塞翁 失馬 ，焉知 非福

從前 ，有 位 老人家 住 喺 好 遠 嘅 地方 ，人人 都 叫 佢 做 塞翁 。 塞翁 性格 樂觀 ，為人 處世 嘅 方法 與眾 不同 。

有 一 日 ，塞翁 屋企 隻 老馬 唔 知 點解 ，放牧 嗰 陣 蕩 失路 ，唔 見 咗 。 過 咗 好多 日 ，佢 哋 都 係 揾 唔 返 隻 馬 。 鄰居 知道 咗 呢 個 消息 之後 ，都 覺得 好 可惜 ，一齊 去 到 塞翁 屋企 安慰 佢 。 不過 塞翁 覺得 無 乜 所謂 ，唔 見 咗 隻 馬 啫 ，無 乜 大不了 。 佢 反而 安慰 大家 ：「我 唔 見 咗 隻 馬 ，當然 係 一 件 壞事 ，但 話 唔 定 會 帶 嚟 好 結果 呢 ？」

鄰居 聽到 塞翁 嘅 說話 ，都 覺得 好笑 。 隻 馬 唔 見 咗 ，明明 係 一 件 壞事 ，但 係 塞翁 就 覺得 係 一 件 好事 ，好 明顯 係 安慰 自己 ，所以 大家 都 無 將 塞翁 嘅 說話 當真 。

過 咗 幾 個 月 ，嗰 隻 蕩失路 嘅 老馬 竟然 跑 返 嚟 ，仲 帶 埋 另 一 隻 馬 ！ 於是 ，鄰居 又 一齊 嚟 向 塞翁 道賀 ，仲 讚 佢 唔 見 馬 嗰 陣 好 有 遠見 。 不過 今 次 塞翁 反而 好 憂心 ：「唉 ，我 無 啦啦 多 咗 隻 馬 ，當然 係 一 件 好事 ， 但 係 話 唔 定 佢 會 帶 嚟 壞 結果 呢 ？」

鄰居 聽到 塞翁 嘅 說話 ，都 覺得 奇怪 ，多 咗 隻 馬 ，可以 係 咩 壞事 呢 ？

塞翁 屋企 無 啦 啦 多 咗 隻 馬 ， 佢 個 仔 非常 開心 ， 於是 成日 騎 住 隻 馬 周圍 走 。 終於 有 一 日 ，個 仔 得意忘形 ，竟然 喺 馬背 上面 跌 咗 落嚟 ，仲 跌 傷 咗 一 隻 腳 ，自此 行 唔 到 路 。 善良 嘅 鄰居 知道 之後 ，即刻 過 嚟 塞翁 屋企 慰問 。 不過 ，塞翁 都 係 講 同 一 句 說話 ：「我 個 仔 跌 斷 隻 腳 ，當然 係 一 件 壞事 ，但 之後 話 唔 定 會 帶 嚟 好 結果 呢 ？」

鄰居 聽到 塞翁 嘅 說話 ，都 覺得 佢 亂 咁 講 嘢 。 大家 都 唔 明白 ，佢 個 仔 跌 斷 咗 隻 腳 ，點 會 係 好事 呢 ？

又 過 咗 一 年 ，敵軍 入侵 塞翁 嘅 國家 ，國家 要 所有 身強力壯 嘅 青年 去 打仗 ，結果 十 個 士兵 有 九 個 陣亡 。 而 塞翁 個 仔 因為 行 唔 到 路 ，唔使 去 打仗 ，兩 父子 至 逃過 呢 場 生離死別 嘅 災難 。

呢 個 故事 已經 流傳 咗 千 幾 二千 年 ，為 嘅 係 要 話 畀 我 哋 知 ，人世間 嘅 好事 同 壞事 唔 係 絕對 嘅 —— 有 啲 時候 ，壞事 會 帶 嚟 好 嘅 結果 ，而 好事 都 會 帶 嚟 壞 嘅 結果 。 凡事 要 睇 兩面 ，唔好 只 著眼 於 一時 嘅 得失 。