今日 講下 曹操 呀 ，佢 係 喺 洛陽 吖 。
自從 葬咗 關公 之後 啊 ，吖 佢 晚晚 一 合眼 唧 ，就 見到 關公 嘞 喎 。
咦呀 ！曹操 好 驚 啊 ，就 問 嗰啲 大臣 啦 。
啲 大臣 話 喇 ：係啊 ，洛陽 行宮 嗰 啲 舊 嘅 宮殿 ，係 好多 妖怪 㗎 ，不如 起 間 新 殿 嚟 住 好過 啦 。
曹操 話 喇 ：係咯 ，我 都 想起 一 間 殿 ，名 都 改 好 㗎 喇 ，叫做 建始 殿 ，哈哈 。
就係 可惜 冇 好 嘅 工匠 呢 。
賈詡 話 喇 ：大王 ，洛陽 有 一 個 極 出色 嘅 工匠 叫做 蘇越 啊 。
佢 嘅 諗 法 最 為 巧妙 㗎 喇 ， 召 佢 嚟 問 下 好 唔 好 呢 ？
好吖 。
於是就 召咗 蘇越 嚟 。
曹操 叫 佢 畫 個 圖樣 出嚟 睇下 。
過咗無耐 ，蘇越 就 畫咗 九間 大殿 ，前後 廊廡 樓閣 非常之 富麗堂皇 嘅 ，噉啊 呈上 畀 曹操 過目 。
曹操 睇咗 就 話 喇 ：嗯 ，好 ！哈哈哈 ，你 畫得 好啱 孤王 嘅 心水 啊 ！
誒就係怕 缺乏 棟樑之材 噃 。
啟稟大王 ，離開 洛陽城 三十 里 嗰度 ，有 一個 躍龍潭 ；前便 有 間 祠堂 ，叫做 躍龍祠 。
祠堂 旁邊 有 一 棵 大 梨樹 ，成 十幾 丈 高 嘅 ，佢 呀 做得 建始殿 嘅 正梁 嘞 。
曹操 好 高興 ，立即 派 人 去 嗰度 斬 樹 嘞噃 。
點知 過咗 一日 ，啲 人 返嚟 報告 話 嗰 棵 樹 呀 鋸 唔開 斬 唔入 㗎 噉 。
噉 曹操 唔 信 啦 ，就 親自 帶住 幾百 人 騎馬 去 睇過 嘞 喎 。
佢 去到 躍龍祠 前 便 落咗 馬 ，擔 高頭 睇下 嗰 棵 梨樹 嘩 嗨 真係 婆娑 啊 ！
樖樹 高 到 呀 樹頂 都 勾得住 啲 雲 咁 淒涼 嘅 ，而且 又 筆 咁 直 ，啲 多 彎曲 都 冇 嘅 。
曹操 欣賞 咗 一陣 ，就 叫 啲 人 斬 樹 。
鄉下 有 幾個 父老 就 出 嚟 勸諫 曹操 話 喇 大王 啊 大王 ， 呢 樖 樹 ， 誒 已經 幾百年 㗎 喇 ， 時常 都 有 神仙 住 喺 上面 嚟 嘅 ， 誒 怕 唔 好 斬 啊 大王 。
呸 ！孤王 平日 縱橫 天下 四十 多年 ，到過 無數 地方 ，上至 天子 下至 平民 ，冇 個 唔 怕 孤王 嘅 。
係 個 乜嘢 妖神 咁 大膽 ，竟然 敢 違抗 孤王 啊 ！
講完 ，曹操 拔出 佩劍 親自 斬 樖樹 。
一斬落去 ，撐噉一聲 ，啪 ！擠到 曹操 成身 都 係 血 。
嚇到 曹操 當堂 窒晒 ，掉低 把 劍 上馬 走人 咯 。
當晚 ，曹操 喺 王宮 瞓覺 ，到咗 二更 ，佢 碌嚟碌去 仲係 瞓唔着 ，就 喺 大殿 嗰處 行行企企 。
攰喇 ，就 憑住 張 枱仔 瞌着 咗 。
忽然 見到 有 個人 披頭散髮 ， 着 住件 黑衫 ， 手上 揸 住 把 劍 就 一直 行到 面前 ， 指住 曹操 喝 佢 話 ：
我係梨樹神啊 ！你要起建始殿 ，個心係想謀朝篡位 ，竟然走嚟斬我嘅神木 ！
