杞人憂天 ・ 杯弓蛇影

杞人憂天 ． 杯弓蛇影

喺 好 耐 好 耐 之前 ， 有 一 個 國家 ， 叫做 杞國 。 杞國 有 一 個 人 ， 佢 好 細膽 ， 仲 成日 亂 諗 嘢 。 有 一 日 ， 佢 忽然間 諗 到 ， 如果 天空 冧 落 嚟 ， 點算 好 ？ 佢 驚 到 瞓 唔 著 。 之後 ， 佢 忽然 又 諗 到 ， 如果 大地 冧 咗 落 去 ， 點算 好 ？ 佢 驚 到 食 唔 落 飯 。

佢 好 幾 個 月 食 唔 安 ， 瞓 唔 落 ， 搞 到 個 人 瘦 咗 好多 ， 親戚 朋友 見 到 都 好 擔心 。

之後 有 一 位 智者 去 咗 揾 呢 個 杞國 人 ， 同 佢 講 ：「 天空 係 由 空氣 所 組成 ， 呢 個 世界 到處 都 有 空氣 。 人類 要 生存 ， 日日 都 要 呼吸 。 人類 日日 喺 空氣 之中 活動 ， 唔 係 一 件 好 平常 嘅 事 咩 ？ 你 使 乜 驚 個 天 會 冧 落 嚟 ？」

杞國 人 聽 咗 之後 ， 覺得 好 有 道理 ， 稍為 安心 咗 少 少 。 但 係 佢 又 即刻 諗 到 另 一 個 問題 。 佢 問 ：「 噉 天 上面 嘅 太陽 、 月亮 、 星星 ， 佢 哋 唔 會 跌 落 嚟 咩 ？」

智者 答 ：「 計 我 話 ， 天 上面 嘅 太陽 、 月亮 、 星星 ， 呢 啲 通通 都 係 氣體 ， 氣體 又 點 會 跌 落 嚟 呢 ？」

佢 話 ：「 噉 我 都 安心 啲 。」 但 係 佢 又 即刻 擔心 其他 嘢 ：「 如果 大地 冧 咗 落 去 ， 噉 又 點算 好 ？」

智者 話 ：「 大地 基本 係 由 泥土 所 組成 ， 呢 個 世界 周圍 都 係 泥土 。 人類 要 生活 ， 日日 都 要 行路 。 人類 日日 喺 泥土 上面 活動 ， 唔 係 一 件 好 平常 嘅 事 咩 ？ 你 使 乜 驚 個 地 會 冧 落 去 ？」

智者 答 完 之後 ， 佢 先 明白 自己 嘅 擔心 實在 係 多餘 ， 即刻 開心 到 笑 出 嚟 ！ 之後 佢 有 返 胃口 食 嘢 ， 夜晚 瞓覺 都 冇 再 失眠 。

話 說 又 有 一 個 主人家 開 party ， 準備 咗 豐盛 嘅 晚餐 同埋 美酒 。 當中 有 位 客人 特別 細膽 ， 見到 杯 入面 有 一 條 蛇 ， 就 好 驚 ， 唔 敢 飲 。 但 係 主人家 特登 準備 咗 咁 多 靚酒 佳餚 ， 咁 有 誠意 ， 客人 唔 敢 唔 飲 呢 杯 酒 ， 於是 就 唂 一 聲 吞 咗 杯 酒 落 肚 。

客人 返 到 自己 屋企 ， 當日 就 覺得 肚 好 痛 ， 又 食 唔 落 飯 。 主人家 見 佢 病 咗 ， 就 去 探 佢 ， 睇 下 佢 做 咩 病 咗 。 客人 喊 住 話 ： 「 我 食 你 餐 飯 嗰 陣 ， 有 條 蛇 入 咗 我 個 杯 ， 但 係 我 有理 冇 理 一 啖 飲 晒 杯 酒 ！ 而家 條 蛇 肯定 捐 咗 入 我 個 胃 ， 我 就 嚟 病死 喇 ！」

主人家 安慰 咗 佢 一陣 ， 就 返到 自己 屋企 。 佢 諗 咗 好 耐 ： 自己 住 咗 咁 耐 ， 都 未 見 過 有 蛇 ， 冇 理由 有 條 蛇 走 入去 杯 酒 度 㗎 ？ 之後 佢 抬頭 一 望 ， 見到 自己 收藏 嘅 弓 —— 佢 突然 明白 晒 ！ 客人 杯 酒 入面 條 蛇 ， 其實 係 把 弓 嘅 倒影 。 主人家 即刻 同 客人 講 返 件 事 ， 客人 聽 到 ， 即刻 就 病 好 喇 ， 仲 可以 落 床 食飯 添 ！

所以 小朋友 ， 唔 好 成日 自己 嚇 自己 ， 話 唔 定 你 而家 驚緊 嘅 嘢 ， 大個 咗 就 發現 其實 一 啲 都 唔 恐怖 呢 ！

（ 根據 《 莊子 ． 漁父 》 同埋 《 風俗 通義 ． 怪神 》 改寫 ）