錢 係 咩 嚟 㗎 ？

今日 就 係 金仔 生日 喇 ！ 今年 生日 ，爸爸 媽媽 送 咗 一 隻 豬仔 畀 佢 。

呢隻 豬 係 咩 嚟 嘅 呢 ？ 爸爸 媽媽 話 ，呢 隻 唔 係 普通 嘅 豬 ，而 係 一 隻 可以 幫 人 儲錢 嘅 豬仔 ！ 咁 神奇 ？ 原來 ，呢 個 係 一 個 豬仔 錢 罌 。

作為 錢家 嘅 小朋友 ，爸爸 媽媽 一直 都 希望 金仔 可以 早啲 養成 理財 習慣 。 今年 送 呢 個 豬仔 錢 罌 畀 金仔 ，就 係 想 佢 好好 學 儲錢 。

但 對 金仔 嚟 講 ，錢 仲 係 一 樣 好 陌生 嘅 嘢 。

金仔 問 ：「錢 係 咩 嚟 㗎 ？ 錢 食 唔 食得 㗎 ？」

爸爸 媽媽 就 話 ： 「 錢 雖然 唔 食 得 ， 但 係 錢 可以 買 一 啲 食 得 嘅 嘢 。 」

原來 ，平時 金仔 最 鍾意 食 嘅 生菜 ，就 係 媽媽 攞 住 錢 去 街市 買 返 嚟 嘅 。

爸爸 話 畀 金仔 知 ，原來 好 耐 好 耐 以前 ，大家 都 係 靠 換 嘢 嚟 交易 嘅 。 可能 係 用 薯仔 換 生菜 ，又 可能 係 用 蕃茄 換 新衫 ，又 或者 係 用 一 隻 驢仔 換 一 隻 馬 ⋯⋯

但係 噉樣 始終 唔 方便 。 金仔 鍾 意 食 生菜 ，梗 係 願意 用 薯仔 換 生菜 啦 ， 但 係 生菜 嘅 主人 未必 鍾 意 食 薯仔 啊 ！ 要 夾到 可以 換 嘢 嘅 人 ，又 要 換得 公平 ，令 大家 都 滿意 ，實在 唔 容易 。

於是 慢慢 開始 出現 錢 呢樣 嘢 。 大家 都 承認 錢 嘅 價值 ，就 可以 透過 錢 呢樣 工具 同 其他 人 換 嘢 。

交換 嘅 嘢 大大 細細 都 得 。 錢 可以 買 到 金仔 平時 喺 屋企 玩 開 嘅 玩具車 ，又 可以 買 到 馬路 上面 行 緊 嘅 私家車 ；可以 買 到 金仔 房 入 面 嘅 模型 屋 ，又 可以 買 到 錢 家 一 家 三 口 住 緊 嘅 呢 間 屋 。

金仔 又 問 嘞 ：「噉 啲 錢 又 係 點 嚟 㗎 ？」

對 小朋友 嚟 講 ，錢 多數 係 大人 畀 嘅 ，例如 爸爸 媽媽 畀 嘅 零用錢 ，新年 向 親戚 逗 嘅 利 是 錢 等等 ；大人 就 要 做 嘢 嚟 賺錢 ，例如 爸爸 媽媽 要 去 返工 。 所以 爸爸 解釋 返 畀 金仔 聽 ：「我 哋 啲 錢 係 返工 做 嘢 賺 返 嚟 嘅 。 到 你 大個 做 嘢 ，都 會 賺 到 自己 嘅 錢 。」

金仔 又 問 ：「噉 如果 我 將 啲 錢 埋 喺 地下 ，會 唔 會 好似 植物 噉 生 返 多 啲 錢 出 嚟 ？」

爸爸 媽媽 聽到 之後 ，吱 一 聲 笑 咗 出 嚟 ，一齊 話 ：「搖錢樹 咩 ？唔 會 啦 ！」 但 係 媽媽 補充 咗 一 句 ： 「不過 錢 係 有 其他 方法 可以 越 儲 越 多 嘅 ！」

媽媽 話 ， 小朋友 想 儲 錢 嘅 話 ， 除 咗 可以 將 錢 放入 豬仔 錢 罌 之外 ， 仲 可以 放 喺 其他 地方 ， 例如 銀行 。

如果 金仔 將 錢 放入 銀行 ，一 段 時間 之後 ，銀行 就 會 畀 返 少 少 錢 金仔 ，呢 啲 錢 就 叫做 「利息 」。 如果 啲 錢 唔 攞 走 ， 利息 就 會 加 埋 一齊 滾 啊 滾 ， 滾 啊 滾 ， 變 得 越 嚟 越 多 。

只要 慢慢 儲 ， 慢慢 儲 ， 金仔 嘅 錢 就 會 越 儲 越 多 。 到 時 ， 金仔 就 可以 買 到 自己 想 要 嘅 嘢 ， 例如 零食 、 香蕉 、 蘋果 、 文具 ， 甚至 新 電腦 、 新 電腦檯 、 新 電腦 櫈 ——

呢 個 時候 ，爸爸 中途 補充 一 句 ：「係 呀 金仔 ，而且 錢 仲 可以 係 一 種 保障 ……」

爸爸 提起 最近 入 咗 醫院 嘅 嫲嫲 。 爸爸 話 ，嫲嫲 年紀 大 ，機器 壞 ，身體 有 唔少 毛病 都 要 醫 ，呢 個 時候 就 要 用到 錢 。 如果 冇 錢 ， 或者 唔 夠 錢 ，嫲嫲 就 得 唔 到 應有 嘅 治療 。 爸爸 望到 金仔 架 玩具車 ，諗起 上個月 自己 架 私家車 壞 咗 要 揾 人 整 ，就 繼續 話 ：

「車 壞 咗 要 畀 錢 維修 ，人 病 咗 都 係 一樣 ！」

講 到 呢 度 ，金仔 雖然 冇 可能 完全 明 晒 ，但 都 開始 有 少 少 明白 ，錢 究竟 係 一樣 點樣 嘅 嘢 。

錢 係 咩 嚟 ？ 錢 係 工具 ， 一 種 可以 用 嚟 換 嘢 嘅 工具 ； 錢 係 可能性 ， 只要 有 錢 ， 就 會 多 好多 選擇 ； 錢 仲 係 一 種 保障 ， 萬一 發生 咩 突發 事 ， 有錢 都 可以 幫 到 手 ⋯⋯

諗 到 呢 度 ，金仔 決定 要 開始 佢 嘅 儲錢 大計 ！ 佢 將 一 張 廿 蚊紙 放入 豬仔 錢 罌 ，打算 每 月 儲 廿 蚊 ，每 五 個 月 儲 夠 一百 蚊 就 可以 捐 一 次 錢 畀 慈善 機構 ，邊 學 理財 邊 做 善事 ，何樂 而 不 為 ？