你嘅 天數 已 盡 ，我 特意 嚟 殺 你 ！
衛兵 快啲 嚟 ！救命 啊 ，救命 啊 ！
着黑衫 嗰個 人 攞 把 劍 嚟 斬 曹操 。
曹操啊 大聲咁嗌 ，一下就 扎醒咗 ，嘿 覺得 個頭殼 痛到 不堪 。
急急 傳令 到處 咁 搵 啲 好 醫生 嚟 睇病 啦 ，點知 醫 咗 好耐 時間 醫極 都 唔 見 好 。
嗰班 大臣 就 好 憂心 。
呢一日 ，華歆 嚟到 稟奏 話 ：
大王 ，你 有冇 聽講過 神醫 華佗 啊 ？
哦 ，哎呀 ，誒 ，嗯 ，誒就係 ，江東 醫 周泰 嗰個 係嘛 ？嗯 。
冇 錯 喇 。
名誒聽過個名嘅 ，佢嘅醫術 點啊 唔清楚喇 。
大王啊 ，華佗 字元化 ，係 沛國 譙郡 人 。
佢 醫術 嘅 神妙法 呀 ，真係 世間 少有 㗎 ！
於是 華歆 就 將 華佗 嘅 醫術 介紹 畀 曹操 聽 。
原來 華佗 醫病 啊 確係 叻嘅 ，佢 醫病呢 ，或者 係 用 藥 ，或者 用 針 ，或者 用 灸 ，嗨 真係 手到病除 嘅 噃 。
呢 ，如果 得嘅 病 呢 ，係 喺 五臟六腑 裏 便 嚟 嘅 ，食 藥 冇 效 㗎 喇 。
華佗 就 畀 劑 麻沸湯 個 病人 飲咗 ，噉 個 病人 就 好似 飲醉酒 醉到 不省人事 噉 個 咯喎 ，然後 呢 ，就 用 把 尖刀 ，切開 病人 嘅 腹部 ，用 啲 藥湯 嚟到 洗乾淨 病人 嘅 肺腑 ，個 病人 一啲 都 唔 覺 痛 㗎 。
洗完 ，噉就 用啲藥線 聯好 個 傷口 ，用啲藥 敷住 佢 。
噉 啊 一個月 唔 定 ， 二十日 唔 定 ， 哈 噉 就 好 返 㗎 喇 ， 真 係 神妙 到 噉 嘅 。
有一日 ，華佗 就 喺 路 行緊 啊 ，聽見 有 個人 哎哎聲 喺度 呻吟 。
華佗 埋去 望下 佢 就 話 喇 ：佢 呢個 病 呀 係 飲食 唔落 啊 。
問下 嗰個人 嗨果然 係 。
華佗 就 叫 人 攞 啲 蒜頭 嚟 舂 汁 ，舂咗 三 升 蒜頭汁 畀 嗰個 人 飲 。
飲 咗 落 去 ， 嘩 ， 你 哋 估點 吖 嗱？ 嘔 咗 條蛇出 嚟 ， 成 二尺 幾 三尺 長 嘅 ， 呢 ， 即刻 就 飲食 如常 喇 。
仲有 ，廣陵 太守 陳登 啊 ，佢 係 覺得 個 心 好 煩悶 ，面 紅 ，唔能夠 飲食 ，噉 去 搵 華佗 醫 嘞 。
華佗 畀 啲 藥 佢 飲 ，嘔嘔聲 嘔咗 足足 有 成 三升 咁多 蟲 出嚟 ，啲 蟲 呢 ，個 頭 都 係 紅色 嘅 噉 貢下貢下 。
陳登 就 問 華佗 點解 會 有 噉嘅 病 呢噉 ？
華佗 講 佢 聽嘞 ：你 誒 皆因 食得 魚腥 多 ，故此 有 噉嘅 毒 。
今日 呢 雖然 醫好咗 ，但係 三年 過後 啊 ，又 會 復發 嘅 ，到時 就 冇得救 㗎喇 。
收尾 ，陳登 果然 過咗 三年 就 病死 嘞 。
嗱 又 有 個人 噃 ，佢 喺 眼眉 中間 嗰度 呢 生咗 個 瘤 ，就 痕 到 不得了 ，噉 請 華佗 睇下 啦 。
華佗 一 睇 就 講 ：裏頭 有 嘢 識 飛 㗎 。
嘿嘿啲人 都 笑啦 ，唔信喎 。
