×

We use cookies to help make LingQ better. By visiting the site, you agree to our cookie policy.

Sign Up Free
image

張悦楷講《三國演義》, 058

各位 , 呢 一回 啊 , 講 嘅 係 諸葛亮 舌戰 群儒 。 話 說 孔明 就 嚟 到 江東 吖 , 佢 喺 見 孫權 之前 呢 , 江東 已經 擺開陣勢 。 一大 班 謀士 啊 要 同 孔明 辯論 。 張昭 就 開頭 炮 , 譏諷 話 劉備 啊 得到 孔明 出 嚟 幫助 佢 之後 啊 , 本來 係 想 奪取 荊州 、 襄陽 嘅 。 點知 呢 兩 笪 地方 , 反而 畀 曹操 奪 咗 去 , 噉 你點 解釋 啊 噉 。 於是 孔明 就 回答 佢 話 喇 : 照 我 睇 , 將漢 上 嗰 一帶 地方 攞 到手 真 係 易如反掌 。 不過 我 哋 主公 劉豫州 , 素 來講 仁義 , 唔 肯 奪取 同宗 兄弟 嘅 基業 , 所以 點都 唔 肯 要 嗰 啲 地方 。 收尾 劉琮 呢 個 細佬哥 , 聽 咗 人 哋 嘅 壞話 , 偷偷 噉 投 咗 降 , 噉 曹操 先至 得 咁 猖獗 咋 嘛 。 而家 , 我 哋 主公 喺 江夏 駐兵 , 係 另 有 英明 嘅 計劃 , 平常人 係 睇 唔 出 嘅 。 哦 ? 哈哈哈 哈哈 , 照 噉 講 , 先生 你 嘅 說話 同 行動 係 互相 違背 嘅 咯 喎 。 先生 , 你將 自己 比做 管仲 同樂 毅 吖 。 管仲 輔助 桓公 , 使到 桓公 能夠 喺 諸侯 當中 做 咗 霸主 。 普天之下 , 人人 都 要 聽 佢 嘅 說話 。 樂毅 呢 , 佢 輔助 本來 係 弱小 嘅 燕國 , 一下 就 攻下 咗 齊國 七 十幾座 城池 。 好似 呢 兩位 , 噉 就 真真正正 係 濟世之才 喇 。 而 先生 你 呢 , 當初 住 喺 草廬 之中 , 得閒 冇 事 吟風弄月 , 享下 清福 。 而家 , 跟隨 咗 劉豫州 就 應當 為 老百姓 做 啲 好事 , 興利除害 , 平定 啲 亂賊 至 係 吖 。 劉豫州 未得 先生 嚟 之前 , 尚且 能夠 縱橫 於 天下 , 割據 城池 。 而家 , 請到 先生 嚟 喇 , 人人 都 寄予 極大 嘅 希望 , 連 三歲 嘅 細 佬 哥 , 都 話 呢 次 係 猛虎 生翼 , 漢家 天下 一定 可以 復興 , 曹操 就 快要 覆滅 喇 噉 。 所以 , 不論 係 朝廷 嘅 舊臣 、 山林 嘅 隱士 , 都 衷心 盼望 認為 呢 次 總能 夠 撥開 雲霧 , 重見 陽光 。 將 百姓 喺 水深火熱 之中 , 拯救 出 嚟 , 使到 天下太平 嘞 。 但 係 , 點解 呢 ? 先生 你 自從 幫 咗 劉豫州 之後 , 一 遇到 曹操 嘅 兵馬 , 就 棄甲 拋槍 , 望風而逃 。 上 不能 保護 百姓 嚟 報答 劉表 , 下 不能 輔助 孤兒 守衛 疆土 。 喪失 咗 新野 , 逃跑 去 樊城 , 喺 當陽 大敗 , 趯 到 去夏 口 , 搞 到 幾乎 無容身之地 。 照 噉 樣 睇 嚟 , 劉豫州 請 咗 先生 嚟 幫 佢 之後 , 反而 唔 及 當初 喇 喎 。 唔 通 管仲 、 樂毅 , 就 係 噉 樣 嘅 ? 