
本來 司馬懿 一直 都 係 堅守不出 㗎 ，而家 又 點解 上表 嚟 請戰 呢吓 ？
辛毗話 ：陛下 ，睇嚟 ，司馬懿 本心 係 唔想打 嘅 ，呢次 實係 因為 諸葛亮 噉樣 侮辱 佢 法 ，眾 將官 都 深深 不忿 ，嬲喇 ，逼住 佢 出戰 。
故此佢就上呢份表章 ，實質係希望陛下你再落一道聖旨 ，命令唔准打 ，撳住眾將官噉解嘅啫 。
嗯 ，係啊係啊 。
曹睿 就 命令 辛毗 做 使者 ，帶住 節 ，去 渭北 營寨 宣佈 聖旨 ，命令 唔准 出戰 。
辛毗去 到 喇 ， 司馬懿 迎接 咗 聖旨 入到 中軍帳 ， 噉 辛 毗 就 當眾 宣讀 ：
如果 再 有 敢話 出戰 嘅 ，以 違反 聖旨 論處 ！
哎呀 ！眾將官 唯有 三呼 萬歲 ，服從 聖旨 啦 。
司馬懿 收尾 就 偷偷 對 辛毗 話 喇 ：辛公 啊 ，你 啊 真係 明白 我 嘅 心事 啊 ！哈哈哈哈哈哈哈哈 。
於是 司馬懿 派 人 喺 軍隊 裏 便 啊 ，宣佈 話 魏主 命令 辛毗 ，帶住 節 嚟到 宣讀 聖旨 ，唔准 司馬懿 出戰 噉 。
呢件事 好快 就 傳到 去 蜀軍 嗰便 ，啲 將官 就 去 講畀 孔明 聽 。
孔明 一 聽 就 笑 ：呢個 呀 ，係 司馬懿 要 撳住 三軍 唔准 逳 嘅 辦法 嚟 啫 。
姜維 就 問 嘞 丞相 你 點知 呢 ？
司馬懿 本來 係 冇心 出戰 ，佢 之所以上表 請戰 呢 ，不過 係 做個樣 畀 大家 睇 嘅 啫 。
所謂 將 在外 軍 命 有 所 不受 ，邊度 話 隔 千里 咁 遠 去 請戰 㗎 。
皆因 司馬懿 見到 將士 憤怒 咯 ，就 借 曹睿 嘅 說話 嚟 撳住 大家 。
而家 又 傳播 呢啲 噉嘅 說話 出嚟 ，係 想 使到 我哋 軍心 鬆懈 啊 。
正喺度議論緊 ，費禕 嚟到嘞 。
孔明 問 佢 有 咩嘢 事 ，費禕 話 ：
丞相呀 ，曹睿 聽聞 東吳 三路 進兵 ，就 親自 率領 大軍 去 合肥 ，派 滿寵 、田裕 、劉劭 ，分兵 三路 迎敵 。
滿寵 呢 就 用 計燒 晒 東吳 嘅 糧草 物資 。
吳兵 當時 病人 又 好多 ，陸遜 就 上表 畀 孫權 ，約定 前後 夾攻 。
點知唔好彩 ，送表 嘅 使者 喺 半路 中途 畀 魏兵 捉到 ，因此 就 洩露咗 機密 。
吳兵 呀 得唔到 一啲 戰果 就 撤退 返去 喇 。
吓 ？唉 ！
孔明 一 聽 ，長歎 一聲 ，突然間 就 暈咗 跌咗 喺 地 。
嚇到 大家 咩噉 連忙 扶返起 佢 ，搵 個 隨軍醫生 嚟 到 急救 。
過 咗 好 耐下 先至醒 返 ， 孔明 話 喇 ： 唉 ， 唉 ， 我個 心 ， 好 跳 啊 ， 神思 紛亂 。
呢次 舊病 復發 呀 ，恐怕 冇得救 㗎 喇 ，唉 ！
大家 一味 安慰 佢 ，請 佢 休息 。
到咗 夜晚 ，孔明 帶病 行 出 中軍 帳 外 ，觀察咗 輪 天文 佢 好 慌呀 ，行返 入 嚟 中軍 帳 之後 佢 就 同 姜維 話 喇 ：
我 ，好快 就 死 㗎喇 。
丞相 ， 丞相 點解 講 啲 噉 嘅 說話 呢 ？
我 剛才 ，睇見 三台星 之中 ，客星 分外 明亮 ，主星 昏暗 。
