哮喘 發作

場景 ： 學校 操場

老師 ： 仲 有 最後 兩 分鐘 ！

志明 ：（ 喘 ） 跑 埋 最後 兩 分鐘 就 可以 休息 喇 ……

偉俊 ： 志明 ， 你 冇 嘢 吖 嘛 ？

志明 ： 我 …… 有 啲 唞 唔 到 氣 呀 ……

偉俊 ： 係 咪 哮喘 發作 呀 ？

志明 ：（ 點頭 ） 係 吖 ...

偉俊 ： 我 哋 停低 休息 下 先 啦 ， 慢慢 呼吸 。 老師 ！ 老師 ！

老師 ： 偉俊 ， 發生 咩 事 呀 ？

偉俊 ： 志明 哮喘 發作 呀 。

老師 ： 志明 ， 慢慢 坐低 呼吸 。 平時 你 哮喘 發作 嗰 陣 會 點 做 㗎 ？

志明 ： 我 有 支 哮喘 藥 ……

老師 ： 你 支 哮喘 藥 放 咗 喺 邊度 呀 ？

志明 ：…… 更衣室 ……

老師 ： 偉俊 ， 你 可 唔 可以 幫手 攞 志明 支 哮喘 藥 過 嚟 吖 。

偉俊 ： 知道 。

（ 偉俊 攞 咗 哮喘 吸入 器 過 嚟 ）

偉俊 ： 呢 支 藥 係 咪 你 㗎 ？

志明 ：（ 點頭 ）

偉俊 ： 要 用 幾多 下 呀 ？

志明 ：…… 四 下 ……

（ 使用 哮喘 吸入 器 後 ）

老師 ： 而家 好 啲 未 呀 ？ 需 唔 需要 再 噴多下 呀 ？

志明 ： 唔 使 啦 ， 好返 好多 。

老師 ： 需 唔 需要 送 你 去 醫院 呀 ？

志明 ： 唔 使 去 醫院 ， 唔 該 晒 。

偉俊 ： 當 有人 哮喘 發作 時 ， 叫 佢 哋 先 坐底 休息 ， 慢慢 呼吸 ， 唔 使 驚 ， 同埋 幫助 佢 哋 使用 哮喘 吸入 器 ， 仲要 儘快 話 俾 大人 知 。