華佗 用 把 刀 切開 個 瘤 ，嘩 ，有 隻 黃雀 咘噉 飛咗 出嚟 ，嘿 ，病人 即刻 就 好返 。
有 一次 ， 有 個人 畀 隻 狗 咬親 腳趾 ， 冇 幾耐 之後 呢 就 生 咗 兩 嚿 肉 出 嚟 ， 一 嚿 肉 就 痕 一 嚿 肉 就 痛 嘅 ， 都 係 痛到 呀 痕到 忍 唔 住 咁 交關 㗎 喇 。
華佗 睇 咗 就 話 喇 ：痛 嗰 嚿 肉 裏 便 ，有 十眼針 ，痕 嗰 嚿 肉 裏 便 有 黑白棋子 兩 粒 。
噉 又 係 冇 人 信 嘅 。
華佗 用 刀 切開 ，果然 一啲 都 冇 錯 ，哈 ！
華歆 就 將 華佗 嘅 神妙 醫術 介紹完 ，佢 就 話 喇 ：
佢 而家 喺 金城 住 ，離開 呢度 唔 遠 嘅 ，大王 不如 召 佢 嚟 睇 下 病 都 好 吖 。
曹操 即刻 派 人 漏夜 請咗 華佗 嚟 ，叫 佢 診脈 睇病 。
華佗 把 完脈 ，望咗 下 就 話 ：
大王 個 頭腦 覺得 痛 呢 ，皆因 頭風 而 起 啊 。
病根 喺 個 腦袋 裏頭 ，風涎 如果 唔 出得嚟 ，食 硬多 嘅 湯藥 都 係 冇用 嘅 ，醫唔好 嘅 。
我 有 一個 辦法 ： 先飲麻 沸湯 ， 然後 用 把 斧頭 斬 開個 腦袋 ， 將 啲 風 涎 攞 出 嚟 ， 噉 就 除 咗 病根 喇 。
吓 ？哈哈 ，你 想 殺死 孤王 係嘛 ！
大王 ， 你 有 冇 聽講 過啊 ？ 關公 中 咗 毒箭 傷 咗 右臂 ， 我 同 佢 刮骨 療毒 ， 關公 一 啲 都 唔 怕 ， 當作 冇 事 噉 啊 。
而家 大王 不過 係 啲 小意思 嘅 病 啫 ，唔使 咁 怕 嘅 。
手臂痛 可以 刮 ，腦袋 唔通 可以 斬開 嘅 咩 ！
哼 ！你 必定 係 同 關公 感情 好 ，想 趁 呢個 機會 嚟 報仇 嘅 ！
曹操 發起 惡 ，叫 衛士 捉咗 華佗 韞咗 入 監 ，嚴刑 拷打 審問 佢 。
賈詡 就 勸 佢 話 喇 ：大王 唔好 咁 嬲 ，好似 華佗 噉 嘅 好 醫生 世間 少有 㗎 ，唔好 殺 佢 啊 。
哼哼 ，此人 想 乘機 害 我 ，同 吉平 一模一樣 啊 ，哎 ！
曹操 唔理 咁多 ，一於 命令 要 追 出口供 。
華佗 韞 嗰個 監獄 裏頭 呢 有 個 獄卒 ，係 姓 吳 嘅 ，人人 都 稱呼 佢 做 吳押獄 。
佢 呢個 人 好好心 ，日日 都 攞 啲 酒肉 嚟 請 華佗 食 ，好 照顧 佢 。
華佗 為咗 感謝 吳押獄 對 佢 嘅 關心 呀 ，有 一日 ，就 同 佢 話 喇 ：
我 就嚟 要死 㗎喇 ，可惜 我 有 一卷 青囊書 唔 能夠 喺 世上 傳落去 唧 。
你 待 我 咁 好 ，我 冇 咩 嘢 好 報答 你 咯 。
等我 寫 一 封 信 ，你啊 派 人 送 去 我 屋企 ，攞 咗 呢 卷 青囊書 嚟 ，我 送 咗 畀 你 ，等 你 嚟 繼承 我 嘅 醫術 啦 。
哎呀 先生 啊 ，我 如果 得到 呢一卷書 ，我就 唔當 呢份 差 ，以後 ，要 醫治 天下 嘅 病人 ，嚟 傳播 先生 你 嘅 功德 啊 。
