飲茶

我 爸爸 係 一 個 廚師 —— 準確 啲 講 ， 係 點心 師傅 。 我 哋 一 家 住 公屋 ， 佢 就 係 喺 屋 邨 商場 入面 嗰 間 酒樓 返工 ， 我 未 出世 佢 已經 喺 嗰 度 做 ， 到 而家 計計 埋 埋 都 有 廿 幾 年 囉 。 小學 嗰 陣 我 讀 上午 校 ， 媽媽 成日 帶 我 放學 去 酒樓 飲 下午茶 ， 順便 探 爸爸 班 ， 去 到 連 酒樓 經理 都 認得 我 哋 一 家 （ 佢 仲 好 鍾 意 請 我 食 糖 添 ） 。 不過 兩三點 始終 係 酒樓 嘅 黃金 時段 ， 有 好多 人 幫襯 ， 所以 爸爸 多數 都 係 喺 廚房 忙 到 踢 晒 腳 ， 唔 會 次次 得閒 出 嚟 見 我 哋 ， 而 我 哋 都 習慣 晒 。

通常 媽媽 會 帶 我 坐 埋 一 邊 嘅 卡位 ， 然後 問 我 想 食 啲 咩 點心 。 嘩 ，我 想 食 嘅 嘢 就 多 喇 ：燒賣 啦 、蝦餃 啦 、腸粉 啦 ，牛肉 球 啦 ——呢 啲 係 例牌 要 嗌 嘅 ——之後 再 加 一 籠 奶黃包 或者 叉燒包 ；朝早 上 完 體育 堂 嘅 話 ，仲 會 要 多 個 珍珠雞 添 ！

「叫 咁 多 ，你 食 唔 食 得 晒 㗎 ？」

「 係 爸爸 整 嘅 就 食 得 晒 ！ 」 講 係 噉 講 ， 一 個 細路 女 食 得 幾多 ， 所以 我 差 唔 多 次次 都 食 剩 ， 跟 住 就 會 俾 媽媽 話 我 「 嘥 嘢 」 、 「 爸爸 整 點心 好 辛苦 」 、 「 要 珍惜 食物 」 …… 最後 佢 一定 會 同 經理 講 ： 「 唔 好意思 呀 ， 又 要 打包 喇 ！ 」

中學 之後 我 就 好 少 陪 媽媽 去 爸爸 嗰 度 飲茶 喇 。 直到 大學 搬 咗 入 宿舍 ， 識 咗 班 新 朋友 ， 至 意外 發現 原來 大家 都 好 鍾 意 飲茶 —— 次次 大家 落堂 諗 唔 到 去 邊度 食 ， 就 一定 會 有人 提議 ： 「 去 酒樓 飲茶 啦 ！ 」 我 一直 覺得 一 大 班 廿 零 歲 嘅 後生仔 去 飲茶 係 一 件 好 神奇 嘅 事 ：明明 爸爸 嗰 度 淨 係 得 一 大 班 阿伯 阿婆 幫襯 ！

大學 酒樓 嘅 餐牌 豐富 過 啲 屋邨 酒樓 嘅 好多 （當然 價錢 都 高 好多 ），粥 粉 麵 飯 嘅 選擇 都 有 唔 少 ，仲 有 啲 我 細個 冇 食 過 嘅 點心 ，尤其 係 桂花 糕 同 咖啡 糕 呢 類 嘅 甜品 。 人 大 咗 之後 ，我 嘅 胃口 反而 細 咗 。 而家 我 飲茶 通常 只 會 嗌 一兩 籠 燒賣 ，然後 陪 大家 食 下 炒飯 。 另外 一 個 轉變 係 ，我 而家 真 係 好 鍾意 「飲茶 」，特別 係 普洱茶 ，嗰 陣 苦味 細個 唔 識 欣賞 ，大個 就 覺得 別有 一番 風味 ……

兩 個 月 前 我 嚟 到 倫敦 ，開始 我 嘅 留學 生活 。 老實 講 ，有時 都 會 幾 掛住 香港 ，不過 好彩 我 識 到 幾 個 香港 同學 ，可以 一齊 傾 下 偈 、食 下 飯 ，等 大家 唔 使 咁 思鄉 。 我 哋 有 幾 次 仲 試 過 約 埋 一齊 去 附近 嘅 港式 酒樓 飲茶 食 點心 添 ！ 不過 喺 英國 食 香港 嘢 ，味道 真 係 差 一 截 ，有時 仲 有 陣 唔 新鮮 嘅 怪味 ……去 過 咁 多 間 酒樓 ，始終 都 係 爸爸 整 嘅 嘢 最 好食 ！