幼稚園 好多 嘢 玩

媽媽 洗 咗 啲 生果 畀 阿女 。

媽 ： 幼稚園 老師 都 會 畀 生果 你 做 茶點 。

女 ： 唔 係 媽媽 畀 咩 ？

爸 ： 爸爸 媽媽 唔 會 跟 你 去 幼稚園 啊 。

女 ： 我 唔 要 ！

媽 ： 個個 小朋友 嘅 爸爸 媽媽 都 去 幼稚園 嘅 話 ， 幼稚園 入面 就 會 有 太 多 人 㗎 喇 ！ 但 唔 使 驚 㗎 阿女 ， 幼稚園 老師 會 陪住 你 同 其他 小朋友 ， 又 會 睇 實 你 哋 有 冇 整親 或者 唔 開心 ！ 佢 哋 同 我 哋 一樣 會 錫 你 ， 需要 時 會 幫 你 、 鼓勵 你 ！

女 ： 同 爸爸 媽媽 一樣 ？

媽 ： 係 呀 ！ 老師 會 每 日 安排 唔 同 嘅 活動 畀 你 哋 ， 例如 講 故仔 、 玩 遊戲 ！ 唔 止 噉 ， 佢 哋 仲 會 教 每 個 小朋友 一樣 嘅 嘢 ， 好似 唱歌 、 跳舞 、 做 運動 、 畫畫 、 做 勞作 ……

女 ： 好多 嘢 玩 ……

媽 ： 係 啊 ， 邊 玩 邊 學 ！ 老師 會 睇 吓 你 玩 得 好 唔 好 、 學 得 好 唔 好 ， 然後 話 返 畀 我 哋 知 你 鍾 意 做 啲 乜 ， 又 會 同 我 哋 講 可以 做 啲 乜 去 幫 你 學 得 好 啲 。 所以 其實 喺 你 學習 嘅 時候 ， 爸爸 媽媽 都 係 同 你 一齊 㗎 。

爸 ： 係 啊 。 有時 老師 仲 會 幫 你 哋 分組 做 唔 同 活動 。

女 ： 分組 ？

爸 ： 例如 老師 話 要 三 個 人 一 組 玩 ， 噉 你 就 要 揾 多 兩 個 組員 一齊 玩 。

女 ： 如果 我 唔 想 三 個 人 一齊 玩 呢 ？

爸 ： 阿女 ， 你 要 同 人 玩 ， 至 可以 學 到 同 人 分享 同 多 啲 新 玩法 ， 因為 好多 遊戲 要 多 啲 人 至 玩 到 ， 又 或者 要 多 啲 人 玩 至 好玩 。 而且 喺 幼稚園 ， 你 要 聽 老師 話 ， 老師 教 你 嘅 規矩 要 遵守 ， 例如 去 廁所 要 排隊 、 老師 講 嘢 要 保持 安靜 、 喺 走廊 唔 好 亂 跑 ……

女 ： 點解 幼稚園 啲 規矩 同 我 哋 屋企 啲 唔 同 嘅 ？

媽 ： 因為 出面 嘅 人 同 小朋友 比 屋企 多 好多 ， 所以 會 有 多 啲 唔 同 嘅 規矩 。 個個 都 守 規矩 ， 啲 小朋友 至 可以 安全 噉 玩 同 好好 學習 。 你 諗 吓 ， 如果 老師 講緊 一 個 你 好 鍾 意 嘅 故仔 ， 但 其他 小朋友 好 嘈 ， 你 會 點 做 ？

女 ： 我 會 叫 佢 哋 唔 好 嘈 ！

媽 ： 噉 你 又 諗 吓 ， 如果 有 啲 小朋友 係 噉 跑 ， 撞 低 咗 你 ， 你 會 點 做 ？

女 ： 我 會 同 老師 講 ！

媽 ： 都 啱 ， 整親 要 記得 同 老師 講 ， 等 老師 幫 你 。 所以 為 咗 其他 人 着想 ， 我 哋 要 守 規矩 。

女 ： 哦 ！

爸 ： 唔 知道 有 咩 規矩 要 守 唔 緊要 ， 平時 留心 聽 老師 講 嘢 ， 有 咩 唔 明 就 舉手 問 。 老師 話 要 一齊 玩 就 一齊 玩 ， 一齊 玩 仲 可以 學 到 合作 精神 。

女 ： 合作 精神 ？

爸 ： 即 係 大家 一齊 做好 一 件 事 ， 例如 今晚 爸爸 幫手 整 飯 ， 媽媽 整 魚 ， 你 呢 ？

女 ： 我 唔 知 ……

媽 ： 你 可以 幫手 洗碗 呀 。 幫 人 係 一 件 開心 嘅 事 ， 你 幫 多 啲 人 ， 慢慢 就 會 明白 㗎 喇 。

女 ： 好 ， 我 以後 都 幫手 洗碗 ！

媽 ： 好 努力 噉 喎 ！