海底 世界

今日 天氣 好好 ，藍天 白雲 ，好 適合 出海 ！ 我 同 教練 由 西貢 搭船 出發 ，準備 去 潛水 ！ 我 最 鍾 意 睇 關於 海 嘅 書 ，覺得 海底 世界 一定 好 靚 ，所以 一直 都 想 試下 潛水 。 今 次 終於 有 機會 喇 ，我 好 緊張 ！ 聽講 海 入面 啲 魚 好 靚 ，所以 我 帶 埋 部 防水 相機 ， 諗 住 影 多 啲 靚 相 。

教練 好 仔細 噉 幫 我 檢查 蛙鞋 、面罩 、氧氣 筒 等 裝備 ，確保 全部 冇 問題 之後 ，就 可以 準備 落水 喇 ！ 佢 話 喺 水 入面 大家 都 講 唔 到 嘢 ，所以 一定 要 跟 住 佢 ，唔 好 游 咁 遠 。

教練 數 三 聲 之後 ，我 哋 就 一齊 跳 落 水 。 落水 冇 幾耐 ，我哋 就 見到 好多 魚仔 。 佢 哋 一 條 跟住 一 條 噉 游 ，全部 都 好 可愛 ！

我 哋 越 游 越 深 ，見到 越 嚟 越 多 魚 。 佢 哋 五顏六色 ， 真 係 好 靚 ！ 不過 佢 哋 有 太 多 種類 ，我 都 唔 知 佢 哋 叫 咩 名 。

呢 度 除咗 魚 多 ，仲有 好多 珊瑚 。 而且 啲 珊瑚 就 好似 魚 嘅 屋企 噉 ，好多 魚仔 都 匿 埋 喺 度 。 我 記得 睇 啲 書 話 過 ，魚仔 會 揀 同 自己 顏色 一樣 嘅 珊瑚 匿埋 ，呢啲 就 叫 保護色 。 不過 ，如果 我哋 慢慢 睇 真啲 ，其實 都 可以 揾到 佢哋 。

但 係 望 還 望 ，記得 要 同 啲 魚仔 保持 距離 。 因為 佢 哋 可能 有 毒 ，會 整傷 我 哋 ，所以 唔 好 手 多多 掂 佢 哋 。

咁 多 魚 之中 ，我 最 鍾 意 嘅 就 係 橙 白色 嘅 小丑魚 。 以前 我 睇 電視 見到 佢 哋 ，已經 覺得 好 靚 ！ 今次 我 好好 彩 ，可以 親眼 見到 幾 條 小丑魚 ，所以 即刻 幫 佢哋 影相 。

啱啱 影完 相 ，我 就 見到 有 條 大 魚 食緊 啲 細魚 ！ 再 睇 多 一陣 ，先 知道 大魚 唔 係 想 食 細魚 ，而 係 細魚 幫 緊 大魚 洗牙 ！ 原來 魚 同 人 一樣 ，都 會 互相 幫助 。

我 哋 繼續 游 ，見到 更 多 嘅 魚 同 珊瑚 。 突然 ，有 隻 八爪魚 喺 珊瑚 中間 彈出 嚟 ！ 原來 ，佢 係 伏匿匿 高手 ，成日 匿 埋 嚇 人 一 跳 。

時間 差 唔多 ，我哋 開始 游 返 上 船 。 期間 ，我哋 又 見到 一隻 海龜 。 佢 喺 度 望 嚟 望 去 ，唔 知 揾 緊 啲 咩 呢 ？

突然 ， 一 條 好 大 嘅 魔鬼 魚 好似 飛機 噉 喺 我 頭上 飛快 游過 。 我 即刻 影 多 張 相 ，之後 就 跟 住 教練 游 返 上 水面 。

原來 海 入面 有 好多 好 特別 嘅 魚 ，潛水 真 係 好好玩 啊 ！ 我 好 想 快啲 再 潛水 ，去 睇 多啲 唔 同 嘅 海洋 生物 ！

by黃 嘉俊