制水 嘅 故事

制水 嘅 故事

俗語 話 「 年 廿八 ， 洗 邋遢 」， 為 嘅 就 係 令 屋企 乾淨 企理 ， 開開心心 迎 新年 。 今日 成 家人 都 留 喺 屋企 執屋 ，就 喺 每 個 人 都 忙 住 分工 做 家務 嘅 時候 ，阿妹 喺 廚房 窗台 揾 到 一 個 細細 嘅 生鏽 鐵桶 ，就 問 媽媽 係 咩 嚟 ，使 唔 使 抌 。

阿妹 問 媽媽 ︰ 「 呢 個 係 咩 嚟 㗎 ？ 仲 有 冇 用 㗎 ？」

媽媽 答 ︰ 「 哦 ， 呢 個 係 水桶 嚟 ， 我 好 細個 嗰 陣 攞 過 嚟 裝 水 ， 不過 而家 已經 冇 用 喇 。 」

「點解 要 裝 水 嘅 ？」

「當時 香港 仲未 有 而家 咁 成熟 可靠 嘅 供水 系統 ，家家戶戶 就算 有 水喉 ，一 到 制水 就 冇 水 出 ，要 派 人 落 樓下 攞 水 ，所以 要 用 鐵桶 。」

「個 桶 咁 細 ，裝 到 水 咩 ？」

「裝 到 ，嗰 時 你 公公 屋企 窮 ，大 嘅 水桶 又 太 搶手 ，結果 我 哋 見到 有 咩 桶 就 買 咩 桶 ，包括 而家 呢 個 。」

「咁 少 水 可以 攞 嚟 做 乜 啊 ？」

「唔 好 睇 小 個 桶 咁 細 啊 ，佢 夠 我 哋 煲 幾 日 嘅 水 㗎 啦 ！ 起碼 唔 使 頸渴 冇 水 飲 ！」

「老師 話 一 個 人 一日 要 飲 八 杯 水 ，你 哋 咁 多 人 ，咪 唔 夠 飲 囉 ？

「唯有 就住 就住啦 ，當時 我哋 唔 到 頸渴 都 唔飲水 ，怕 嘥 水 。 不過 好彩 ，我哋 每 次 水車 嚟 都 攞 到 水 ，而且 就算 頸渴 都 可以 食 生果 ，靠 入面 嘅 果汁 頂住 先 。」

「好 聰明 呀 ，我 都 諗 唔 到 。」

「傻女 嚟 嘅 ，當時 我 哋 生活 艱難 ，要 生活 就 要 諗 計仔 。 我哋 嗰 個 年代 ，唔 諗 計仔 就 咩 都 蝕 底 過 人 㗎 喇 。」

「例如 呢 ？」 阿妹 好 想 知 答案 。

「例如 當時 制水 ，有時 兩 日 供 一 次 水 ，有時 四 日 供 一 次 水 ，但 中間 啲 人 都 可能 唔 夠 水 用 ，就 唯有 諗 辦法 揾 多 啲 水 ，譬如 去 附近 山澗 睇 下 有 冇 水 ，或者 喺 天台 撐 起 帆布 嚟 收集 雨水 。」

「好 犀利 啊 。」

「逆境 求生 就 係 噉 㗎 啦 ，媽媽 成長 嗰 個 年代 人人 都 係 噉 ，冇 話 叻 唔 叻 ，你 都 可以 好似 媽媽 噉 咁 叻 。」

「好 ，我 要 好似 媽媽 咁 叻 。」

「嗱 ，呢 個 桶 呢 ，而家 就 唔 會 再 攞 嚟 裝 食水 㗎 喇 ，不過 你 可以 用 佢 裝 半 桶 水喉 水 ，落 少少 清潔劑 ，然後 抹 下 廚房 啲 牆 啦 。」

「好 ！」

我 一路 執屋 ， 一路 靜靜 地 聽 媽媽 同 阿妹 嘅 對話 。 唔 聽 都 唔 知 原來 媽媽 細個 嘅 生活 條件 咁 差 ，亦 開始 明白 媽媽 點解 成日 同 我 哋 講 「你 哋 係 唔 會 明白 媽媽 嗰 個 年代 嘅 生活 苦況 」，真 係 好 慶幸 自己 出生 喺 一 個 比較 好 嘅 年代 。 唔知 如果 自己 出生 喺 媽媽 個 年代 ，我 又 會 唔會 適應 到 同 生存 到 呢 ？