到 李 傕 知道 樊稠 放走 咗 韓遂 ，就 嬲 到 不得了 。 佢 同 賈 詡 商量 想 辦法 殺 樊稠 。 賈詡 就 話 嘞 ：想 殺 佢 好容易 嘅 啫 。 主公 你 舉行 個 宴會 ，請 張濟 同 樊稠 嚟 ，話 同 佢 哋 慶功 。
喺 飲酒 嘅 時候 ，捉住 樊稠 嚟 斬 咗 佢 ，真 係 不費吹灰之力 啊 。 係 噃， 係 噃！ 李 傕 就 用 佢 呢 條 計 ，舉行 個 宴會 ，請 張濟 同 樊稠 。 佢 兩個 不知 東乓 ，以為 真 係 同 佢 哋 慶功 啫 唔 係 歡天喜地 噉 嚟 赴宴 囉 。
飲 飲下 ，李 傕 突然 面色 一變 ： 樊稠 ！你 點解 要 私通 韓遂 ，係 唔 係 想 謀反 啊 ？ 樊稠 大驚失色 ，都 未 嚟 得切 回答 唧 ，只見 一班 刀斧手 湧出 嚟 ，喺 枱 邊 一刀 就 斬 咗 樊稠 個頭 。 哎呀 ！嚇到 張濟 𠽤𡃈 一聲 跪低 ，趴 喺 地下 嚟 ，逳 都 唔 敢 逳 啊 。
李 傕 扶 佢 起身 話 ：樊稠 要 謀反 ，所以 我 就 殺 咗 佢 。 仁兄 係 我 嘅 心腹 ，使 乜 驚 呢 ？唔 使 驚 嘅 ！ 以後 樊稠 嘅 軍隊 就 交 畀 你 嚟 管 ，啊 。 嘿嘿 嘿嘿 嘿嘿 嘿嘿 。
多謝 將軍 ！ 張濟 抹 咗 成額 冷汗 就 返去 弘農 嘞 。 李 傕 、郭汜 自從 打敗 咗 西涼兵 之後 ，各路 諸侯 冇 一個 敢 過問 ，亦 冇 佢 哋 收 。 賈詡 呢 ，時時 咁 勸 佢 哋 要 安撫 百姓 ，任用 啲 有 學識 有 才能 嘅 人 。
因此 啊 ，局勢 稍 為 有 啲 好轉 。 但係 點 知道 喺 青州 ，即係 而家 嘅 山東省 嘅 地方 ，嗰 啲 黃巾 又 起嚟 造反 嘞 。 聚集 咗 成 幾十萬 人 到處 咁 打劫 。 太僕 朱俊 就 向 李 傕 、郭汜 啊 舉薦 一個 人出 嚟 去 打 黃巾 。
佢 話 ：要 消滅 山東 呢 一班 黃巾 ，非 曹孟德 不可 啊 ！ 孟德 而 家 喺 邊 處 嚟 呢 ？ 佢 而 家 係 東 郡 太守 ，兵馬 眾多 。 如果 命令 佢 去 討伐 黃巾 ，噉 呢 班 賊黨 好易 消滅 嘅 唧 。
李 傕 好 高興 ，即刻 就 用 皇帝 嘅 名義 寫 好 一封 詔書 ，派 人 送 去 東郡 。 命令 曹操 ，同埋 濟北 相鮑信 一齊 去 打 黃巾 。 曹操 接 咗 聖旨 之後 ，就 會合 埋 鮑信 一齊 出兵 。 喺 壽陽 呢 個 地方 同 黃巾 大戰 。
鮑信 殺入 重圍 ，結果 啊 畀 黃巾 殺 咗 。 曹操 打 得 十分 順利 噃 ，一直 攻到 去濟北 ，打 到 黃巾 有 幾萬人 投降 。 曹操 厲害 喇 ，佢 就 用 投降 過 嚟 嘅 黃巾 去 打頭陣 喎 ，結果 兵馬 所 到 嘅 地方 呀 ，冇 話 唔 投降 嘅 。 所以 不過 百 零日 唧 ，投降 過 嚟 嘅 人馬 有 成 三 十幾萬 ，男男女女 百 幾萬人口 。