哈哈哈哈 , 我 嘅 說話 講得 好 率直 , 請 先生 唔 好 見怪 。 張昭 啊 認真 唔 客氣 啊 , 呢 番 說話 講得 又 尖酸 又 刻薄 。 孔明 沉住氣 聽 佢 講 , 等 佢 講完 喇 , 孔明 滋滋 悠悠 笑 住 噉 話 : 哈哈哈 哈哈哈 , 係 嘅 係 嘅 , 噉 啊 難怪 嘅 。 大鵬鳥 一飛 萬里 , 佢 嘅 志向 , 啲 雀 仔 又 點會 知道 呢 ? 我 哋 不妨 打個 比喻 , 好似 一個 得 咗 重病 嘅 人 , 就 應當 畀 啲 稀粥 嚟 餵 佢 , 開 啲 溫和 個 藥 佢 食 ; 等到 佢 嘅 臟腑 調和 喇 , 身體 亦 好 返 一 啲 嘞 , 然後 就 用 啲 肉食 嚟 補養 下 , 再落 啲 猛藥 嚟 醫 佢 。 噉 樣 , 先至 能夠 除 咗 病根 保全 性命 吖 嘛 。 如果 唔 係 唔 等 佢 氣脈 緩和 , 一 開始 就 用 猛藥 , 想 噉 樣 嚟 醫好 病 , 難咯 。 我 哋 主公 劉豫州 , 當初 喺 汝南 打 咗 敗仗 , 投奔 劉表 。 當時 , 兵卒 唔 夠 一千 , 將領 亦 只 有關 、 張 、 趙雲 而已 唧 。 呢種 情形 , 就 正如 病勢 沉重 到極點 。 新野縣 , 係 個 山區 偏僻 嘅 小 地方 , 人丁 稀少 , 糧食 有限 。 豫州 不過 係 暫時 喺 度 立住 腳先 , 唔 通真 係 想 喺 度過 一世 咩 ? 即使 係 噉 樣 , 兵馬 不足 , 城池 唔 堅固 , 士兵 又 缺乏 訓練 , 糧食 呢 , 有 一日 冇 一日 。 就 喺 噉 嘅 情形 之下 , 喺 博望坡 用 火燒 , 喺 白河 用 水浸 , 殺到 夏侯惇 同 曹 仁 佢 哋 心驚膽裂 。 哈哈哈 , 我 睇 , 請 管仲 、 樂毅 嚟 指揮 , 亦 不過 係 如此而已 。 至於 劉琮 投降 曹操 , 事前 豫州 實在 唔 知道 。 佢 更 唔 肯 趁 亂 將 同宗 兄弟 嘅 基業 搶過 嚟 。 呢種 品德 真 係 大仁大義 啊 ! 喺 當陽 呢 一仗 , 冇 錯 係 打敗 嘞 , 點解 呢 ? 皆 因為 劉豫州 唔 捨得 拋棄 嗰 幾十萬 跟 住 佢 身邊 嘅 老百姓 。 一日 , 只 能夠 行 十幾 里路 , 都 唔 諗 住 去 奪取 江陵 咯 。 甘心情願 打敗仗 , 都 唔 願 掉 低 啲 百姓 , 噉 樣 嘅 行 為 , 亦 係 大仁大義 啊 ! 寡不敵眾 , 勝負 乃 係 兵 家常事 。 想當初 , 高祖 皇帝 屢屢 畀 項羽 打敗 , 而 最後 , 垓下 一戰 就 成功 。 呢 啲 , 唔 係 韓信 嘅 計謀 叻 咩 ? 韓信 輔助 高祖 咁 耐 , 亦 冇 話 場場 仗 都 打贏 㗎 。 國家 嘅 大事 , 社稷 嘅 安危 , 全 靠 佢 執掌 。 佢 唔 似 得 嗰 啲 人 , 只 係 誇誇其談 , 空有 一個 好 名聲 。 從早到晚 講起 大話 嚟 , 冇 人 及 得 佢 , 之一 到 緊要關頭 , 就 樣樣 唔 得 。 噉 樣 嘅 人 , 盞 畀 人 恥笑 啫 。 孔明 呢 一番 說話 , 講到 張昭 誒 都 冇 得 誒 。 大家 靜晒 , 靜 咗 冇 幾耐 , 有 個人 忽然 大聲 噉 問 嘞 : 當前 曹 公 嘅 人馬 足足有 成 一百萬 之多 , 將官 亦 有 幾千名 , 如龍似虎 , 要 掃平 江夏 , 先生 你 睇 點算 好 呢 ? 