為 幼稚園 開學 準備

媽媽 帶 阿女 去 文具 舖 買 開學 用 嘅 嘢 ，

阿女 好 開心 ，佢 已經 兩 個 月 冇 去 街 喇 ！

媽 ：嗰 度 有 啲 名 貼紙 ，我 哋 去 睇 吓 。

女 ：名 貼紙 ？

媽 ：係 用 嚟 寫 名 貼 喺 你 啲 嘢 度 㗎 ，咁 其他 小朋友

就 唔 會 拎 錯 喇 ！ 嗱 ，我 呢 張 紙 上面 有 幾 個 名 ，

你 話 我 聽 邊個 係 你 個 名 ？

女 ：我 知 ！ 係 呢 個 ！

媽 ：叻 女 ！ 好 ，我 哋 仲要 買 鉛筆 、擦膠 、間尺

畀 你 學 寫字 ……

女 ：點解 要 學 寫字 ？

媽 ：你 想 唔 想 做 叻 女 乜 都 識 吖 ？

女 ：想 ！

媽 ：學 識 咗 讀書 寫字 ，好快 你 就 會 識 好多 嘢 㗎 喇 。

女 ：哦 ……媽媽 你 睇 ，呢 隻 狗狗 同 貓貓 好 靚 ，

仲 有 嗰 隻 鴨女 都 好 靚 。

媽 ：噉 就 買 呢 三 種 動物 嘅 文具 啦 。 顏色 呢 ？

女 ：我 要 藍色 ！ 咦 ，呢 隻 黃色 都 好 靚 ……

媽 ：藍 加 黃 係 綠 ，綠色 啦 好 冇 ？

女 ：唔好 ，我 要 黃色 ！ 咦 ，媽媽 你 拎 住 嗰 嚿 擦膠

好 白雪 雪 啊 ……

媽 ：你 唔好 諗住 畫 花 嚿 擦膠 呀 ！

畫 公仔 喺 紙 上面 好 喇 ！

女 ：我 知 ！ 擦膠 係 用 嚟 擦走 啲 字 㗎 嘛 ！

媽 ：你 知 就 好 喇 ！ 啲 擦 膠碎 都 唔 好玩 啊 ，知 冇 …… ？

喂 ，鉛筆 你 唔好 揀 咁 長 ，你 隻 手 細 ，

短 啲 易 揸 啲 ……都 係 買 返 啲 筆 蓋 吸 住 啲 筆 好 啲 。

女 ：媽媽 ，啲 筆 有 圓形 有 三角形 ，買 邊 種 好 ？

媽 ：三角形 啦 ，冇 咁 易 碌 落 地 。

女 ：媽媽 ，我 想要 嗰 支 車車 原子筆 。

媽 ：你 仲 細 ，易 寫 錯 字 ，用 鉛筆 先 啦 ！ [9c]買 埋 筆袋 畀 你 喇 ，仲 有 書包 。

女 ：我 要 大個 嘅 。

媽 ：大 嘅 會 好 重 ，揀 個 細 㗎 啦 。

女 ：哦 。

媽 ：唔 好 揀 咁 耐 喇 ，我 哋 一陣 仲 要 買

水壺 、水杯 、毛巾 、 毛巾 盒 、 食物 盒

同埋 你 啲 返學 衫 同 鞋 襪 ……

女 ：哈哈 ！

媽 ：笑 咩 ？

女 ：噉 今日 媽媽 就 會 同 我 去 好耐 街 啦 ！

媽 ：你 個 奀 皮 女 ……