曹操 從中 挑選 一批 精銳 嘅 ，組成 一支 軍隊 ，叫做 青州 兵 。 其餘 嘅 呢 ，全部 叫 佢 哋 返 去 務農 耕田 。 曹操 呢 步棋 確係 高明 啊 。 從此 之後 ，曹操 個 威名 越 嚟 越 響 嘞 。
噉 打勝仗 嘅 捷報 送上去 朝廷 之後 呢 ，皇上 話 加封 曹操 做 鎮東 將軍 。 曹操 佢 喺 兗州 啊 ，招賢納士 ，物色人才 。 有 兩 叔侄 嚟 投奔 曹操 嘞 。 佢 哋 係 潁川 潁 陰人 ，一個 姓 荀 名 彧 ，字 文若 。
以前 喺 袁紹 手下 做事 ， 而家 離開 咗 袁紹 嚟 投奔 曹操 。 曹操 同 佢 傾 過 之後 ，高興 到極 ，佢 話 ：真係 我 嘅 張子房 啊 ！ 張子房 係 邊個 呢 ？就 係 張良 ，係 漢高祖 開國 嘅 大 功臣 。 曹操 噉 樣 稱讚 荀彧 ，即 係 話 荀彧 嘅 本事 呀 ，可以 幫 佢 手 平定 天下 嘅 噉 ，於是 曹操 任命 佢 做 行軍 司馬 。
佢 個 侄 叫做 荀 攸 ，字 公達 ，係 個 好 有名氣 嘅 學者 ，曾經 做過 黃門 侍郎 嘅 ，後 嚟 辭 咗 官職 返去 鄉下 。 呢 次 呢 ，同埋 佢 阿叔 就 嚟 投奔 曹操 ，曹操 就 任命 佢 做 行軍 教授 。 荀彧 對 曹操 話 嘞 ：我 聽聞 兗州 有個 學者 極為 賢德 嘅 ，而家 呢 個人 唔 知道 喺 邊度 唧 。 你 講 嘅 係 邊個 啊 ？
佢 係 東 郡 東阿 人 ，姓 程 名 昱 ，字 仲德 。 哦 ，係 呀 ！我 亦 聽聞 佢 名 好 耐 嘞 。 於是 曹操 就 派 人 去 四鄉 尋訪 佢 。 原來 佢 係 隱居 喺 山區 裏 便 讀書 ，曹操 啊 去 請 咗 佢 出 嚟 。
程昱 嚟 到 嘞 仲 推薦 咗 一個 人 ，姓 郭 ，名 嘉 ，字 奉 孝 。 曹操 又 請 埋 佢 嚟 ，同 佢 討論 天下大事 ，曹操 十分 歡喜 。 郭嘉 推薦 一個 人 ，係 光武帝 嘅 後代 ，姓 劉 ，名 曄 ，字 子陽 。 曹操 就 即刻 聘請 佢 嚟 。
曹曄 又 推薦 兩個 人 。 一個 係 山陽 昌邑 人 ，姓 滿 ，名 寵 ，字 伯寧 。 一個 是 武城 人 ，姓 呂 ，名 虔 ，字 子 恪 。 曹操 呢 平時 亦 聽聞 過 呢 兩個 人 嘅 ，就 聘請 佢 哋 嚟 做 軍中 從事 。
滿寵 、呂虔 共同 推薦 一個 人 ，係 陳 留平 邱人 ，姓 毛 ，名 玠 ，字孝先 。 曹操 亦 都 聘請 佢 嚟 做 從事 。 呢 班 係 文官 ，好 有 計謀 嘅 。 冇 幾耐 ，又 有 一個 將軍 ，帶領 住 幾百人 嚟 投奔 曹操 噃 。
呢 個 將軍 乃 係 泰山 巨平人 ，姓 于 ，名 禁 ，字 文則 。 曹操 見 佢 弓馬熟 練 ，武藝 出眾 ，任命 佢 做 點 軍 司馬 。 有 一日 ，夏侯惇 帶 咗 個 大漢 嚟 見 曹操 。 曹操 問 佢 係 邊個 啊 噉 。
