短篇 故事
小明 放學 返 到 屋企 ， 見到 枱 上面 有 張 一百 蚊 ， 旁邊 有 張 紙 寫 住 「 畀 小明 」 。
小明 心諗 ﹕ 「 媽媽 平時 一 蚊 零用錢 都 冇 畀 我 ， 今日 畀 一百 蚊 我 。 發生 咩 事 咁 好彩 呢 ？ 」
當 小明 拎 起 張 一百 蚊 ， 發現 下面 砸 住 張 字條 ， 上面 寫 住 ﹕
「 小明 ， 今日 放咗 學 唔好 周圍 去 ， 喺 屋企 等 我 。 今日 係 你 婆婆 生日 ， 我 收工 帶 埋 你 過 婆婆 度 食飯 。
記得 幫 我 喺 雪櫃 拎 個 蛋榚 ， 仲有 幫 我 做 晒 屋企 啲 家務 。 我 收工 趕唔切 做 。 」
然後 小明 睇 到 最 下面 有 一 行 字 寫 住 ：
「 P . S 呢 一百 蚊 唔係 畀 你 嘅 ， 只係 用嚟 引 你 注意 。 你 唔好 拎 咗 去 ， 陣間 記得 畀 返 我 。 」
小明 係 一 個 超級 大 肥佬 ， 身邊 嘅 人 都 叫 佢 減肥 ， 但係 佢 就 係 唔 聽 。 佢 老友 阿成 有 次 同 佢 飲酒 。
阿成 話 ﹕ 「 唔好 話 我 話 你 ， 你 睇 你 肥 到 噉 ， 邊 有 女人 會 睇 你 上 眼 啊 。 跑 兩 步 又 話 攰 ， 好心 你 做 下 運動 減 下 肥 啦 。 」
「 你 成 四十 歲 人 ， 一 日 剩係 掛 住 食 ， 夜晚 就 打機 睇波 ， 行 幾 步 路 都 話 遠 要 搭車 。 你 噉樣 點 得 啊 。 」
小明 飲 咗 啖 酒 ， 喺 阿成 耳邊 講 「 我 屋企 隻 貓 要 生 BB 喇 」 ， 然後 就 走 咗 出 門口 。
阿成 唔 知 咩 事 ， 埋咗 張 單 就 出去 搵 小明 。
阿成 話 ﹕ 「 喂 ， 你 做咩 走咗去 啊 ， 你 屋企 隻 貓 要 生 BB 關 你 減肥 咩 事 啊 ？ 」
小明 答 ﹕ 「 噉 我 減唔減肥 ， 又 關 你 咩 事 ？ 」
真人真事
有 一 個 好 出名 嘅 機場 ， 每 日 有 好多 班 飛機 升降 。
有 一 日 ， 一 架 就嚟 起飛 嘅 A320 飛機 因為 壞 咗 ， 要 維修 ， 所以 起飛 時間 要 推遲 。
乘客 都 拎 返 晒 啲 行李 落 機 。 但係 咁啱 個 閘口 有 其他 機 要 用 ，
所以 機組 工作 人員 通知 乘客 先 到 15 號 閘 等 ， 直到 維修 完 就 會 再 叫 佢哋 上機 。
但係 當 大家 去到 15 號 閘 嘅 時候 ， 機場 又 廣播 15 號 閘 閘門 壞 咗 ，
所有 由 15 號 閘 登機 嘅 班機 全部 改 晒 去 206 閘口 。
因為 206 閘口 係 喺 二 號 客運 大樓 ， 所以 大家 要 搭 列車 過去 。
飛機 終於 整 好 ， 所有人 亦都 重新 上機 。 噉 空姐 就 做 個 機上 廣播 ：
「 咁多 位 先生 女士 唔好意思 ， 因為 機件 故障 嘅 關係 ， 我哋 遲 咗 一 個 鐘 ， 而且 因為 閘口 故障 嘅 關係 ，
令 大家 跑咗 唔少 地方 ， 提提 大家 呢 班 機 係 去 英國 倫敦 ， 如果 你 上 錯 飛機 ， 請 你 立即 通知 空中 服務員 。 」
我 個 位 近 機門 ， 我 見到 機長 急急腳 喺 駕駛房 走 出嚟 ， 一路 講 「 頂 ， 原來 唔係 去 紐約 ， 搞錯 咗 添 。 」
醫院 ， 好多 醫生 都 好 緊張 ， 應該 係 有 一 個 大人物 受 咗 傷 ， 嚟緊 搶救 。
成 間 醫院 上上下下 都 好 關心 呢 位 傷者 ， 原來 係 司令 。
醫生 開 完 會 ， 決定 由 小明 醫生 幫 司令 做 手術 。 因為 小明 醫生 出名 冷靜 手勢 好 。
手術 開始 ， 手術室 外 保安 重重 ， 似乎 係 怕 敵人 對 司令 不利 。
小明 話 ﹕ 「 刀 ！ 」
助手 一 刀 插 落 小明 度 。
助手 話 ﹕ 「 對唔住 ， 我 係 間碟 。 我 唔 可以 畀 你 救 返 你哋 嘅 司令 ， 佢 一定 要 死 。 」
小明 就 答 ﹕ 「 我 頂 ！ 噉 你 插 佢 吖 ！ 插 我 做咩 啊 ！ 」
