我 要 做 超人

我 想 做 超人 拯救 世界 ， 等 啲 人 冇 咁 慘 。

爸爸 媽媽 都 讚 好 ， 因為 超人 成日 都 好 努力 幫 人 。

但 媽媽 話 超人 識得 自己 換衫 ，

我 就 揀 自己 鍾 意 嘅 衫褲 嚟 換 。

有 啲 鈕 扣 錯 咗 ， 但 媽媽 話 超人 細個 時 都 係 試 好多 次 至 做到 ， 所以 我 都 要 學 超人 咁 努力 。

爸爸 話 ， 做 超人 仲要 識得 自己 去 廁所 。

我 冇 見過 超人 去 廁所 ，

但 超人 咁 叻 ， 一定 識得 自己 去 廁所 。

我 去 完 廁所 就 自己 沖 廁 、 抹 屁股 、 吱 皂液 洗手 ，

但 整 濕 咗 少 少 件 衫 。

爸爸 話 我 隻 手 離 個 水喉 太 遠 ， 所以 整 濕 。

我 決定 做 超人 之後 要 將 個 洗手盆 變 細 啲 ，

大人 細路 都 唔 會 再 整 濕 衫 。

爸爸 媽媽 話 ， 超人 要 識得 自己 做好 多 嘢 。

因為 雖然 超人 有 好多 好 朋友 ，

但 有時 佢 都 會 得 自己 一 個 ， 冇 人 幫 到 佢 。

而且 佢 先 要 有 能力 幫 到 自己 同 屋企 人 ，

至 可以 幫 到 隔籬 同 世界 其他 嘅 人 。

超人 唔 係 一 開始 就 咩 都 做 到 。

佢 都 係 不斷 自己 去 試 好多 次 ，

成功 之後 再 幫 其他 小朋友 ，

做 老師 同 朋友 眼中 嘅 「 小 超人 」，

然後 大個 就 同 啲 好 朋友 一齊 做 「 大 超人 」，

繼續 幫 更 多 嘅 人 。

做 超人 要 先 由 自己 做起 ，

所以 ， 有 一 樣 嘢 我 覺得 要 再 加油 嘅 ，

就 係 要 識得 自己 一個 人 玩 。

因為 爸爸 好 忙 ， 喺 屋企 都 要 做 嘢 ，

我 要 做 爸爸 嘅 「 小超人 」， 自己 一個 玩 玩具 。

我 諗 住 用 呢 啲 玩具 去 諗 我 嘅 拯救 世界 大計 ！