夜 唔 夜

Audrey 已經 喺 酒吧 坐 咗 二十 分鐘 ，一 個 人 喺 吧檯 前面 。

佢 着 住 一 條 長裙 ，留 住 一 頭 長髮 ，佢 知道 自己 今晚 好 靚 ，已經 有啲 男人 望 住 佢 。

佢 望 一 望 自己 隻 錶 ，十點八 ，唔係 好 夜 ，佢 飲 晒 杯 入面 嗰 少少 Brandy Manhattan ，又 叫 多 咗 一 杯 。

有 兩 個 男仔 行 咗 埋嚟 問 佢 ：「靚女 你 一 個 人 ？ 不如 過嚟 同 我哋 一齊 玩 ？ 我 班 朋友 喺 嗰便 。」

Audrey 睇 住 佢 講 嗰度 ，有 六 七 個 人 ，講講笑笑 。

「佢哋 有 少少 嘈 喎 ，我 唔 鍾意 噉樣 ，唔好意思 。」

「噉樣 ，你 肚唔肚餓 ？ 不如 我哋 同 你 落去 食嘢 ？」 一 個 男人 問 。

Audrey 笑 一 笑 ：「多謝 你 ，不過 我 今日 諗 住 一 個 人 靜 吓 ，不如 你哋 去 同 朋友 玩 住 先 ？」

「 OK ，不如 你 畀 你 電話 我 ？ 我 有 車 ，一陣 可以 送 你 去 沙灘 睇 海 睇 星星 ，再 送 你 到 屋企 。 唔好 諗 太 多 ，都 係 想 做 個 朋友 。」 嗰個 男人 又 問 。

「有啲 夜 喇 ，一陣 有人 送 我 㗎 喇 。」

「哦 ，好啦 。」 兩 個 男人 就 噉樣 走 咗 ， Audrey 又 睇 一 睇 錶 ，十點九 ，佢 再 望 一 望 佢哋 ，覺得 都 唔 早 ，用 電話 叫 咗 架 車 ，行 出 咗 酒吧 。