第 九十七 堂

環保

既然 人人 都 有權 住 喺 呢個 地球 度 ，咁 個個 都 應該 保護 環境 丫 。

只要 每 人 都 肯 改變 少少 生活 習慣 ，大家 就 可以 享受 綠色 啲 (dit1)嘅 大自然 同埋 乾淨 嘅 城市 啦 。

係呀 ，例如 掉 少啲 嘢 ，又 製造 少啲 垃圾 。

再 用 同 回收 廢物 ，都 好 重要 㗎 。

去 超級 市場 買 嘢 要 帶 環保 袋 ，換 電器 就 要 揀 適合 自己 需要 同 慳電 嘅 。

重 要 鼓勵 啲 小朋友 一齊 參與 添 ，就 同 投票 一樣 ，呢 啲 係 每 個 市民 嘅 責任 嚟 㗎 。

練習 一 翻譯

你 應該 鼓勵 你 媽媽 每 日 都 做 多 啲 運動 㗎 。

我 上次 搬屋 嗰 陣 唔 知 掉 咗 幾多 舊 書 。

呢 間 公司 賣 嘅 衫 全部 都 係 喺 中國 製造 嘅 。

結婚 一定 要 揀 個 最 適合 你 嘅 男仔 㗎 。

好多 人 都 喺 超級市場 買 餸 ，因為 乾淨 啲 丫 嘛 。