天象 係 噉樣 咯 ，我 嘅 性命 ，唉 就 可 想而知 喇 。
丞相 ， 天象 雖然 係 噉 啫 ， 丞相 你 點解 唔 用 祈 禳 嘅 法術 嚟 挽回 佢 呢 ？
祈禳嘅法術 ，我 一向 都 熟悉 ，只係 唔知道 天意 係 點 啫 。
我 準備 ，就 喺 中軍 帳 內 祈禳 北斗 。
若果 七日 之內 ，主燈 唔 熄滅 呢 ，噉 ，我 嘅 壽命 啊 ，就 可以 延長 十二年 嘅 。
如果 眼主燈 熄滅 ，噉 我 就 一定 死 㗎 喇 。
啲 閑雜 人等 ，就 唔好 畀 佢哋 入嚟 喇 。
但凡 一切 應用 嘅 物品 ，就 叫 兩個 童子 搦 啦 吓 。
姜維 聽咗 孔明 嘅 吩咐 啊 ，就 去 準備 。
所謂祈禳啊 ，即係 祈禱 上天 神靈 消災救難 嘅 法術 。
當時 正 係 八月 秋天 ， 當晚 ， 天上 銀河 耿耿 ， 星光燦爛 ， 地下 一片 寂靜 ， 旌旗 不 動 。
姜維 喺 中軍 帳 外 ，率領 七七四十九 人 喺度 守衛 。
孔明 呢 ，就 喺 帳內 ，擺開 香花 祭品 。
地面上 ，分佈 七盞 大燈 。
圍繞住 呢 七盞 大燈 ，又 分佈 四十九盞 小燈 ，裏 便 就 安放 本命燈 一盞 。
孔明 就 跪喺 處 ，向 上天 祝禱 啊 ，佢 話 ：
臣 ，諸葛亮 ，生於 亂世 ，本來 ，想 喺 鄉下 度過 一生 。
後來 ，承蒙 昭烈皇帝 ，三顧之恩 ，託孤之重 ，不敢不竭盡 犬馬之勞 ，誓要 討伐 國賊 。
不料 ，將星 欲 墜 ，陽壽 將 終 。
謹寫 表文 ，祭告 上天 ：
伏望 上天 ， 以 慈悲 為懷 ， 延長 臣 嘅 壽命 ， 使臣 ， 得以 上報 君恩 ， 下救 民命 ， 光復 漢室 。
禱告完嘞 ，孔明 就 喺 帳內 伏 喺 張 枱 處 休息 下 等 天光 。
第日 ，佢 仲 帶病 工作 ，吐咗 好多 血 。
就係噉樣 ，孔明 喺 日頭 就 考慮 軍機 大事 ，晚上 ，就 禮拜 星斗 。
司馬懿啊 一直 堅守 營寨 ，呢一晚 ，佢 觀察 天文 。
啊 ？啊！ 高興喇 ，佢 同 夏侯霸 話 ：
剛才呀 ，我 睇見 將星 失位 ，孔明 必定 有病 ，冇幾耐 就 死㗎喇 。
你 ，快啲 帶 一千 兵 去 五丈原 偵察 下 啦 。
如果 蜀兵 亂糟糟 ，唔出嚟 迎戰 嘅 ，孔明 就 實係 有病 喇 。
噉 我 呢 ，就 趁勢 去 攻佢 ，你 快啲 去 。
於是 夏侯霸 就 帶兵 去 。
當晚 ，孔明 喺 中軍 帳 內 祈禳 呢 已經 係 第六 晚 嘞 ，見到 主燈 明亮 光猛 個 心 都 非常 歡喜 ，有 希望 嘅 嘛 。
姜維 行 入嚟 帳內 ，見到 孔明 披散 頭髮 ，手執 寶劍 腳踏 七星 ，正 喺度 鎮壓 將星 。
忽然間 ，聽見 寨外 傳嚟 一陣 吶喊聲 。
姜維正話 想 派人 出去 問下 係咩嘢事 ，誰知道 魏延 嘣嘣聲 飛跑 入嚟 報告 話 魏兵 殺嚟 喇 ！
魏延 行得快 ，一衝入嚟 帶起 一浸風 ，呼噉 竟然 將 眼主燈 整熄咗 。
孔明 擗低 把 劍 ：啊 ！死生 有 命 ，冇 法子 祈求 消災 咯 ！