夏侯惇 就 話 ：佢 係 陳 留人 ，姓 典 名 韋 ，非常 勇猛 好 力 嘅 。 以前 係 跟過 張邈 ，因為 同 啲 同事 合 唔 嚟 ，殺 咗 幾十人 ，趯 咗 入 去 深山 匿 埋 。 有 一次 ，我 入 山 去 打獵 ，親眼 睇 住 典韋 追住 隻 老虎 嚟 打 ，打到 隻 老虎 呀 跳過 山坑 逃跑 啊 ，因此 我 收容 咗 佢 喺 軍隊 嚟 ，而家 想 推薦 佢 畀 你 啊 。 嗯 ，我 睇 佢 生 得 咁 魁梧 高大 ，一定 係 好好 力 定 嘞 。
係 啊 ！佢 曾經 為 朋友 報仇 ，殺 咗 人 ，揸 住 個人 頭 直筆 行出 街市 ，幾百人 都 唔 敢 行 近 佢 㗎 。 唔 使 講 第樣 啊 ，淨 係 佢 而家 使 緊 嗰 兩支 鐵戟 呀 ，八十斤 重 ，騎住 馬 使 起 上 嚟 呀 ，揮舞 如飛 㗎 。 曹操 即刻 叫 典韋 表演 嚟 睇 下 。 典韋 舞 住 兩支 戟 ，跑 衡馬 ，來來回回 嘿 ，真係 威風 嘞 。
就 喺 呢 個 時候 ，突然 間 一陣 大風 吹 嚟 ，營帳 前 便 嗰 面 大旗 呀 畀 風吹 到 搖搖 欲 倒 ，成班 軍士 出力 噉 扶住 ，點都 扶 唔 穩 。 睇 白 吹 冧 㗎 嘞 ，典韋 即刻 落馬 ，喝 啲 軍士 行開 ，一隻 手 揸 住 支 旗杆 ，任 啲 大風 啊 吹 到 拂拂 聲 ，嘿 ，巍然 不動 啊 。 曹操 又 驚 又 喜 ，大 讚 話 ：嘩 ！真 係 大力士 啊 ！ 於是 就 任命 佢 做 帳 前 都尉 ，將 自己 着 緊 嘅 錦袍 除落 嚟 送 畀 佢 ，仲 將 駿馬 雕鞍 賜 畀 佢 添 。
從此 之後 啊 ，曹操 嘅 部下 ，文有 謀臣 就 武有 猛將 ，威震 山東 嘞 。 曹操 個 地位 一 鞏固 之後 呢 ，就 派 泰山 郡 太守 應劭 去 琅琊 郡 接 佢 父親 曹嵩 ，嚟 兗州 團聚 ，享下 太爺 福 嘞 喎 。 噉 啊 事關 當初 曹操 唔 得 掂 嗰 陣 啊 ，曹嵩 先一先 去 咗 陳 留 避難 ，收尾 啊 趯 咗 去瑯 琊 隱姓埋名 𠺢 嘛 。 噉 當日 曹嵩 接到 書信 ，梗 係 好 高興 啦 。
就 帶 住 一家老小 四十幾人 ，隨行人員 百幾人 ，就 百幾部 車 ，嘻嘻 㗾㗾 ，熱熱鬧鬧 ，一路 去 兗州 嘞 。 佢 一路行 ，就 經過 徐州 。 徐州 城 呢 即 係 而家 山東 郯城縣 啊 。 噉 啊 徐州 太守 叫做 陶謙 ，字 恭祖 ，佢 為人 呢 就 老實 敦厚 ，一向 都 好 想 結交 曹操 ，之 總 係 冇 乜 機會 。
呢 次 知道 曹操 個 父親 經過 唄 ，啱 晒 咯 ，直情 出到 嚟 城外 迎接 ，仲 請 佢 哋 入 城 住 咗 兩日 ，大排 筵席 嚟 款待 ，再三 表示 敬意 。 噉 曹嵩 走 嘅 時候 呢 ，陶謙 又 親自 送出去 城外 ，特意 派 咗 一名 都尉 叫做 張 闓 ，帶住 五百 兵 嚟 護送 。 噉 佢 哋 一路 行 咗 幾日 ，當時 係 夏末秋 初 。 有 一日 ，忽然間 啪啪 聲 落 大雨 ，唔 行得 嘞 ，就 唯有 去 到 一間 和尚 寺 借宿 。
