唔該 晒 你

第一 次 ，係 喺 間 餐廳 度 見到 佢 。 佢 同 緊 嗰陣 嘅 男朋友 一齊 食飯 。 之後 我 聽到 佢 男朋友 講 唔 想 再 一齊 。 佢 喊 ，佢 問 男朋友 記唔記得 今日 係 咩 日子 。

原來 嗰日 係 佢 生日 。

個 男仔 之後 行開 咗 。 過 咗 三 個 鐘頭 ，無 再 出現 過 。 佢 起身 ，準備 行出 餐廳 。 我 見到 佢 面上 仲 有 好多 淚水 。 跟住 ，我 上前 俾 咗 張 紙巾 佢 。

「唔該晒 你 。」 係 佢 一 句 同 我 講 嘅 說話 。 佢 轉身 走 ，行出 咗 間 餐廳 。

唔 知 點解 ，見 到 佢 喊 ，我 個 心 有 少少 痛 。 係咪 好 傻 ？

***

第二 次 ，喺 餐廳 隔離 間 7-11 見到 佢 。 佢 喺度 叮 緊 嘢食 。

我 對 佢 笑 咗 一 笑 ，點 一 點 頭 。 唔 知 佢 記 唔 記得 我 呢 。

我 拎 住 個 杯麵 ，諗 住 行 去 俾 錢 。 「十五 個 八 吖 。」 「哎呀 ，我 唔記得 帶 銀包 。」

「八達通 吖 。」 「嘟 ！」 佢 幫 我 俾 咗 錢 。 「一 人 幫 返 一 次 。」 佢 笑 住 咁 講 。

原來 佢 笑 起上嚟 ，係 咁 靚 。 「唔該晒 你 。」 係 我 第一 句 同 佢 講 嘅 說話 。

***

第 三 次 見到 佢 ，係 喺 小巴站 度 。

「 Hi 。」 「係 你 呀 ？」 「上次 唔該晒 你 。」

「十五 個 八 ，小意思 啦 。」 「你 出 港島 ？」 「係 呀 。」

嗰 次 我哋 並肩 坐 ，車程 二十 分鐘 。 我 知 佢 個 名 叫 阿心 ，同埋 佢 個 電話 號碼 。

阿心 話 ：「到站 啦 ，拜拜 。 得閒 call 我 吖 。」 我 以為 我哋 之間 嘅 緣份 可以 一路 延續 落去 。

點知 ，一 場 大雨 ，令到 寫 喺 我 手掌心 嘅 電話 號碼 甩 晒 色 。

係 幾多 號 呢 ？ 模糊 嘅 記憶 ，撞 咗 好 幾 次 。

「喂 ，發記 。」 「我 想 搵 阿心 。」 「無 阿心 吖 。 濾水 心 就 有 。」

———

「喂 。」 「我 想 搵 阿心 。」 「 打 錯 。 」

———

「阿心 吖 唔該 。」 「 S O rry,Ibegyourpardon.」「Oh,sorry.」

之後 ，我 無 再 撞過 阿心 。

八 年 後 ，我 去 咗 屋企 附近 間 小學 教書 ，做 咗 二 年 A 班 嘅 班主任 。

我 努力 工作 ，一路 都 無 拍拖 。 而 阿心 呢個 人 ，一路 都 記 喺 我 心 入面 。

某 日 ，學校 家長 日 。 有 個 熟悉 嘅 身影 出現 喺 課室 出面 。

「係 你 ？」 「咦 ，好耐 無 見 。 你 幾 好 嘛 ？」 係 阿心 。

「我 個 仔 上堂 乖 唔 乖 呀 ？ 」 「 都 … 都 乖 呀 。 」

估唔到 會 咁 撞 返 佢 。 阿心 無 乜 點 變 ，笑 起上黎 都 係 咁 靚 。

「唔該晒 你 ，睇住 我 個 仔 。」

呢 句 「唔該晒 你 」，同 八 年 前 嗰 句 比 ，感覺 唔同 咗 。

「唔使 客氣 。」

阿心 呢個 名 ，或者 係 時候 放低 喇 。