孔明 一望 , 呢 個人 原來 係 虞 翻 。 孔明 就 話 : 曹操 嗰 啲 人馬 , 有 啲 係 收編 袁紹 嘅 殘兵 敗 卒 , 有 啲 , 係 由 劉表 嗰 度 劫 嚟 嘅 烏合 之眾 。 噉 樣 嘅 人馬 , 就算 有 幾百萬 亦 唔 使 怕 佢 嘅 。 嘿嘿 嘿嘿 嘿嘿 。 喺 當陽 打 咗 敗仗 , 喺 夏 口 走投無路 , 只有 求救 於 人 , 仲 嘴硬 話 唔 使 怕 添 , 真 係 大言不慚 啊 你 。 虞 先生 , 劉豫州 以 幾千名 仁義之師 , 又點 能夠 敵得過 曹操 成 百萬 嘅 殘暴 軍隊 ? 暫時 退守 夏口 , 係 為 咗 等待 時機 。 但 係 , 今日 江東 兵 精糧足 , 而且 有 長江 天險 , 有 啲 人 , 不顧 天下 恥笑 , 反而 仲要 勸 自己 嘅 主公 向 曹操 奸賊 , 屈膝投降 。 根據 噉 樣 嚟 睇 , 劉豫州 確確實實 , 係 唔 怕 曹操 奸賊 嘅 英雄 啊 。 虞 翻擘 大個 口 , 冇 說話 講 嘞 。 呢 個 時候 , 又 有 個人 問 嘞 : 孔明 先生 , 你 係 想學 蘇秦 、 張儀 , 走 嚟 遊說 東吳 係 嘛 ? 孔明 一睇 , 呢 個 原來 係 步騭 。 孔明 就 話 : 先生 , 你將 蘇秦 、 張儀 , 當成 係 個 辯士 , 淨 係 得 把 口 。 你 都 唔 知道 蘇秦 、 張儀 呀 , 亦 係 位 豪傑 嚟 啊 。 蘇秦 做過 六國 嘅 宰相 , 張儀 亦 兩次 揸 過 秦國 宰相 嘅 大印 。 佢 哋 兩位 都 係 有 治理 國家 嘅 能力 , 係 有 本事 , 決 唔 係 嗰 啲 欺軟怕硬 , 懼刀 避 劍 嘅 人 啊 。 諸君 一 聽見 曹操 嗰 啲 愛 嚟 嚇人 嘅 大話 , 即刻 就 怕 晒 , 要 請求 投降 嘞 , 噉 仲有面 去 笑 蘇秦 、 張儀 ? 步騭 當堂 冇 聲出 。 忽然間 , 又 有 個人 問 嘞 : 呢 個人 , 叫做 薛綜 , 別字 敬文 。 佢 話 : 孔明 , 你 話 曹操 係 個 乜嘢 人 啊 ? 孔明 回答 話 嘞 : 曹操 乃 係 漢朝 嘅 賊 臣 , 又 何必 問呢 ? 哦 ? 先生 你 噉 講就錯 咯 。 漢朝 傳到 今日 幾百年 喇 , 佢 嘅 天數 都 就 快 完咯 。 目前 , 曹公 已經 得 咗 天下 嘅 三分之二 , 人心 歸服 啊 。 而 劉豫州 呢 , 不識 天時 , 仲夾 硬 要 同 佢 嚟 爭 。 唔 客氣 講句 , 就 好似 攞 雞蛋 嚟 碰 石頭 , 點 能夠 唔 打敗仗 㗎 。 孔明 即 刻板 起塊面 大聲 噉 話 : 薛敬文 ! 你 點解 會 講出 呢 啲 無父無君 無恥 嘅 說話 嚟 啊 ? 一個 人 , 生於 天地 之間 , 應該 以 忠孝 為 立身 之 本 。 你 是 漢朝 嘅 臣子 , 見到 啲 反叛 朝廷 嘅 人 , 就 應該 同心合力 去 殺 咗 佢 , 呢 啲 乃 係 為 臣 之 道 。 曹操 嘅 祖宗 , 世世代代 食 漢朝 嘅 俸祿 。 曹操 佢 不但 唔 報效 朝廷 , 個心 反而 想 住 篡位 作反 。 