嚇到 魏延 驚晒 ，即刻 跪低 趴喺 地處 請罪 。
嘩嬲到 姜維 呀 撐聲 拔出 把 劍 要 殺 魏延 。
孔明 制止住 姜維 佢 話 ：呢啲 ，係 我 條命 該 絕 ，唔係 文長 嘅 過錯 ，你 唔好 噉樣 。
姜維 就 收返 把 劍 。
孔明 嘔咗 幾啖 血 ，瞓低 落 鋪床處 ，佢 對 魏延 話 ：
呢啲 ，係 司馬懿 估計 我 有病 ，所以 派 人 嚟 ，探聽 虛實 啫 。
文長 ，你 快啲 出去 迎敵 啦 。
魏延 遵照 孔明 嘅 命令 ，出帳 上馬 ，帶兵 殺出 營寨 。
夏侯霸 一見 係 魏延 ，怕喇 ，慌忙 撤退 。
魏延 一直 追咗 佢 二十幾 里 先至 收兵 。
孔明 呢 ，就 叫 魏延 返去 本寨 把守 。
姜維 入嚟 中軍帳 ，嚟到 孔明 嘅 病床 前面 請安 。
孔明啊 同佢 話喇 ：我 ，本來 係 希望 ，竭忠盡力 ，恢復 中原 ，重興 漢室 嘅 。
誒 ， 無奈 ， 天意 係 噉 樣 ， 唉 ， 誒 我 好 快 就 死 㗎 喇 ， 我 平生 嘅 經驗 ， 已經 寫成 二十四篇 文章 ， 共計 十萬 四千 ， 一百一十二 字 。
其中 呢 ， 就 包括 有 ， 八務 、 七戒 、 六恐 、 五 懼 嘅 法則 。
我 觀察 過 ， 所有 嘅 將領 ， 都 冇 人 可以 傳授 得 落 嘅 ， 唯獨 你 ， 唯獨 你 ， 可以 傳授 ， 你千祈 唔 好 ， 當作 隨便 啊 。
多謝丞相 ，小將 ，小將記住喇 。
我 ，仲有 一種 ，製造 連弩 嘅 方法 ，始終 未曾 用過 。
誒 呢種 連弩 嘅 箭 ，係 八寸 長 ，一 弩 ，可以 發 十 支 箭 ，已經 畫好 晒 圖樣 㗎 喇 。
你 按照 我 嘅 方法 ，誒 做嚟 用 啦 。
係！ 小將 ，一定 遵照 丞相 講 嘅 去 做 。
蜀中 各處 地方 ，都 唔使 擔憂 。
誒 唯獨 陰平 呢 一處 ，務必要 小心 在意 。
呢笪地方 雖然 險峻 ，時間 一長 ，必定 有事 㗎 。
孔明 囑咐完 姜維 ，又 叫 馬岱 入嚟 ，伏 喺 佢 耳仔邊 ，向 佢 交帶咗 一項 秘密 命令 。
佢 叮囑 馬岱 話 ：我 死咗 之後 ，你 就 依照 我 嘅 計策 ，做 啦吓 。
馬岱 接受 咗 命令 就 出去 。
過咗一陣 ，楊儀 嚟喇 ，孔明 叫 佢 行到 床前 便 ，交咗 個 錦囊 畀 佢 ，細細聲 好 秘密 噉 叮囑 佢 話 ：
我 死咗 之後 ，魏延 必 反 嘅 。
等佢 ，反叛喇 ，你 同佢 對陣 交鋒 嘅 時候 ，先至 好 ，打開 呢個 錦囊 。
到其時 ，自然 ，有 殺 魏延 嘅 人 嘅 。
孔明 將 啲 重要 事情 逐一 交帶 咗 之後 ，就 暈 咗 不省人事 ，到 晚上 先至 蘇醒 返 。
噉就 漏夜 派人 送 份 表章 ，去 稟奏 畀 後主 劉禪 知 。
哎呀 劉禪 一 聽到 孔明 病危 嘅 消息 ， 哎呀 大吃一驚 ， 喇喇聲 就 派 尚書 李福 ， 日夜兼程 趕到 去 前線 問候 ， 兼 夾問 下 佢 對 後事 有 咩 囑咐 。
