我 想 揸 巴士 返學 ！

今日 爸爸 媽媽 帶 阿女 去 緊 幼稚園 嗰 度 行 。

爸 ： 仲 有 十 日 就 開學 ， 到 嗰 陣 就 成日 行 呢 條 路 㗎 喇 ， 認 吓 啦 阿女 。

女 ： 我 知道 幼稚園 ， 媽媽 帶 我 去 過 。

媽 ： 係 呀 ， 媽媽 嗰 陣 帶 你 去 面試 。 開學 之後 ， 你 會 見 多 啲 老師 ， 又 可以 識 到 一 班 好 朋友 ， 到 嗰 陣 你 可以 同 啲 朋友 一齊 玩 ， 一齊 學習 ……

女 ： 我 知道 玩 ！ 但 咩 係 學習 ？ 學習 好 重要 嘅 咩 ？

爸 ： 學習 就 係 學 多 啲 知識 同 技能 ， 你 識 嘅 嘢 多 咗 ， 就 會 叻 女 咗 ， 做 到 嘅 嘢 、 幫 到 嘅 人 就 越 多 ！ 爸爸 問 你 ， 你 第 日 大個 想 做 啲 咩 ？

女 ： 我 想 揸 巴士 ！

爸 ： 哈哈 ， 但 要 做 個 好 嘅 巴士 司機 ， 你 要 識 好多 技能 㗎 ！ 你 要 知道 啲 掣 嘅 操作 、 交通 規則 同 巴士 路線 ， 如果 啲 乘客 畀 碎銀 ， 又 要 識 計數 ， 佢 哋 有 投訴 ， 又 要 識 溝通 。

女 ： 好似 好 難 ……

媽 ： 有心 唔 怕 難 。 而且 就算 唔 係 為 做 嘢 ， 學習 對 你 嘅 成長 都 好 重要 。 學 到 咁 上下 ， 你 就 會 揾 到 自己 嘅 興趣 ， 學習 就 會 變成 一 件 開心 嘅 事 ！

女 ： 我 知 ！ 我 嘅 興趣 係 跳舞 ！

媽 ： 但 你 都 係 學 咗 幾 個 月 跳舞 之後 ， 至 知道 自己 鍾 意 跳舞 ， 係 咪 ？

女 ： 都 係 …… 噉 爸爸 可 唔 可以 教 我 揸 巴士 啊 ？

爸 ： 首先 你 要 揾 幼稚園 老師 教 你 好多 基本 嘅 知識 ， 然後 大個 就 可以 揾 啲 識 揸 巴士 嘅 人 教 你 。

女 ： 爸爸 教 我 基本 知識 咪 可以 囉 ？

爸 ： 爸爸 媽媽 好多 時 要 返工 教 唔 到 你 ， 而且 我 哋 識 嘅 嘢 又 同 幼稚園 老師 唔 同 ， 所以 你 要 去 幼稚園 學 啊 。

女 ： 有 咩 唔 同 ？

媽 ： 幼稚園 老師 知道 點樣 教 你 可以 令 你 學 得 快 啲 啊 。 不如 等 我 哋 返 屋企 再 講 多 啲 你 聽 ？

女 ： 好 ！