呢 啲 噉 嘅 人 天下 都 痛恨 佢 , 而 你 竟然 話 佢 係 天命 所歸 , 真 係 無父無君 之人 啊 ! 同 你 冇 乜嘢 好 講 嘅 , 請 你 唔 好 開口 喇 。 哎呀 , 搞 到 薛綜 滿面 羞慚 , 一個 字 都 噏 唔 出 嘞 。 薛綜 講輸 咗 , 又 有 個人 接住 出 嚟 問 噃, 佢 話 : 曹操 雖然 係 脅 天子 以令 諸侯 , 作威作福 , 不過 佢 到底 係 大 功臣 相國 曹 參 嘅 後代 噃。 劉豫州 話 就 話 係 中山 靖 王 嘅 後裔 , 之 無可 稽考 吖 。 明明 係 織席 賣 草鞋 嘅 小販 啫 , 邊度 係 曹操 嘅 對手 啊 ? 孔明 睇 下 呢 個講 說話 嘅 人 , 原來 係 陸績 。 陸績 啊 , 有段 古仔 , 佢 喺 六歲 嘅 時候 呢 , 有 一次 佢 喺 袁 術 屋企 作客 。 就 見到 有 啲 招待 客人 嘅 柑 好 靚 , 佢 攞 起 咗 三個 收埋 喺 身邊 。 臨走 嘅 時候 唔 小心 , 跌 咗 出 嚟 。 袁術 就 問 佢 攞 啲 柑 做 咩 嘢 啊 噉 。 佢 就 回答 話 : 要 帶 返去 孝敬 老母 嘅 噉 。 呢 件 事 後來 一 傳出 嚟 就 成為 美談 嘞 。 孔明 見到 係 陸績 唄 , 就 不禁 笑 起 上 嚟 話 : 哦 , 先生 , 就 係 喺 袁 術 屋企 收埋 幾個 甜柑 嘅 六 郎 係 嘛 ? 哈哈哈 , 請 你 好好 坐 嚮 處 , 聽 我講 啦 。 曹操 既然 係 曹 相國 嘅 後代 , 噉 樣 , 曹家 世世代代 , 都 應該 係 漢朝 嘅 臣子 咯 。 但 係 佢 而 家 噉 樣 專權 暴虐 , 都 唔 將 皇帝 放在 眼 內 , 其實 , 佢 不但 係 睇 唔 起 皇帝 , 而且 亦 係 蔑視 自己 嘅 祖先 喇 。 所以 , 曹操 不僅 係 漢朝 嘅 賊 臣 , 而且 亦 係 曹 家 嘅 不肖子孫 ! 劉豫州 呢 , 係 堂堂 嘅 皇室 後代 。 當今 嘅 皇上 都 查過 族譜 , 承認 佢 係 皇叔 , 賜 咗 爵位 , 點解 話 無可 稽考 呢 ? 至於 講到 出身 , 高祖 只不過 係 個 亭長 , 終歸 佢 得到 天下 , 織席 賣 草鞋 又 有 咩 可恥 嘅 呢 ? 你 呢 種細佬哥 見識 , 冇 資格 同 有 學問 嘅 人 傾談 啊 。 陸績 冇 說話 好講 喇 。 有 一個 謀士 叫做 嚴峻 , 佢 接 住 就 話 嘞 : 孔明 所講 啲 說話 都 係 強詞奪理 嘅 , 都 唔 係 正經 嘅 道理 , 唔 使 再 講落 去 喇 。 我 只 係 想 請問 一下 孔明 , 你 研究 嘅 係 邊 一家 嘅 經典 呢 嚱? 咬文嚼字 尋章摘句 , 呢 啲 都 係 學究 先生 做 嘅 事 , 係 唔 能夠 興邦 定國 。 請 睇 一下 , 古時候 嘅 伊 尹 、 姜子牙 、 張良 、 陳 平 呢 啲 大人物 , 佢 哋 都 有 扭轉乾坤 , 治理 天下 嘅 奇才 , 之 冇 聽 過 佢 哋 研究 過邊 一家 嘅 經典 。 唔 通 , 佢 哋 學 似 嗰 啲 書生 只 係 識得 舞文弄墨 咩 ? 哈 , 嚴峻 啊 本來 想 考下 諸葛亮 嘅 學問 嘅 , 點知 畀 諸葛亮 反 轉頭 譏笑 佢 係 讀 死 書 , 搞 到 佢 垂頭喪氣 , 無可 對答 嘞 。 