李福 奉 咗 旨 ，馬 不停蹄 就 趕到 去 五丈原 ，見到 孔明 ，代表 皇上 問候 佢 。
然後 話 皇上 問 佢 有 咩 嘢 囑咐 噉 。
孔明 流起 眼淚 佢 話 ：
我 不幸 ，喺 半路 中途 就 死咯 ，國家 大事 ，天下 大事 ，都 要 擗低 喇 。
唉 ，我 死咗 之後 啊 ，你哋 各位 ，應該 竭盡 忠心 ，輔助 皇上 。
國家 一切 現行 嘅 制度 ，都 唔好 改變 佢 。
我所用嘅人 呢 ，亦唔好 隨便 開除 。
誒 ， 誒 ， 誒 ， 我 嘅 兵法 ， 都 傳授 畀 姜維咯 。
佢 會 繼承 我 嘅 志願 ，為 國家 ，出力 嘅 。
我嘅性命 ，已 在 旦夕之間 。
我 ，我 ，我 會 有 一 封 遺表 上奏 天子 嘅 。
李福 得咗 孔明 嘅 說話 ，匆匆忙忙 告辭 就 走 。
孔明 勉強 支撐住 ，強打 精神 ，叫 啲 人 扶 佢 坐 上 架 小車 ，出去 各個 營寨 視察 一遍 。
佢 覺得 畀 啲 秋風 一 吹 ，啊 寒到 入 骨 。
佢 長歎 一 聲 話 ：唉 ！再唔能夠 出陣 去 討伐 逆賊 咯 ，唉 ，蒼天 啊 ！蒼天 啊 ！
孔明 歎息 咗 好耐 ，當 佢 返去 中軍 帳 ，病勢 顯得 更加 沉重 ，就 叫 楊儀 嚟 吩咐 佢 話 ：
誒王平 、廖化 、張嶷 、張翼 、吳懿 ，佢哋 ，都係 忠義之士 ，久經 戰陣 啊 ，勤勞勇敢 ，都係 可以 放心 使用 嘅 。
我 死咗 之後 呢 ，凡事 ，都 要 依照 現有 嘅 法制 嚟 做 ，吓 。
退兵嘅時候啊 ，要 慢慢 退 ，唔使 急嘅 。
你 ，深通 謀略 ，唔 在 我 多 講 喇 。
誒 ，姜伯約 呢 ，智勇兼備 ，要 佢 斷後 啦 。
楊儀 流住 眼淚 ，跪 喺 處 再 拜 接受 命令 。
跟住 ，孔明 叫 人 攞 文房四寶 嚟 ，就 喺 病床 上 便 啊 ，親手 寫 一 封 遺表 要 嚟 呈送 畀 後主 劉禪 嘅 ，遺表 個 大意 係 噉 ：
一個人 嘅 生死 ，係 平常 嘅 事 ，都 係 難逃 定數 。
臣 就 快 死 ，願意 竭盡 自己 一點 忠心 。
臣 秉性 愚鈍 ，喺 呢個 艱難 時勢 ，掌管 國家 大事 ，興師 北伐 ，未能夠 成功 。
點 估到 病入膏肓 ， 命在旦夕 ， 唔 能夠 再 為 陛下 效力 咯 ， 飲恨 無窮 啊 。
好希望陛下 ，清心寡慾 ，約束自己 ，愛護民眾 ，遵從 先王 嘅 遺訓 ，為 天下 多做好事 。
國內 仲有 好多 品德優良 嘅 人才 ，未曾 出嚟 做事 ，要 提拔 佢哋 。
對 嗰啲 奸邪 嘅 人 ，務必要 摒棄 佢哋 。
臣 嘅 家庭 喺 成都 ，有 八百 棵 桑樹 ，薄田 十五 頃 。
一家人 嘅 生活 ，已經 富足 有餘 。
至於 臣 喺 外 便 擔任 官職 ，就 並無 其他 嘅 使用 。
自己 隨身 嘅 衣食 ，全部 都 由 官家 供給 ，冇 去 經營 其他 產業 嚟 增加 收入 。
臣 死 嘅 時候 ，絕唔會 使到 自己 家內 家外 ，有 多餘 嘅 錢財 ，而 對唔住 陛下 嘅 。
各位 ，孔明 就快 死 ，喺 佢 死之前 ，仲有 好多 好多 非常 重要 嘅 囑咐 。