華佗 就 寫咗 封 信 交畀 吳 押獄 。
吳 押獄 𠻘𠻘 聲 去到 金城 ，問 華佗 個 老婆 攞咗 青囊書 ，返到 嚟 監獄 ，就 將 本 書 交 畀 華佗 睇過 。
華佗 跟住 將 呢 卷 書 送 畀 吳 押獄 。
吳 押獄 攞咗 就 返 屋企 收埋 唔 講 畀 人 知 。
過咗 十日 之後 ，華佗 喺 監獄 死咗 。
噉 吳 押獄 自己 出 錢 買 副 棺材 葬咗 佢 ，真係 辭咗 份 獄卒 唔 做 就 返 屋企 。
一返到去 ，就 想 攞 本 青囊書 嚟 睇下 學 嘞 喎 。
哎弊傢伙喇弊傢伙喇 ！只見 佢 老婆 正 喺度 燒緊 嗰部 書 啊 ，急到 吳押獄 呀 三步 夾埋 兩步 撲過去 想 搶救 啦 ，已經 嚟唔切 喇 。
全卷書 都 燒晒 變咗 灰 喇 ，只係 剩得 一兩頁 。
吳押獄 就 發火 鬧 個 老婆 啦 ，撞鬼 咩 你 真係 ！
之佢 老婆 話 ：就算 你 學得 華佗 一樣 咁 神妙 啊 又 點 唧 ，又 唔係 落得 死 喺 間 監獄 嚟 ，要 啲 噉 嘢 有 乜 用 吖 ！
哎 真係 嬲 都 冇 法子 啦 。
因此呢 ，華佗 嘅 青囊書 啊 ，就 冇 流傳 到 後世 。
噉啊 而家 傳落嚟 嘅 只係 剩返 咩 閹雞 閹豬 啊 噉啲 多 小手術 ，呢 就係 燒剩 嗰 一兩 頁 上面 寫住 㗎 喇 。
呢 ，有 詩 為 證 啊 ：
華佗 仙術 比 長桑 ，神識 如 窺 垣 一方 。惆悵 人 亡 書 亦 絕 ，後人 無 復 見 青囊 ！
好 喇 ， 而家 講返 下 曹操 ， 佢 自從 殺 咗 華佗 之後 佢 嘅 病勢 就 越 嚟 越重 。
個心呢 ，又 憂慮 東吳 、西蜀 啲 事 咯 喎 。
就喺呢個時候 ，東吳 孫權 就 派 使者 送咗 封信 嚟 。
曹操 拆開 封信 睇下 ，大意 就係 噉 講嘅 ：
臣孫權 喺 好耐以嚟 都 知道 天命 係 歸於 王上 ，希望 你 早日 登上 皇帝位 ，出兵 去 剿滅 劉備 ，掃平 東西 兩川 。
到其時 ，臣 立即 率領 部屬 獻地 投降噉 。
曹操 睇完 信 ，哈哈聲笑起嚟 ，將 封 信 畀 佢 嗰班 大臣 睇 ，佢 話 ：
孫權 呢個 小子 呀 ，哈哈哈 ，想 將 我 擺 喺 盆爐 火 上 便 噃 ！哈哈哈哈哈哈 哎呀 哈哈哈哈哈 。
各位 ，曹操 講 嘅 呢句 說話 啊 ，誒 要 稍為 解釋 多 兩句 。
事關 呢句 說話 係 有 相關 意思 嘅 。
喺 當時 講 迷信 講 陰陽 五行 嘅 講法 呢 ，漢朝 係 屬於 火德 。
噉喺爐火之上啊 ，就係 取代 漢朝 自己 做 皇帝 ，呢個 係 一層 意思 。
另外呢 ，曹操 喺 名義上 係 擁戴 漢王朝 嘅 ，但係 實際上 係 大權 獨攬 。
之 如果 一旦 佢 改變 為 由 自己 直接 做 皇帝 啊 ，噉 又 有 可能 引起 更多 嘅 反對 ，有 一定 嘅 危險性 。
曹操 理解到 孫權 表面上 講 嘅 係 奉承 嘅 說話 ，不過 話裏 便 有 骨 ，擁佢 做 皇帝 等於 擺 佢 喺 火爐 上 便 燒 。