啲 和尚 啊 招呼 佢 哋 入 去 。 曹嵩 安頓 好 啲 家人 嘞 ，又 叫 張 闓 啊 ，安排 啲 兵卒 喺 兩 便 走廊 住落 。 嗰 班 兵卒 啲 衣服 都 畀 啲 雨 𢱕 濕晒 ，個個 都 哽 哽聲 啊 怨天怨地 。 張 闓 嗌 咗 佢 手下 幾個 頭目 ，搵 笪 靜僻 嘅 地方 嚟 商量 ，佢 話 ：
我 哋 都 係 黃巾 餘黨 ，當時 冇 辦法 ，勉強 投降 咗 陶謙 ，咁 耐 嘞 一 啲 好處 都 冇 撈 到 。 嗱 ，而家 曹家百 幾架 車 ，裝住 咁 多 嘢 ，吓 ，你 哋 如果 想 富貴 呀 一 啲 都 唔 難 㗎 。 就 喺 今晚 三 更 ，大家 殺入 去 ，將 曹 嵩 佢 哋 冚 家 鏟 ，攞 咗 佢 哋 嘅 財物 ，然後 一齊 上山 落草 ，你 哋 話 噉 好 唔 好 吖 ？ 大家 都 話 好 啊 好 啊 好 啊 噉 。
當晚 ，成晚 風雨 都 冇 停過 ，到 咗 半夜 ，曹嵩 仲 未 瞓 喎 ，仲 喺 度 坐 ，突然 間 聽到 四圍 㗾㗾 聲 噉 嘈起 上 嚟 。 有個 家人 揸 住 把 劍 出去 睇 下 係 咩 嘢 事 啦 ，一 出去 就 畀 人 哋 㓤 死 咗 。 曹嵩 知道 弊 喇 ，急急 拉住 個 妾 侍 ，趯 咗 去 屋後 便 想 擒 牆 走 人 啦 。 誰知 佢 呢 個 妾 侍 啊 肥 過頭 ，點 都 擒 唔 上去 。
曹嵩 又 慌 又 急 ，即刻 帶 住 嗰 個 肥 妾 侍 匿 入 去 廁所 嚟 。 哈 終歸 仲 係 畀 啲 兵 搵 到 ，就 殺 咗 佢 。 奉 曹操 命 去 接 人 嗰 個 應 劭 啊 搏 命 咁 走 ，結果 畀 佢 走 甩 咗 。 之 佢 就 唔 敢 返 去 見 曹操 嘞 ，就 走 咗 去 投奔 袁紹 。
張 闓 殺 晒 曹嵩 全家 ，劫 咗 啲 財物 ，放火燒 咗 間 和尚 寺 ，帶 住 嗰 五百 人 就 趯 咗 去 淮南 嘞 。 嗰 晚 ，應劭 部下 有 幾個 走 甩 身執 返 條 命 嘅 軍士 啊 ，就 返去 報告 畀 曹操 聽 。 曹操 一 聽聞 呢 個 消息 呀 ，當堂 喊 到 轆 咗 喺 地 嚟 。 大家 扶 返 佢 起身 ，曹操 咬牙切齒 話 ：
嗬 ——陶謙 啊 陶謙 ，你 縱容 啲 士兵 殺 咗 我 父親 ，此仇 此恨 不共戴天 啊 ！ 哼 ！我要 出動 大軍 ，掃平 佢 徐州 嚟 報仇雪恨 ！ 於是 就 留低 荀彧 、程昱 帶領 三 萬軍 兵 守住 鄄城 、范縣 、東阿 三個 縣 ，自己 親自 率領 其餘 嘅 人馬 ，殺 奔 徐州 。 佢 用 夏侯惇 、于禁 、典韋 做 先鋒 。
