妮妮 同 哥哥 去 主題 樂園 玩

今日 陽光 好 大 ， 爸爸 媽媽 帶 妮妮 同 哥哥 去 主題 樂園 玩 。

妮妮 同 哥哥 一齊 玩 遊船 河 、 摩天輪 ， 同埋 睇 好 刺激 嘅 恐龍 劇場 。

玩 完 之後 ， 妮妮 同 哥哥 都 成 身 汗 喇 。 爸爸 媽媽 帶 咗 佢 哋 一齊 去 餐廳 食 雪糕 。 哥哥 拎 住 杯 雪糕 。 突然 ， 有 個 小朋友 跑 嚟 跑 去 ， 唔 小心 撞 咗 埋去 哥哥 度 。

哥哥 杯 雪糕 跌 咗 落 妮妮 心愛 嘅 公主 裙 度 呀 ！ 嗚嗚 嗚 … 妮妮 條 公主 裙 變 咗 一 撻 撻 啡 色 ， 唔 靚 喇 。

妮妮 不停 喊 。 哥哥 覺得 佢 冇 做 錯 ， 所以 唔 同 妮妮 講 「 對 唔 住 」。 妮妮 決定 以後 唔 同 哥哥 玩 喇 ！

哥哥 同 爸爸 講 要 玩 射 水槍 遊戲 ， 妮妮 就 同 媽媽 講 要 睇 公主 唱歌 表演 。

時間 過 得 好 快 ， 終於 到 咗 夜晚 嘅 煙花 表演 喇 ！ 啲 煙花 圖案 好似 一 朵朵 花 噉 ， 好多 顏色 ， 好 精彩 呀 ！

睇 睇 下 ， 有人 拍 妮妮 個 頭 。 抬頭 一 望 ， 原來 係 爸爸 同 哥哥 呀 ！ 哥哥 拎 住 妮妮 最 鐘意 食 嘅 爆谷 ， 話 要 同 妮妮 分享 。

「 多謝 哥哥 。」 大家 好 開心 噉 一邊 食 爆谷 ， 一邊 睇 燦爛 嘅 煙花 。