姐姐

離開 自己 屋企 ，一 個 人 走 出嚟

一 個 陌生 地方 ，乜 都 覺得 新奇

星期日 嘅 下午 ，難得 一 日 假期

識到 新 嘅 朋友 ，佢 又 嚟自 印尼

為咗 養家 我哋 決定 嚟 呢度 奮鬥

奮鬥 原因 當然 係 養活 一 家 幾 口

每 日 辛苦 做嘢 ，靠 我 自己 雙手

視像 同 你 傾計 唔會 畀 你 睇 到 傷口

有朝一日 我 揾 夠 錢 返去 起 大屋

足夠 仔女 供書教學 我 就 心滿意足

希望 佢哋 努力 讀書 做 一 個 有用 嘅 人

做 自己 鍾意 做 嘅 嘢 去 睇 下 自由 女神

好 喇 乖仔 你 去 叫 爺爺 嫲嫲 過嚟 聽

係 呀 呢度 冇 人 蝦 我 你哋 唔使 驚

我 每 餐 都 有 食飽 你哋 唔使 擔心

你 睇 我 瘦 咗 啲 咩 ？ 我 呢排 有 玩 健身

你哋 叫 我 注意 身體 我 全部 聽 得 到

而家 幫 我 叫 老公 過嚟 聽 啦 好 唔 好

老公 我 喺 呢度 做嘢 都 唔係 咁 辛苦

我 匯 返去 啲 錢 你 數 清楚 唔好 斷估

我 唔 喺度 嘅 日子 幫 我 照顧 好 父母

仲有 仔女 啲 功課 幫手 睇 下 有冇 做 好

老闆 話 聖誕節 畀 我 放 足 三 個 星期 假

我 已經 買 咗 機票 到時 你 先 出嚟 接 我 啦

好 喇 講 住 咁 多 先 你 知道 我 愛 你哋

我 要 瞓 喇 聽朝 六 點 做嘢 又 要 早 起

電話 收 咗 線 之後 我 都 嘆 咗 一 口 氣

試問 有 邊個 出嚟 做嘢 嘅 人 會 唔 掛住 屋企

日復一日 ，我哋 做嘢 年復一年

幫 老闆 一 家 做嘢 已經 將近 十七 年

好 多謝 佢哋 一 家 由始至終 都 咁 信任 我

由 阿B 啱啱 出世 畀 我 湊 到 而家 牛龜 咁 大 個

我 將 自己 最 美好 嘅 時光 貢獻 呢個 家

係 時候 要 返去 照顧 返 我 印尼 屋企 啦

你哋 一家人 嗰日 仲 特登 請假 一齊 送 我 機

阿B 個 傻豬 仲 攬住 我 喊 到 企 都 企唔起

希望 你哋 揾 到 一 個 同樣 愛 你哋 嘅 姐姐

希望 你哋 會 好似 愛 我 一樣 噉樣 愛護 佢

你哋 隨時 過嚟 揾 我 我 都 歡迎 你 光臨

多謝 你哋 ，我 喺 呢個 世界 上 嘅 另外 一家人