燒 傷
偉俊 ：秋天 BBQ 真 係 好 正 ！
志明 ：我 換 一 換 啲 炭 先 ，大家 小心 呀 。
（志明 夾起 燒 緊 嘅 炭 ，轉身 ，嚿 炭 撞 到 身後 嘅 穎兒 ）
穎兒 ：哎呀 ！ （手背 、手指 紅 咗 ）
志明 ：（立即 放低 炭 ）對唔住 呀 ！ 我 唔 知 你 喺 後面 ，有 冇 事 呀 ？
穎兒 ：好 痛 呀 ！
偉俊 ：你 隻 手 紅 咗 呀 ，可能 燒傷 咗 ，陣間 可能 會 腫 同 起 水泡 。 你 快啲 除咗 隻 戒指 先 ，然後 用 自來水 沖 最少 十分鐘 。
（十分鐘 後 ）
偉俊 ：用 住 保鮮紙 保護 傷口 先 ，唔好 整 穿 啲 水泡 ，如果 好 嚴重 就 要 去 醫院 。
偉俊 ：如果 有人 燒傷 ，儘快 移除 傷口 附近 嘅 物品 ，例如 戒指 、手鐲 、衣服 等 ，如果 衣服 已經 黐 住 咗 喺 傷口 就 唔好 移除 。 然後 立即 用 自來水 沖 最少 十分鐘 ，噉 樣 可以 減少 痛 、腫 同埋 疤痕 ，仲有 唔好 整 穿 水泡 。 最後 用 保鮮紙 或者 繃帶 包住 傷口 。 如果 傷勢 嚴重 就要 打 999 去 醫院 。