命令 佢 哋 只要 一 打破 城池 ， 就要 將 全城 嘅 百姓 啊 全部 殺 清光 ， 嚟 同 佢 父親 報仇 。 當時 ，有 一個 九江 太守 邊讓 ，佢 又 同 陶 謙 交情 好 深厚 嘅 ，聽聞 徐州 有 難 嘞 ，就 自己 帶住 五千 兵卒 去 救 徐州 噃 。 曹操 知道 呢 個 消息 好 嬲 啊 ，就 叫 夏侯惇 喺 半路 截住 ，殺 咗 佢 。 呢 陣時 ，陳 宮 喺 東 郡 做官 。
陳 宮 當年 救過 曹操 ，就 連 官 都 唔 做 。 收尾 見 曹操 殺 咗 呂伯奢 一家 ，仲 講 咩 寧可 自己 對 唔 住 天下人 ，就 唔 好 叫 天下人 對 唔 住 自己 啊 ，所以 就 離開 咗 曹操 。 噉 啊 陳 宮 同 陶謙 亦 係 好 朋友 。 聽聞 曹操 起兵 報仇 ，要 殺 盡 啲 百姓 喎 ，所以 即刻 就 趕 嚟 見 曹操 。
曹操 啊 估到 佢 嚟 ，無非 係 為 陶謙 講情 嘅 啫 ，想話 唔 見 佢 。 之 陳宮 往日 對 自己 有恩 啦 ，唔 見 又 唔 好 吖 ，就 唯有 請 佢 入 嚟 見面 。 寒暄 過 幾句 ，陳 宮 開門 見山 就 話 ： 聽講 曹公 你 為 咗 要 報父仇 ，用 大軍 去 打 徐州 ，所到之處 要 殺 盡 啲 百姓 ，故此 小弟 專誠 嚟 勸 下 你 。
陶謙 乃 係 個 仁人君子 啊 ， 絕唔 係 好利忘義 嘅 人 。 令尊 遇害 ，呢 啲 係 張闓 作惡 啫 ，陶謙 冇 罪 嘅 喎 。 況且 徐州 嘅 百姓 同 曹公 你 有 乜嘢 仇恨 呢 ，噉 嚟 殺 佢 哋 極 之 唔 啱 㗎 。 請 曹公 你 三思 啊 。
曹操 話 嘞 ：往日 ，你 掉 開 我 走 咗 ，而家 你 仲有 咩 面目 嚟 見 我 呢 ？ 陶謙 殺 咗 我 全家 ，我 發 咗 誓 要 捉 到 佢 ，挖 咗 佢 嘅 心肝 五臟 嚟 報仇雪恨 ！ 仁兄 你 而家 雖然 係 嚟 為 陶謙 講情 呀 ，之 我 唔 聽 ，你 又 有 咩 辦法 呢 ？ 你 返 去 啦 。
陳 宮 冇 晒 辦法 ，唯有 告辭 。 佢 覺得 自己 亦 冇 面 去 見 陶謙 ，就 趯 咗 去 投奔 陳 留 太守 張邈 嘞 。 而家 講下 曹操 。 佢 大軍 所到之處 啊 屠殺 百姓 ，挖掘 墳墓 。
陶 謙 喺 徐州 嚟 ，聽 講話 曹操 起兵 報仇 ，到處 噉 屠殺 人民 ，唉 ！ 佢 禁不住 喊起 上 嚟 話 ： 哎呀 ，我 得罪 咗 上天 ，致使 徐州 百姓 ，遭受 噉 樣 嘅 大難 喇 ！ 於是 就 急急 召集 所有 嘅 官員 來 商量 嘞 。
曹豹 話 ：曹操 嘅 兵馬 既然 打 嚟 嘞 ，唔 通 我 哋 繑 埋 雙手 等 死 咩 ？一 於 同 佢 打 過 ！ 確係 啊 ，唔 打 就 唔 得 㗎 。 陶謙 只有 帶兵 去 迎敵 嘞 ，出到 城 ，遠遠 見到 曹操 嘅 大軍 ，好似 鋪霜湧 雪 噉 。 中軍 豎起 兩面 白旗 ，上 便 寫 住 報仇雪恨 四個 大字 。