之有 個 謀士 唔 忿氣 啊 , 佢 接 住 啱 先 嘅 話頭 大聲 噉 話 : 先生 , 你 只 係 鍾 意 高談闊論 唧 , 未必 有 真才實學 。 恐怕 啲 讀書人 見到 你 噉 樣 呀 都 會 笑 你 啊 。 孔明 一睇 , 呢 個 係 程德樞 。 孔明 就 回答 佢 話 : 同樣 係 讀書人 , 不過 有 君子 小人 之別 。 君子 嘅 讀書人 呢 , 都 係 忠君愛國 , 守正惡 邪 , 務必 使 自己 能為 當代 做 啲 好事 而名 留 後世 。 至於 小人 嘅 讀書人 呢 , 只 係 會 啲 雕蟲小技 咬文嚼字 , 寫文章 下筆千言 , 但 係 個 心裏 便 一 啲 主意 都 冇 。 就 好似 當年 嘅 楊 雄 噉 , 文章 寫得 極好 喇 , 但 係 竟然 去 為 王莽 做事 , 到頭來 , 落得 個 跳樓 而 死 。 嘿嘿 , 呢 啲 就 係 小人 嘅 讀書人 嘞 , 即使 一日 能夠 寫 一萬 字 嘅 文章 , 又 有 乜嘢 用處 呢 ? 程德樞答 唔 出 嘞 。 大家 見到 孔明 對答如流 , 詞風 犀利 啊 , 個個 都 面 懵懵 嘞 喎 。 沉默 咗 一陣 , 張溫同 駱統 兩個 人 諗 到 個 題目 , 正話 要 提出 嚟 想 拗贏 孔明 。 呢 個 時候 , 有 個人 喺 外 便 行 入 嚟 大聲 噉 話 : 孔明 係 當代 嘅 奇才 , 各位 唔 停 嘴 噉 嚟 盤問 佢 , 拗東 拗西 , 太過 唔 客氣 嘞 , 呢 啲 唔 係 敬客 之禮 啊 。 當前 , 曹操 大軍 壓境 , 唔 去 想 辦法 嚟 對付 敵人 , 淨 係 喺 處 鬥嘴 有 乜 用 呢 ? 呢 個 係 邊個 啊 ? 原來 係 零陵 人 , 姓黃 名蓋字 公覆 , 而家 , 係 東吳 嘅 糧 官 。 黃 蓋 當時 行過 嚟 對 孔明 話 : 先生 , 開講 有話 多言 獲利 , 不如 默而 無言 啊 。 先生 點解 唔 將 啲 好 意見 對 我 哋 主公 講 , 反而 喺 呢 度 同 啲 人 辯論 呢 ? 孔明 就 話 嘞 : 在座 諸君 不識 世務 , 一味 咁 搵 啲 事 嚟 質問 我 , 我 唔 回答 又 唔 得 啫 。 黃 蓋 同 魯肅 唔 畀 啲 人 繼續 同 孔明 辯駁 嘞 , 就 帶 孔明 去 見 孫權 。 行到 中門 , 咁 啱 又 遇見 諸葛瑾 。 孔明 對 阿哥 行個禮 , 諸葛瑾 就 話 喇 : 賢弟 嚟 到 江東 , 點解 唔 嚟 見 下 我 啊 ? 我 係 劉豫州 派 嚟 嘅 , 理應 係 先公後私 , 公事 未 做 完 , 所以 唔 敢 先 做 啲 私事 。 冇 嚟 見 兄長 你 , 請 兄長 你 原諒 。 噉 , 賢弟 你 見過 吳侯之 後 , 就 嚟 我 屋企 傾下 偈 啦 。 講完 , 諸葛瑾 就 自己 行 咗 去 。 魯肅 硬 係 怕 孔明 講 說話 唔 小心 , 嚇親 孫權 。 所以 而 家 佢 又 囑咐 孔明 話 嘞 : 剛才 對 你 講 嗰 啲 說話 , 你 要 記住 至 好 啊 ! 孔明 就 一味 岌頭 應承 。 噉 魯肅 一直 將 孔明 啊 , 帶到 去 大堂 上 便 , 孫權 行落 嚟 台階 迎接 , 好好 禮啊 。 孔明 拜見 過 孫權 , 孫權 請 孔明 坐落 。 