噉 啊 當時 有 幾位 大臣 啊 ， 就 好似 侍中 陳 群 佢 哋 就 稟奏 話 喇 ：
漢室 早就 已經 衰微 ，殿下 功德 巍巍 ，生靈 仰望 。
而今 孫權 俯首 稱臣 ，呢個 係 天人 之 應 ，異氣 齊聲 。
殿下 應該 應天 順人 早 登 大位 啊 。
哈哈哈哈 哈哈哈 哈哈哈 ， 哎 多年 嚟 ， 我 服侍 漢室 ， 雖然 ， 對民眾 係 有 功德 嘅 ， 但 係 地位 到 咗 王爵 ， 已經 係 極限 喇 ， 仲敢 有 其他 嘅 希望 咩 ！
哎 若果 天命 在 我 ，我就係 周文王 咯 ！哈哈哈哈哈哈哈哈哈哈 。
司馬懿話 ：而家 孫權 既然 稱臣 歸附 喇 ，王上 可以 對 佢 封官 賜爵 ，叫 佢 去 抗擊 劉備 啊 。
曹操 就 同意 司馬懿 呢個 建議 ，上表 畀 朝廷 ，封 孫權 做 驃騎將軍 、南昌侯 ，領 荊州 牧 。
並且 ，立即 派遣 使者 帶齊 封官 嘅 命令 文書 去 東吳 嘞 。
過咗 冇 幾耐 ，曹操 嘅 病勢 惡化 。
有 一 晚 ，佢 發 夢見到 三 隻 馬 同埋 一 條 槽 喺 度 食 草料 喎 。
噉天光之後呢 ，佢 又 搵 賈詡 嚟 問 佢 ：
孤王 往日 發過 一個 夢 ，見到 三馬 同槽 。
當時 ，以為 係 預兆 馬騰 父子 作亂 啦 ，誒 而家 馬騰 已經 死咗 喇 。
噉 昨晚 ，又 試 發夢 見到 三馬 同 槽 嘞 ，嗯 ，噉 佢 預兆 乜嘢 吉凶 呢 ？
賈詡 就 話 ：誒 六馬 係 大吉大利 嘅 兆頭 嚟 啊 ，六馬歸於槽 ，嘿嘿嘿 ，誒 王 上 唔 使 憂心 嘅 。
曹操 噉 啊 一啲 都 唔 憂 嘞 噃 。
各位 ，一個人 發咗 個夢 啊 ，總係 要 諗下 究竟 係 一個 咩嘢 兆頭 ，啊 ，係 凶 吖定 係 吉 呢噉 ，呢啲 當然 係 迷信 啦 。
曹操 呢個 三馬 同 槽 呢個 夢 啊 ，實際上 係 小說 作者 為 曹操 掌握 嘅 政權 日後 發展 成 點 呢 ，就 埋 下一個 伏筆 。
所以呢處 仲有 一首詩 係 噉樣 講 嘅 ：
三馬 同槽 事 可疑 ，不知 已 植 晉 根基 。曹瞞 空有 奸雄 略 ，豈 識 朝中 司馬師 ？
噉喺 呢首 詩 裏 便 就 提到 一個 晉國 ，又 提到 一個 人 司馬師 。
噉究竟 司馬師 係 何許人也 呢 ？
噉啊 三國 係 魏 蜀 吳 吖 又 何來 一個 晉國 呢 ？
誒 各位 唔使 心急 ，啊 ，聽落去 就 知㗎喇 。好 ，而家 言歸正傳 。
噉喺 呢 一 晚 啊 ，曹操 喺 寢室 瞓覺 。
到咗 三更 時分 ，覺得 瞓喺度 好 頭暈 ，噉 索性 起身 ，就 伏 喺 張 枱 處 瞌下 。
忽然 聽見 大殿 裏頭 咧噉 一聲 ，好 響 嘅 。
曹操 吃咗 一驚 走過去 睇下 ，哎呀 ！只見到 伏皇后 、董貴人 、兩個 皇子 同埋 伏完 、董承 等等 二十幾個 人 ，周身 都係 血 ，個樣 呀 都 唔知 幾 肉酸 嘅 。
