一齊 嚟 幫 阿才 手

阿才 係 一 個 地盤 工人 。 呢 三十 年 嚟 ， 阿才 喺 香港 起 過 好多 好 出名 嘅 高樓大廈 ， 有 中銀 大廈 、 國際 金融 中心 、 環球 貿易 廣場 同埋 維港 文化 匯 等等 。 平時 做 嘢 嗰 陣 ， 阿才 需要 喺 竹棚 上面 擒 高 擒 低 —— 佢 唔 怕 高 ， 喺 竹棚 上面 四圍 走 都 冇 問題 ， 因為 佢 細細 個 都 係 噉 樣 喺 樹 上面 玩 。

阿才 好 記得 大樹 帶 畀 佢 嘅 安全感 。 佢 細細 個 住 喺 上 水 嗰 陣 ， 屋企 門口 前面 有 樖 好 高 好 大 嘅 荔枝 樹 ， 阿才 同 住 隔籬 屋 嘅 朋友 會 靜靜 噉 喺 樖 樹 下面 ， 一齊 望 住 個 天 傾 偈 ， 或者 合埋 眼 好 舒服 噉 瞓 晏覺 。

佢 哋 有時 會 挨住 樖 樹 坐低 ， 聽 下 身邊 啲 雀 仔 同 昆蟲 嘅 叫聲 ； 樹上 嘅 荔枝 熟 咗 ， 阿才 就 會 同 朋友 爬 上去 摘 甜甜 酸酸 嘅 果實 嚟 食 。 喺 大樹 下 生活 ， 日子 過 得 好 快 。 過 咗 冇 幾 年 ， 阿才 舉高 隻 手 就 摘到 荔枝 ， 唔 使 再 爬 樹 。

阿才 大個 之後 ， 搬 咗 去 巿 區 生活 ， 屋企 四圍 再 冇 啲 可以 畀 佢 遮陰 休息 嘅 樹 。

唔 使 返工 嘅 時候 ， 阿才 會 一 個 人 去 野外 地方 ， 揾 返 以前 嗰 種 放鬆 嘅 感覺 。 佢 會 去 濕地 公園 睇 雀 仔 ，

或者 上山 睇 唔 同 種類 嘅 昆蟲 。

阿才 又 喺 大埔 租 咗 一 塊 田 ， 用 嚟 種 菜 種 花 ， 有 收成 嗰 陣 就 會 分 啲 畀 朋友 。

阿才 起 過 好多 棟 建築物 ， 不過 佢 最 想 起 嘅 係 樹林 —— 可以 畀 香港 人 抖氣 嘅 一 大 片 樹林 。

阿才 想要 一個 色彩繽紛 嘅 樹林 ， 有 綠色 葉 嘅 樹 、 黃色 葉 嘅 樹 、 橙色 葉 嘅 樹 ， 同埋 紅色 葉 嘅 樹 。 樹林 可以 吸引 好多 種類 嘅 雀 仔 同 昆蟲 嚟 生活 ， 唔 同 嘅 人 都 會 過 嚟 休息 。 阿才 已經 揾 好 咗 一 個 地方 種 樹 ， 嚟 緊 佢 需要 一 啲 鍾 意 大自然 嘅 朋友 嚟 幫手 。 你 哋 想 唔 想 一齊 去 野外 玩 下 呀 ？