擺好 陣勢 嘞 ，曹操 全身 着 孝 ，縱馬 出陣 。 陶謙 亦 都 出馬 ，企定 喺 門旗 之下 ，佢 護 一 護 個 身 ，行 咗 個 禮 ，佢 話 ： 下官 本來 係 想 向 曹公 你 表示 好意 ，因此 命令 張 闓 護送 令尊 。 點 知道 佢 賊心 不改 ，搞 出件 噉 嘅 事 嚟 。呢 啲 實在 唔 關 下官 事 㗎 ，希望 曹公 你 明察 啊 ！
曹操 破口大罵 ：你 個 老家伙 ！殺 咗 我 父親 ，仲 膽敢 亂 噏 亂講 ！ 邊個 去 生擒 呢 個 老賊 啊 ？ 我 去 ！夏侯惇 應聲 而出 。 陶謙 連忙 退返 入陣 。
夏侯惇 跑 衡馬 衝過 嚟 ，曹豹 挺 槍 躍馬 ，上前 迎敵 。 兩個 啱 啱 一 交手 唧 ，忽然間 ，呼 噉 翻起 大風 ，飛沙走石 ，兩 便 嘅 軍隊 都 亂 晒 陣勢 ，於是 呢 就 各自 收兵 唔 打 嘞 。 陶謙 入 咗 城 ，又 同 大家 商量 話 ： 曹操 兵馬 人多勢大 ，好難 抵敵 㗎 喇 。
誒 不如 等 我 自己 綁 自己 去 到 曹營 ，任 佢 劏 又 好 殺 又 好 ，噉 樣 嚟 救返 徐州 一 郡 嘅 百姓 條命 都 好 吖 。 陶謙 話 口 未 完 ，有 一個 人行 出 嚟 話 ： 大人 治理 徐州 咁 耐 ，人民 都 感恩戴德 。 而家 曹兵 雖然 人多 ，之 佢 想 攻破 徐州 亦 唔 係 咁 易 嘅 。
大人 ，你 同埋 全城 百姓 一 於 堅守 ，唔 好 出去 同 佢 打 。 我 雖然 才疏學淺 啊 ，不過 略 施 小計 ，一定 要 曹操 死無葬身之地 嘅 。 講呢 番 說話 嘅 人 係 邊個 呢 ？ 佢 呀 ，姓 糜 ，名 竺 ，字 子仲 ，係 東海 人 。
佢 嘅 家世 好 有錢 。 呢 有 一次 噃 ，佢 去 洛陽 做 完 生意 ，坐車 返歸 ，喺 路上 遇到 一個 好 靚 嘅 女人 ，要 搭 順風 車 。 糜竺 話 好 啦 ，於是 佢 啊 自己 落車 ，自己 行路 ，讓 架車 畀 嗰 靚女 人 一個 人 坐 。 嗰 女人 話 ：噉 唔 好意思 嘅 ，你 行路 ，我 坐車 ，不如 請 你 上車 一齊 坐 吧 啦 噉 。
糜竺 話 ：噉 亦 可以 吖 ，就 上 返車 ，正正經經 坐 喺 處 ，哈 ，目不斜視 喎 。 嗰 雙眼 呀 ，就 係 望實 自己 嘅 鼻 哥 尖 唧 。 如是者 行 咗 幾里路 。 嗰 個 女人 話 到 埗 嘞 ，要 落車 ，臨 分別 嘅 時候 就 對 糜竺 講 ：
我 係 南方 火 德星君 ，奉 咗 上帝 嘅 命令 ，要 去燒 你 屋企 。 先頭 一路上 你 待 我 咁 有 禮貌 ，十分 難得 ，我 好 感動 。 所以 ，我 就 將 呢 件 事 講白 你 聽 ，你 趕快 返去 ，將 屋企 嘅 財物 搬 晒 出屋 ，我 今晚 就 到 㗎 嘞 。 講完 ，呼聲 唔 見 咗 。
嚇到 糜竺 呀 ，一身 冷汗 就 飛奔 返 屋企 啦 。 一返 到 去 ，即刻 叫 齊家人 ，將 屋企 嘅 嘢 呀 應有盡有 ，冚𠾴唥 搬 晒 出 屋 。 果然 間 ，當晚 佢 屋企 廚房 起火 ，好 快脆 就 全屋 燒着 ，冇 幾耐 就 燒到 通晒天 。 從此 之後 啊 ，糜竺 就 一味 攞 錢 出 嚟 做 善事 ，濟貧 救苦 啊 。