企喺 愁雲 之內 ，隱隱約約 聽聞 佢哋 嗌 ，要 攞返 條命 。
曹操 急急 拔出 把 劍 向住 空中 斬 過去 。
突然 ，轟噉 一聲 ，大殿 嘅 西南角 呀 震冧 咗 一角 ，嚇到 曹操 啊 啪噉 跌 咗 落地 。
嗰啲 近身 侍臣 就 喇喇聲 救返 起 曹操 ，就 幫 佢 搬咗 去 第二 間 宮殿 養病 啦 。
哈點知到咗第二晚 ，又聽見 宮殿外 便 有啲 男男女女 ，嗚 ，嗚噉 成晚 咁 喊 。
吖 係 佢 聽到 咋 噃 人哋 聽唔到 嘅 。
一直 捱到 天光 ，曹操 召 佢 嗰班 大臣 入嚟 對 佢哋 話 ：
唉 ，孤王 行軍 打仗 ，三十幾年 咯 ，嗰啲 神神怪怪 嘅 事 ，我 從來 都 唔 信 嘅 。
啊 ，而家 點解 會 噉 嘅 呢吓 ？
嗰班 大臣 就 稟奏 話 喇 ：大王 叫 啲 道士 嚟 開壇 打醮 ，消下 災 就 好 㗎 喇 。
唉 ，聖人 有 話 ：獲罪 於 天 ，無 所 禱 也 。
唉 ！孤王 嘅 天命 ，已經 盡 咯 ，仲 點 有得救 呢 ？唔好 開壇 打醮 喇 ，冇用 㗎 。
又過咗一日 ，呢日 認真 唔妥喇 ，覺得 啲 氣 呀 唂住 上頭部 ，雙眼 睇唔見 嘢 ，就 急急 召 夏侯惇 嚟 商量 後事 。
當 夏侯惇 嚟到 宮殿 門口 嘅 時候 啊 ，哎 不得了 不得了 ！連 佢 都 見鬼 喇 ！佢 又 見到 伏皇后 、董貴人 、兩個 皇子 、伏完 、董承 等等 ，企 喺 啲 陰雲 之中 。
嚇到 夏侯惇 面 都 青晒 ，啪聲 就 暈咗 跌咗 喺 地 嚟 。
啲侍從 即刻 扶佢 起身 出去 ，就 冇 去 見 曹操 咯 。
從此之後呢 ，夏侯惇 就 病起上嚟 。
夏侯惇 既然 得咗 病 ，唔嚟得嘞 。
曹操啊召曹洪 、陳群 、賈詡 、司馬懿 等等 幾個 親信 大臣 ，嚟到 佢 床前 便 將 後事 叮囑 佢哋 。
曹洪 佢哋 跪 喺 處 叩頭 話 ：請 大王 好好 保重 玉體 ，唔使 幾耐 ，就 會 一下 好返 㗎嘞 。
唉 ，誒 我啲 病 ，唔好得 㗎 喇 。
唉 ，孤王 縱橫 天下 ，三十多年 ，各路 英雄 ，我 都 消滅 晒 佢哋 喇 。
只有 江東 孫權 、西蜀 劉備 ，未曾 剿除 。
孤王 今日 ，病情 好 危險 喇 ，唔能夠 再 同 各位 賢兄 相聚 喇 。
因此 ，叫 你哋 嚟 ，將 啲 家事 託付 畀 你哋 。
孤 王 嘅 大 仔 ， 阿昂 ， 係 劉氏 所 生 嘅 ， 不幸 早年 喺 宛城 戰死 。
而家 卞氏 生咗 呢 四個 仔 ：阿丕 、阿彰 、阿植 、阿熊 。
孤王 平生 最 痛愛 嘅 ，係 第三仔 阿植 ，唉 ，但係 佢 為人 虛華 ，唔夠 誠實 ，又 鍾意 飲酒 放縱 ，因此 ，我 唔 立 佢 做 繼承人 喇 ；
二仔 阿彰 呢 ，勇 而 無謀 ；
四仔 阿熊 ，唉 ，身體 多病 ，都 好 難保 咯 ；
唯有 大仔 阿丕 ，佢 為人 忠厚 恭謹 ，可以 繼承 我 嘅 基業 嘅 。
各位 賢兄 呀 ，你哋 要 輔助 佢 啊 ！
囑咐完 ，曹洪 佢哋 流住眼淚 接受咗 命令 就 辭別 出去 。
