波板 糖

每 個 星期一 ，媽媽 會 畀 三十 蚊 小明 。 呢 三十 蚊 係 小明 每 星期 嘅 零用錢 。 小明 好 鍾意 食 波板糖 ，佢 成日 用 佢 啲 零用錢 買 波板糖 。

上 個 星期五 小息 ，小明 又 去 小食部 買 波板糖 。 小食部 有 好多 唔 同 嘅 波板 糖 ， 有 啲 係 圓 嘅 ， 有 啲 係 星星 形 ， 有 啲 好似 粒 波 噉 樣 ， 有 啲 好似 隻 兔仔 或者 貓仔 ， 仲 有 好多 顏色 ， 有 紅色 、 黃色 、 藍色 、 綠色 ……

弊 喇 ！ 原來 小明 已經 用 晒 佢 嗰 三十 蚊 ，佢 買 唔 到 糖 喇 ！ 同班 同學 小玲 ，見到 小明 企 咗 喺 度 ，好 唔 開心 噉 ，於是 決定 買 支 波板 糖 請 小明 食 。 小明 收到 紅色 嘅 波板糖 即刻 開心 晒 。

今個 星期一 ，小明 返到 學校 ，佢 決定 請 返 小玲 食 嘢 。

落堂鐘 響起 ，大家 放 小息 喇 ！ 小明 拉 住 小玲 嚟 到 小食部 ，問 佢 想 食 啲 乜嘢 。 小玲 話 ：「我 想 食 紫色 、心形 嘅 波板糖 。」

於是 小明 排隊 ， 去 到 小食部 個 叔叔 面前 ， 同 叔叔 講 ： 「 唔 該 ， 我 要 支 紫色 、 心形 嘅 波板 糖 ， 另外 要 支 黃色 、 圓形 嘅 波板 糖 。 」

叔叔 答 佢 ：「好 。 一共 十六 蚊 吖 。」

小明 攞 起 兩 支 波板 糖 ， 同時 將 兩 個 十 蚊 銀 畀 咗 叔叔 ， 叔叔 就 找 返 四 蚊 畀 佢 。

望住 支 波板 糖 ， 小明 覺得 佢 睇 落 幾 特別 ， 自言自語 噉 話 ：「 波板 糖 外面 係 個 黃色 嘅 圓形 ， 包住 入面 嗰 個 橙色 嘅 圓形 ， 顏色 都 幾 靚 。」

之後 ，小明 將 支 紫色 嘅 波板糖 畀 咗 小玲 ，自己 就 袋起 小食部 叔叔 找 畀 佢 嘅 四 蚊 。

小玲 問 小明 ：「你 已經 用 咗 十六 蚊 喇 ，之後 仲 有 冇 錢 買 波板糖 ？」

小明 就 答 佢 ：「我 仲 有 十四 蚊 ，可以 再 買 多 一 支 波板糖 ，不過 今 個 禮拜 應該 唔 可以 買 多 支 波板糖 喇 ……」

小玲 諗 咗 諗 ，話 ：「不如 我 哋 分享 吖 ？ 噉 你 咪 可以 食 多 支 波板糖 咯 ？」 於是 小玲 將 波板糖 啪 開 兩 邊 ，分 一半 畀 小明 。 小明 好 開心 ，佢 都 將 自己 嘅 波板糖 啪 開 一半 ，同 小玲 一齊 分享 。 佢 哋 一齊 食 波板糖 ，直到 小息 完 咗 。