收尾 呢 ，陶謙 又 聘請 佢 出 嚟 做官 。 咩 官 啊 ？ 別駕 從事 ，就 係 州 刺史 ，亦 都 即 係 州長 嘅 助理 官員 嚟 。 噉 當時 呢 ，佢 聽 陶 謙 話 要 自己 綁 自己 去 曹營 咁 淒涼 ，佢 就 出 嚟 獻計 嘞 喎 ，佢 話 ：
我 願意 親自 去 北海 郡 ，求 孔融 出兵 嚟 救 我 哋 。 同時 仲要 搵 一個 人 去 青州 田 楷 嗰 度 求救 。 若果 呢 兩 笪 地方 嘅 軍馬 一齊 嚟 呀 ， 曹操 實 退兵 嘅 。 唯有 係 噉 辦法 啦 。
於是 陶謙 就 寫 咗 兩封信 ，寫 完 嘞 ，就 問 邊個 敢 去 青州 求救 啊 噉 。 說話 一 講完 ，有 個人 馬上 應聲 而出 。 大家 一睇 ，哦 ，原來 係 陳 登 。 陳 登 乃 係 廣陵 人 ，字 元龍 。
陶謙 好 高興 ，就 首先 打發 陳 登 去 青州 。 跟 住 就 派 糜竺 帶 住 佢 封 親筆信 去 北海 。 自己 呢 就 率領 人馬 守城 ，防備 曹操 嘅 進攻 。 而家 同 大家 講一講 北海 孔融 呢 個人 先 。
孔融 ，字 文舉 ，乃 係 魯國 曲阜 人 。 佢 係 孔夫子 第二十 代孫 ，父親 係 泰山 都尉 孔宙 。 佢 自 細 就 好 聰明 。 十歲 嘅 時候 呢 ，佢 就 走 去 拜見 河南 尹 ，即 係 河南 郡 嘅 長官 李膺 。
看門 嗰 個 人 見到 佢 係 個 細路 ，就 為 難 佢 ，想 唔 畀 佢 入 去 。 孔融 就 話 嘞 ：我 同 你 哋 李大人 係 通家之好 ，世世代代 交情 深厚 啊 。 噉 啊 放 佢 入 去 啦 ，入到 去 嘞 ，李膺 就 問 佢 ： 你 嘅 祖先 同 我 嘅 祖先 有 咩 嘢 親啊 ？
孔融 就 回答 話 ：從前 孔子 曾經 請教 過 老子 ，噉 樣 我 同 大人 你 唔 係 累世 通家 咩 ？ 啊 ，李膺 就 真 係 好 驚奇 ，呢 個 細路 叻 噃 。點 呢 ？ 老子 係 姓 李 嘅 ，喺 幾百年 前 ，孔子 係 做過 老子 嘅 學生 。 孔融 就 用 呢 件 事 嚟 說明 孔 、李 兩家 ，係 喺 幾百年 前 就 有 交情 㗎 喇 噉 。
哈哈 ，過 咗 一陣 ，太中 大夫 陳 煒 嚟 嘞 。 李膺 指住 孔融 對 陳煒 話 ：呢 個 係 神童 嚟 啊 ！ 陳 煒 話 ：哦 ，呵呵 ，細時 聰明 ，大時 就 未必 聰明 啊 。 孔融 即刻 應 佢 一句 ：照 噉 講 ，大人 你 細時 實 係 好 聰明 嘅 啫 。
哈哈哈 哈哈哈 哈哈哈 ，陳 煒 佢 哋 不禁 大笑 起 嚟 話 ： 哎 ，呢 個 細佬哥 呀 ，佢 大個 咗 必定 係 當代 嘅 大人物 啊 ！ 從此 孔融 就 出晒名 ，收尾 佢 被 封 為 中郎將 ，一路 升到 做 北海 太守 。 佢 個 為人 又 十分 好客 嘅 ，佢 周 時 都 話 嘞 ：我 至 希望 嘅 就 係 座上客 常滿 ，樽 中酒 不空 啊 。
