生日

我 叫 一心 ，十九 歲 ，我 係 佢 女朋友 。 佢 今日 生日 ，我 整 咗 曲奇 送 畀 佢 ，我 想 佢 開心 。 曲奇 係 用 朱古力 整 ，我 知道 佢 鍾意 食 朱古力 。 其實 曲奇 好 難 整 ，我 又 唔係 好 識 整 ，驚 會 唔 好食 。

今日 晏晝 ，我 同 佢 出街 ，搭 巴士 去 咗 海邊 嘅 公園 。 我哋 坐 喺 樹下 ，我 望住 佢 ，佢 就 一味 玩 電話 。 我 拍 下 佢 個 肚 ，問 ：

「你 肚唔肚餓 啊 ？」

「吓 ？ 少少 啦 。」

「噉 你 數 三 聲 吖 ！」

「吓 ？ 哦 。 三 、二 、一 ……」

我 喺 我 個 袋 度 拎 咗 啲 曲奇 出嚟 。

「今日 你 生日 ，我 整咗 曲奇 畀 你 啊 ！」

佢 望 住 我 同 我 手上 嘅 曲奇 ，笑 咗 笑 ——好 傻 、好 靚仔 ，我 好 開心 。 唔 知 佢 會 唔 會 鍾意 食 我 整 嘅 曲奇 呢 ？

「啲 曲奇 好唔好食 啊 ？」

好 難食 ，啲 曲奇 又 苦 又 好 硬 。 我 望住 佢 ，同 佢 講 ：

「好 好食 啊 ！」

佢 望 住 我 ，又 望 住 我 手上 嘅 曲奇 ，笑 咗 笑 ——好 甜 、好 靚女 ，佢 好 開心 。 我 食 晒 佢 整 畀 我 嘅 曲奇 ，跟住 佢 錫 咗 我 幾 啖 ……有啲 口渴 𠻹 。 我 叫 允行 ，今日 開始 廿一 歲 ，我 係 佢 男朋友 。 我 好 愛 我 女朋友 。