曹操 叫 個 近身 侍從 ，將 佢 平日 所 收藏 嘅 名香 攞嚟 ，分開 賜畀 佢 嗰班 侍妾 ，並且 囑咐 佢哋 話 ：
我 死咗 以後 ，你哋 要 勤力啲 做 針線工夫 ，做多啲 靚鞋 ，賣咗 ，就 可以 得 啲 錢 嚟 養 自己 啦 。
曹操 又 吩咐 佢 嗰班 侍妾 ，都 去 銅雀台 裏 便 居住 ，叫 佢哋 每日 拜祭 嘅 時候 呢 一定 要 用 歌女 嚟 奏 音樂 。
最後 ，佢 囑咐 啲 人 啊 喺 彰德府 講武城 外 便 ，設立 七十二 個 墳墓 ，佢 話 ：
唔好 畀 啲 後人 ，知道 我 葬 喺 邊處 啊 。
因為 ，因為 ，怕 人哋 會 掘 我 個 墳 啊 。
唉 ，曹操 囑咐 完 長歎 一聲 ，淚 如 雨 下 。
一陣間 ，就 斷氣 死咗 。
當時 係 建安 二十五 年 ，就係 公元 二 二零 年 正月 ，噉 曹操 死 嘅 時候 呢 ，係 六十六 歲 。
誒各位 ，喺 呢 幾 回 書 裏 便 啊 ，又 講咗 好多 鬼鬼神神 啊 ，又 陰魂索命 啊 ，又 報夢 啊 等等 吖 。
噉呢啲呢 ，一方便 係 古人 嘅 思想 上 嘅 局限 啊 ，誒 ，迷信 嘅 居多 。
二來呢 ，我 覺得 亦係 作者 嘅 一種 藝術手段 ，佢 以為 用 鬼神 嘅 描寫 能夠 更好 噉嚟到 刻畫 人物 。
有時 呢 亦係 借 鬼神 啊 ，嚟到 發洩 下 自己 嘅 一啲 噉樣 嘅 ，誒 想法 咯 。
噉 ，書裏 便 係 噉樣 寫 ，我 呢處 呢 亦 係 噉樣 講 嘞 。
就為咗 保全 原作 嘅 面貌 呢 ，我 呀 不作 刪改 。
今日 科學 昌明 啊 ，大家 都 受過 好多 教育 嘅 ，噉 啊 大概 總 唔會 相信 咁多 鬼神 嘅 係咪 呢 ？
哈哈哈 ，好喇 噉 啊 交帶 完 幾句 呢 繼續 講落去 。
噉啊曹操死咗之後啊 ，文武百官 都 為 佢 辦理 喪事 啦 。
同時 派 人 分別 去 世子 曹丕 、鄢陵侯 曹彰 、臨淄侯 曹植 、蕭懷侯 曹熊 嗰度 報喪 。
啲 文武百官 呀 ，用 金 、銀 造 嘅 棺材 斂 好咗 曹操 ，運 返 去 鄴郡 。
曹丕 得到 父親 逝世 嘅 消息 ，唉 放聲 痛哭 。
噉啊 當 棺材 運 到 嗰 日 啊 ，曹丕 率領 大小 官員 出 城 十 里 ，跪 喺 路邊 嚟 迎接 ，噉啊 將 棺材 運咗 入 城 ，停放 喺 偏殿 裏頭 。
所有 嘅 官員 都 掛 孝 ，聚集 喺 大殿 處 痛哭 呀 表示 哀悼 。
當時 有 個 大臣 ，中庶子 司馬孚 ，佢 行出嚟 話 喇 ：
請 世子 暫停 悲哀 ，商量 大事 緊要 啊 。
今日 魏王 逝世 ， 天下 震動 。
應當 盡早 請 世子 繼承 王位 ，使 萬眾 安心 ，淨係 痛哭 又 點得 呢 ？
嗰班 大臣 就 話 喇 ：世子 誒 當然 應當 繼承 王位 啦 ，但係 仲 未曾 得到 皇帝 嘅 聖旨 喎 ，又 點 能夠 隨隨便便 噉 做 㗎 。
噉究竟 曹丕 點樣 先 能夠 繼承到 王位 呢 ？且 聽 下回 分解 。