佢 喺 北海 六年 ，好 得 民心 。 好 嘞 ，而家 講返 轉頭 。 當日 孔融 正在 同 客人 坐緊 ，啲 人 報告 話 徐州 糜竺 嚟 啊 噉 。 孔融 就 叫 請 佢 入 嚟 ，問 佢 嘅 來意 啦 。
糜竺 就 將陶 謙 嘅 書信 交 畀 佢 ，又 話 ： 曹操 圍攻 徐州 ，形勢 非常 危急 ，希望 孔公 你 去 救 啊 。 我 同 陶恭祖 交情 深厚 ，你 又 親自 嚟 到 添 ，我 點 都 要 去 嘅 。 不過 噉 喎 ，曹孟德 一向 同 我 無怨 無仇 ，我 仲 係 派 個人 送 封信 去 同 你哋 兩方 和解 下先 。
如果 佢 唔 肯 嘞 ，然後 我 先至 起兵 啦 。 唉 ！曹操 恃 住 兵強馬壯 ，佢 決 唔 肯 講 和 㗎 ，孔公 。 孔融 仲 係 按照 自己 嘅 諗 法 做 喎 。 佢 命令 一便 點兵 ，做 好 準備 ，一便 呢 ，就 派 人 去 送信 。
佢 哋 正 喺 度 商量 緊 ，忽然 接到 報告 話 ：有個 黃巾 賊黨 叫做 管亥 ，佢 帶 住 幾萬 賊兵 殺緊 嚟 喇 噉 。 孔融 大驚 嘞 ，就 急急 點起 本部 人馬 ，出城 去 同 管亥 呢 班 賊兵 打過 嘞 喎 。 擺好 陣 嘞 ，管亥 騎住 馬 行 出 嚟 話 ： 我 知道 北海 糧食 好多 ，借住 一萬 石 嚟 啦 ，我 就 退兵 嘞 。
如果 唔 係 呀 ，一 打破 城池 ，我 就 老幼 不留 ！ 孔融 鬧 佢 話 ：哼 ！我 係 漢朝 之 臣 ，守衛 漢朝 之 地 ，有 糧食 我 攞 嚟 餵豬 餵 狗 都 唔 畀 你 ！ 管亥 發火 嘞 ，拍 馬舞刀 ，直取 孔融 。 孔融 部下 有員 將領 叫做 宗寶 ，挺槍 出馬 ，迎戰 管亥 。
打 咗 冇 幾個 回合 ，就 畀 管亥 一刀 就 斬 咗 落馬 。 孔融 嘅 部隊 亂 晒 大龍 嘞 搏命 咁 趯 返入 城 。 管亥 分派 人馬 將 成個 城 四面 圍住 。 孔融 個心 好 煩悶 啊 ，糜竺 係 嚟 求救 嘅 ，個心 更加 愁悶 就 唔 再講 囉 。
第 日 ，孔融 上去 城樓 四周 望下 ，嘩 嗨 ，見到 賊勢 浩大 ，更加 憂心 咯 。 咦 ？忽然間 ，見到 城外 有 個人 ，挺槍 躍馬 殺 咗 入 去 敵陣 ，左衝右 突 如入無人之境 啊 。 佢 一直 殺到 嚟 城樓 下 便 ，大聲 嗌 話 ：開門 ！ 孔融 唔 識得 呢 個人 嘞 ，就 唔 敢 開門 。
嗰 班 賊兵 追到 嚟 護城河 邊 ，嗰 個人 一回 轉身 ，連氣將 十幾個 人 刺 咗 落馬 。 喂 啊 死 喇 走 喇 ，嗰 班 賊兵 嚇到 喇喇聲 退後 。 孔融 就 急急 叫 人 開 城門 放 佢 入 嚟 。 嗰 個人 入 咗 城 ，落 咗 馬 ，放低 支槍 ，直上 城樓 嚟 拜見 孔融 啊 。
