我 係 一 名 工程師

我 叫 阿樂 ， 我 細細 個 就 有 一個 夢想 ， 係 想 成為 一個 工程師 ， 但 係 好 難 實現 到 。 你 哋 可能 會 講 只 係 工程師 ， 認真 啲 讀書 咪 得 囉 。 吖 ！ 仲 有 一 樣 嘢 未 講 ， 我 係 一 個 女仔 ……

我 想 整 嘅 嘢 有 好多 ， 多 到 你 哋 都 唔 信 。

我 好 想 起 一 條 好 長 好 長 嘅 公路 ， 可以 俾 我 踩 住 單車 ， 由 地球 踩 去 月球 。 我 好 早 就 想 去 月球 睇 下 ， 睇 下 月亮 係 咪 有 隻 兔仔 喺 度 ， 可以 帶 一 個 月餅 當 手 信 ， 我 諗 佢 應該 會 鍾 意 食 。 但 係 班上 嘅 男 同學 聽 到 我 想 做 工程師 ， 佢 係 噉 笑 我 ， 指 住 我 話 ：「 你 一 個 女仔 ， 仲 想 做 工程師 ， 點 會 夠 我 哋 男仔 嚟 ， 我 夢想 都 係 做 工程師 ， 你 都 係 喺 寫字樓 返工 啦 。」

我 好 想 整 一 架 火箭 出 嚟 ， 可以 飛 嚟 飛去 ， 好 想 睇 下 其他 地方 ， 好 想 知 有 冇 一 個 地方 係 男女 平等 嘅 呢 ？ 其實 ， 我 喺 學校 嘅 科學 考試 年 年 都 係 全班 第 一 名 ， 嗰 個 男仔 次次 都 係 唔 合格 ， 但 係 個個 都 讚 佢 叻 ， 有 理想 ， 但 係 我 就 ….. 點解 會 有 咁 大 唔 同 ？

吖 ！ 我 仲 有 個 地方 想 去 呀 ！ 我 好 想 去 睇 海 嘅 世界 ， 聽 人 講 有 好多 魚 、 海星 同 海草 。 因為 我 唔 識 游水 ， 如果 我 整 到 一 部 潛水艇 就 好 喇 ！ 噉 我 就 可以 去 睇 下 唔 同 嘅 嘢 。 有時 ， 我 唔 係 好 明白 ， 點解 連 屋企 人 都 唔 支持 我 。 成日 都 係 嗰 句 ：「 女仔 做 咩 工程師 ， 做 寫字樓 唔 好 咩 ？」 但 係 我 都 有 自己 鍾 意 同 想 做 嘅 嘢 㗎 。

有 一 日 ， 科學 老師 叫 我 落堂 嚟 搵 佢 ， 佢 問 咗 我 一 個 問題 ， 如果 你 係 一 個 工程師 ， 你 會 想 整 咩 嘢 呀 ？

我 細細 聲 噉 問 ：「 我 都 可以 做 到 工程師 咩 ？」

佢 好 肯定 噉 答 ：「 可以 呀 ！」

我 再 問 ：「 但 係 我 係 女仔 喎 ！」

佢 再 答 ：「 噉 又 點 ？」

聽到 佢 噉 講 ， 我 開始 慢慢 講 我 嘅 理想 。

我 見 老師 好 留心 聽 我 講 ， 我 繼續 講 「 我 仲 想 整 一 個 機械 人 ， 佢 可以 幫 媽媽 煮飯 ， 又 可以 幫 爸爸 做 嘢 ， 又 可以 教 細佬 做 功課 。」

最好 梗 係 可以 捉 到 電腦 上 嘅 壞人 ， 唔 准 佢 哋 偷 嘢 。 捉 到 佢 之後 ， 我 要 同 佢 講 ， 偷 嘢 係 唔 啱 㗎 ！

唉 ， 而家 地球 都 病 咗 ， 我 都 好 想 發明 一 啲 嘢 可以 救 下 佢 。 因為 地球 係 我 哋 嘅 屋企 ， 好似 我 哋 嘅 屋企 人 噉 。

最後 ， 我 好 想 可以 有 一 對 翼 ， 噉 我 就 可以 每 日 嚟 同 老師 打招呼 喇 。

老師 嗰 日 靜靜 噉 聽 我 講 我 嘅 夢想 ， 都 鼓勵 我 要 加油 。 自從 嗰 日 之後 ， 我 更加 認真 讀書 ， 而 屋企 人 都 開始 明白 我 。

阿樂 而家 望住 一 本 日記 笑 住 講 ： 「 而家 睇 返 之前 細個 寫 嘅 日記 都 幾 搞笑 。 我 最後 都 自我 介紹 ， 我 叫 阿樂 ， 我 而家 係 一 個 工程師 ， 大家 有事 都 可以 搵 我 幫手 㗎 。」