救救 地球村
越嚟越 多 村民 發現 ， 人類 活動 係 造成 地球村 越嚟越 熱 嘅 主要 原因 。
「 再 噉 落去 ， 容乜易 世界 末日 㗎 ？ 」
佢哋 開始 發散 啲 村民 去 揾 氣候 變化 嘅 原因 ， 以為 噉 就 可以 好 快 解決 到 天氣 變 熱 嘅 問題 。
就 好似 大腦 受損 噉 之 嘛 ！ 有 科學家 發現 原因 係 出自 車 用 鉛 油 ……
噉 只要 用 少 啲 、 或者 直頭 唔 畀 人 用 佢 咪 得 囉 ！
依家 佢哋 知道 温室 氣體 係 氣候 變化 嘅 原因 ， 噉 咪 叫 啲 村民 唔好 放 咁 多 呢啲 氣體 囉 ！
但係 原來 件 事 唔係 咁 簡單 ……
原來 好多 村民 平時 做 開 嘅 事 ， 好似 餐餐 大魚大肉 、 坐 飛機 旅行 、 喺 發電廠 發電 等等 ， 全部 都 會 放出 呢啲 氣體 ， 啲 氣體 仲 會 留 喺 天空 幾百 到 幾千 年 ！
啲 村民 今日 放 嘅 二氧化碳 ， 會 喺 二 、 三十 年 後 至 會 影響 到 個 氣温 。 即使 佢哋 而家 開始 用 少 啲 碳 ， 等 啲 氣體 整 下 又 少 啲 ， 整 下 又 少 啲 噉 ， 但 都 要 等 返 幾十 年 ， 個 氣候 至 會 開始 識 得 慢慢 變 返 正常 。
就 好似 人 瞓覺 噉樣 ， 一 開始 瞓 入 被竇 嗰時 ， 張 床 都 仲 係 凍冰冰 嘅 。
但係 因為 人 嘅 身體 會 放出 熱力 ， 所以 張 床 會 慢慢 跟住 啲 熱力 變 熱 。
啲 熱力 俾 張 被 冚 住 出 唔 到 去 ， 分分鐘 熱 到 個 人 出 晒 汗 都 瞓 唔 著 ！
同樣 道理 ， 當 啲 村民 餐餐 都 大魚大肉 、 坐 飛機 旅行 、 喺 發電廠 發電 嘅 時候 ，
佢哋 放出 嘅 氣體 就 會 喺 空中 形成 一 層 好似 被 噉 嘅 嘢 ， 冚 住 地球村 。
由 太陽 吸 返嚟 嘅 熱力 、 加上 地球村 本身 嘅 熱力 ， 都 俾 張 被 冚 住 出 唔 到 去 ， 條 村 就 會 變 得 越嚟越 熱 ！
雖然 佢哋 仲 有 海 ， 可以 幫手 吸 下 熱 同 部分 嘅 二氧化碳 ， 但係 噉 吸 法 ， 等 個 海 都 熱 埋 ， 海洋 生物 死 埋 ， 都 扭轉 唔 到 個 氣候 ……
受 氣候 變化 影響 嘅 唔止 係 個 海 ， 仲 有 森林 。
因為 個 地 熱 到 乾爭爭 ， 地球村 各 地 每 年 都 發生 唔少 山火 ， 好似 舊年 嘅 澳洲 山火 就 死 咗 五億 隻 動物 。 睇到 樹熊 BB 嘅 喊聲 ， 啲 村民 真係 心 都 悒 埋 。
最 慘 嘅 係 ， 呢啲 都 只係 個 開始 咋 ……
有 科學家 話 ， 喺 嚟緊 一百 年 ， 地球村 嘅 氣温 會 上升 攝氏 1.4 到 5.6 度 ！ 如果 唔 想 個 氣温 升 到 咁 高 ， 想 個 升幅 守 住 喺 1.5 度 嘅話 ， 啲 村民 每 年 就 要 放 少 15 % 嘅 二氧化碳 。
即使 要求 再 低 啲 ， 畀 你 升 夠 2 度 ， 啲 村民 每 年 都 要 放 少 5 % 左右 嘅 碳 。
「 係真唔係 呀 ？ 」 對上 一 次 放 咁 少 二氧化碳 ， 講 緊 都 已經 係 三十 年 前 嘅 事 ！
但係 唔 得 都 要 試 到 得 ， 天氣 再 熱 落去 ， 啲 冰 融 融 下 ， 海洋 水位 就 會 越 升 越 高 ， 好多 住 得 近海 嘅 村民 為咗 驚 水浸 ， 個個 都 要 搬入 內陸 。 而 內陸 一啲 原本 都 叫做 肥沃 嘅 土地 ， 都 會 開始 乾 到 變 沙漠 ， 慢慢 糧食 、 經濟 同 難民 問題 都 會 出現 ！
「 我哋 再唔做嘢 ， 去到 2100 年 ， 個 氣温 升 夠 4 度 都 似 ！ 」
需知道 ， 個 氣温 淨係 升 3 度 ， 人類 都 生存 唔 到 ！ 喺 呢個 moment ， 啲 村民 要 爆 啦 ！
各 地 村民 開始 動員 大量 人手 ， 想 喺 短 時間 內 起 好多 好多 嘅 太陽能 同 風力 發電機 、 高鐵 同 電動車 等等 ， 實行 全面 改用 再生 能源 ， 力圖 救救 氣候 、 救救 佢哋 嘅 屋企 ！ 但係 要 起 呢啲 基建 ， 啲 村民 變相 又 要 放 更 多 嘅 二氧化碳 ……
「 地球村 未來 會 變成 點 ， 完全 係 取決 於 我哋 手中 ！ 」 到底 我哋 有冇 呢個 共同 決心 ， 去 採取 必要 嘅 行動 ， 嚟 守 住 呢 1.5 到 2 度 氣温 到 最後 ？
接落嚟 ， 我哋 將 會 透過 呢個 系列 ， 繼續 探討 氣候 變化 嘅 問題 。
