田忌 賽馬

二千 幾 年 前 嘅 中國 ，有 一 個 齊國 ，國王 齊威王 好 鍾意 賽馬 ，佢 成日 同 佢 嘅 大臣 田忌 比賽 ，而 田忌 次次 都 輸 ，點解 呢 ？

原來 佢 哋 會 將 自己 嘅 馬 分成 三 等 ， 分別 係 上 等 馬 、 中等 馬 ， 同埋 下 等 馬 ， 然後 舉行 三 場 比賽 。 而 齊威王 嘅 上 等 馬 ，次次 都 跑 得 快 過 田忌 嘅 上 等 馬 少 少 ，中等 馬 同 下 等 馬 都 一樣 ，所以 田忌 每 次 都 輸 。 為 咗 唔 好 失 咗 個 氣勢 ，田忌 次次 都 落 重注 [落注 ]，於是 佢 次次 都 輸 好多 錢 。

有 一 日 ，田忌 遇到 一 位 好 聰明 嘅 將軍 ，佢 叫做 孫臏 。 孫臏 話 ：「田忌 ，你 唔使 驚 ，我 有 一個 方法 ，包 你 次次 賽馬 都 贏 ，等 你 唔使 輸 錢 之餘 ，仲 次次 都 會 贏 錢 。」

田忌 唔 明白 ，佢 問 孫臏 ：「你 係 咪 想 揾 人 訓練 我 啲 馬 ？」

孫臏 答 ：「完全 唔 使 訓練 你 啲 馬 。」

田忌 又 問 ：「噉 你 係 咪 想 換走 我 啲 馬 ？」

孫臏 答 ：「一樣 唔 使 ，乜 馬 都 唔 使 換 。」

田忌 好 驚 噉 話 ：「乜 都 唔 做 ，咪 又 係 輸 ！」

孫臏 好 有 自信 噉 答 ：「信 我 啦 ， 跟 住 我 做 ，一定 會 贏 ！」

冇 幾耐 ，又 到 咗 賽馬 日 。 齊威王 非常 之 有 自信 ，佢 望住 田忌 話 ：「呢 次 我 又 嚟 贏 晒 你 啲 錢 喇 ！」 田忌 好 驚 ，唔知 點算 ，而 孫臏 就 自信 十足 噉 企 喺 田忌 隔籬 。

第 一 場 比賽 開始 喇 ！ 孫臏 派 咗 田忌 嘅 下 等 馬 ，去 對戰 齊威王 嘅 上 等 馬 。 第 一 場 比賽 仍然 係 輸 ，田忌 驚 到 面 都 青埋 ，但 係 孫臏 依然 好 有 自信 。

之後 喺 第 二 場 比賽 ，孫臏 派 田忌 嘅 上 等 馬 ，去 對戰 齊威王 嘅 中等 馬 。 雖然 田忌 嘅 上 等 馬 贏 唔 到 齊威王 嘅 上 等 馬 ，但 係 要 贏 佢 嘅 中等 馬 ，真 係 一 啲 難度 都 冇 ——田忌 終於 贏 咗 第 一 場 比賽 ！

最後 係 第 三 場 比賽 ，孫臏 派 田忌 嘅 中等 馬 ，去 對戰 齊威王 嘅 下 等 馬 。 諗 都 唔 使 諗 ，田忌 又 贏 多 場 。 三 場 比賽 ，田忌 贏 咗 兩 場 ，輸 咗 一 場 ：三 盤 兩 勝 ，田忌 終於 贏 咗 齊威王 ！

同樣 都 係 呢啲 馬 ，用 原本 嘅 方法 ，田忌 就 會 輸 ；但 係 調 一 調 出場 次序 ，田忌 就 贏 。 孫臏 係 咪 好 聰明 呢 ？ 呢 個 故事 話 畀 我 哋 聽 ，力 敵 唔 得 嘅 時候 ，就要 智取 ！