文武 大臣 就 分成 兩行 喺 旁邊 企 喺 處 。 魯肅 呢 , 就 企 喺 孔明 嘅 側 跟 , 聽 住 佢 講 嘢 。 孔明 首先 代表 劉備 , 向 孫權 致意 問候 。 講完 喇 , 就 打量 咗 孫權 一眼 。 只見 佢 生 得 一表堂堂 , 十分 威武 , 藍色 嘅 眼珠 , 紫色 嘅 鬍鬚 , 好 有 氣魄 。 孔明 個心 諗 : 孫權 此人 相貌 非凡 啊 , 睇 嚟 , 只 能夠 用 反話 嚟 激 佢 , 正面 講 係 冇 用 嘅 。 好 , 等 佢 問 我 嘅 時候 , 一 於 用 說話 嚟 激 佢 就 係 嘞 。 獻過 茶 之後 , 孫權 就 對 孔明 話 嘞 : 時常 都 聽 魯子敬 提及 足下 嘅 才能 , 今日 有幸 得以 見面 , 請 先生 你 多多指教 。 不敢 , 不敢 , 我 才疏學淺 , 恐怕 唔 能夠 使 將軍 滿意 啊 。 足下 最近 喺 新野 , 幫助 劉豫州 同 曹操 決戰 , 一定 好 了解 曹 兵 嘅 虛實 喇 。 劉豫州 兵微將寡 , 更 兼 新野 城又細 , 糧草 又 缺乏 , 點 能夠 同 曹操 對敵 吖 。 曹兵 總共 有 幾多 人 啊 ? 馬 、 步 、 水軍 大約 有百零萬 啦 。 誒 , 怕 係 呃 人 咋 啩? 唔 係 呃 人 㗎 。 曹操 喺 兗州 嘅 時候 , 已經 有 二十萬 青州 兵 。 掃平 咗 袁紹 之後 又 得 咗 五六十萬 。 喺 中原 新新招 咗 三四十萬 。 而家 , 又 得 咗 荊州 嘅 二三十萬 人馬 。 根據 噉 樣計起 上 嚟 , 都 不下 一百五十萬 啊 。 我 講話 一百萬 , 係 怕 嚇親 江東 嘅 人士 啫 。 魯肅 啊 , 點都 冇 諗 到 孔明 會 爆 啲 噉 嘅 說話 出 嚟 。 佢 企 喺 旁邊 聽到 , 哎呀 , 面都青 埋 。 猛 咁 同 孔明 打 眼色 , 喂 , 乜 噉 講法 㗎 你 ? 哈 , 孔明 就 一味 詐諦 睇 唔 見 喎 。 孫權 又問 嘞 : 曹操 部下 嘅 戰將 有 幾多 人 呢 ? 多咯 , 足智多謀 之士 , 能征慣戰 之將 , 何止 一兩千 人 啊 。 噉 , 曹操 而家 掃平 咗 荊襄 一帶 , 仲有 咩 嘢 遠大 嘅 打算 呢 ? 曹操 而家 沿住 長江 安營 扎寨 , 準備 截 。 佢 , 噉 唔 係 想 嚟 打 江東 , 又 想 去 打邊 處 啊 ? 嗯 , 如果 曹操 确有 吞并 江东 的 意思 , 我们 打 好 还是 不 打 好 , 请 足下 帮 我 揸 个 主意 啦 。 我 有 一句 说话 , 就是 怕 将军 不肯 听唧 。 请 先生 你 指教 。 前 一个 时期 以来 , 天下大乱 。 所以 将军 在 江东 起兵 , 刘豫州 就 在 江南 招兵买马 , 要 同 曹操 争夺 天下 。 曹操 东征西讨 , 给 他 平定 的 地方 不少 啊 。 最近 , 又 夺取 了 荆州 , 威震 海内 。 纵使 是 英雄 , 亦 无用武之地 了 。 故此 刘豫州 要 趯 了 去夏 口 。 我 啊 好 希望 将军 认真 地 考虑 下 自己 的 实力 。 若果 認為 依靠 吳越 呢 個 地方 嘅 兵力 , 就 能夠 同 中原 相 對抗 嘅 話 , 噉 就 應該 早日 同 曹操 斷絕關係 。 若果 估計 做 唔 到 呢 , 噉 啊 仲 係 聽從 各位 謀士 嘅 意見 , 投降 曹操 好 咯 。 孔明 呢 番 說話 嚟 得 十分 突然 , 孫權 聽 咗 都 未 嚟 得 及 反應 唧 , 孔明 接住 又 講落 去 : 將軍 , 你 而家 外表 上 係 服從 曹操 , 但 係 個 肚裏 便 又 另有打算 。 事到臨頭 形勢 緊急 咯 都 仲 未有 決斷 , 眼睇 住 大禍 就 嚟 喇 。 孫權 反問 一句 嘞 : 照 你 噉 講 , 噉 劉豫州 又 點解 唔 投降 曹操 呢 ? 古時候 , 田橫 不過 係 一名 壯士 , 尚且 大義凜然 , 唔 肯 投降 敵人 。 何況 劉豫州 係 皇帝 嘅 親屬 , 英才 蓋世 人人 仰慕 。 事業 唔 成功 , 乃 係 天意 , 佢 又 點 能夠 屈服 喺 別人 嘅 手下 ? 哼 ! 孫權 一聽 孔明 噉 樣講 , 即刻 變 咗 面色 , 衫袖 一拂 , 企 起身 行 咗 入 去 後堂 。 旁邊 嗰 班 文武 官員 見到 呀 都 笑 住 擰 擰頭 , 紛紛 噉 散 咗 去 。 魯肅 就 責怪 孔明 喇 , 佢 話 : 哎 , 先生 , 你 點解 講埋 啲 噉 嘅 說話 㗎 ? 好 在 我 主公 寬宏大量 , 冇 當面 發作 責罵 你 咋 。 先生 你講 呢 啲 說話 , 未免太 過 藐視 我 主公 喇 。 孔明 昂起 頭 哈哈大笑 , 哈哈哈哈 哈哈哈哈 , 點解 氣量 咁 小 啊 ? 哈哈哈 , 我 自有 擊敗 曹操 嘅 計策 , 佢 唔 問 我 , 所以 我 就 唔 講 。 吓 ? 如果 你 真 係 有 好 嘅 計策 , 我 就 去 請 主公 嚟 向 你 請教 。 曹操 嗰 百萬 大軍 , 喺 我 嘅 眼 內 不過 係 一堆 蟻唧 , 我 一 舉手 , 就要 將 佢 哋 𢱕 成 粉末 。 好 啊 , 噉 請 先生 等一等 。 魯肅 喇喇聲 入 去 後堂 見 孫權 , 孫權 仲 喺 度 嬲 緊 啊 。 佢 一 見 魯肅入 嚟 就 對 佢 話 嘞 : 孔明 欺人太甚 啊 ! 係 , 臣 亦 都 係 噉 樣 指責 佢 , 但 係 佢 反而 笑 主公 你 氣量 太小 噃。 擊敗 曹操 嘅 計策 , 孔明 係 有 㗎 , 之 佢 唔 肯 輕易 講 , 主公 你 點解 唔 去問 下 佢 呢 ? 孫權 一聽 唔 嬲 喇 , 唔 止 唔 嬲 啊 仲 歡喜 上 嚟 添 。 吓 ? 原來 孔明 係 有 好 嘅 計謀 , 收埋 喺 個 肚 處 唔 出 聲 , 故意 用 說話 嚟 激 我 咋 ? 唉 , 我 一時 淺見 , 爭 啲 誤 咗 大事 添 。 講完 , 孫權 就 同 魯肅 啊 行返 出去 大堂 , 再 請 孔明 傾過 嘞 。 孫權 見到 孔明 , 即刻 向 佢 道歉 : 剛才 多多 得罪 , 請 先生 唔 好 見怪 ! 孔明亦 都 向 孫權 道歉 話 喇 : 先頭 言語 冒犯 , 請 將軍 恕罪 啊 。 哈哈哈 哈哈哈 , 先生 請 ! 孫權 啊 噉 啊 請 孔明入 去 後堂 , 擺酒 嚟 款待 佢 , 準備 再 詳詳細細 聽下 孔明 有 咩 嘢 好 嘅 計策 。

Learn languages from TV shows, movies, news, articles and more! Try LingQ for FREE