婆婆 今年 幾 歲 ?

喺 一 個 休閒 嘅 周末 ，大部分 都市 人 仲 瞓 緊 嗰 陣 ，有 兩 個 人 好 早 已經 起 咗 身 同 陽光 玩 遊戲 ，佢 哋 就 係 Putta 同 Putti 。 佢 哋 知道 今日 係 婆婆 生日 ，於是 準備 咗 蛋糕 同 佢 慶祝 。 個 蛋糕 雖然 好 靚 ，但 就 係 少 咗 啲 嘢 ——冇 錯 ，就 係 蠟燭 ！ 但 究竟 要 插 幾多 枝 蠟燭 至 啱 呢 ？ 似乎 冇 人 知道 婆婆 幾多 歲 喎 ……

佢 哋 去 到 婆婆 屋企 ，婆婆 坐 喺 藤椅 上面 享受 緊 窗 外面 照 入 嚟 嘅 陽光 。 Putta 同 Putti 一 見到 婆婆 ，就 衝埋 去 同 佢 講 生日 快樂 。

Putta ：「婆婆 ，你 今年 到底 幾多 歲 呀 ？」

婆婆 諗 咗 一陣 ，然後 慢吞吞 噉 回答 ：「幾 歲 ……唔 記得 喇 。」

Putti ：「婆婆 ，你 點 可以 連 自己 幾 歲 都 唔 記得 㗎 ？ 你 噉 樣 以後 點 食 生日 蛋糕 ？」

婆婆 聽 完 笑 咗 笑 ，之後 回應 ：「幾多 歲 真 係 咁 重要 咩 ？」

Putta 同 Putti 異口 同聲 噉 答 ：「梗 係 重要 啦 ！」

婆婆 見 佢 兩 個 咁 緊張 ，就 好 努力 噉 諗 下 自己 到底 幾多 歲 ，不過 都 係 記 唔 起 。 然後 ，佢 摸 咗 摸 兩 個 乖 孫 個 頭 ，話 ：「我 真 係 唔 記得 喇 ，不過 印象 中 ，我 五 歲 嗰 年 咁 啱 就 係 英 女皇 到訪 印度 嘅 大 日子 。」

Putta 同 Putti 聽到 之後 非常 高興 ，因為 呢個 重要 線索 可以 幫 佢哋 揾返 婆婆 嘅 真實 年齡 ！ 佢 哋 即刻 二話 不說 衝 去 圖書館 ，開始 喺 書架 度 揾 舊 報紙 。 佢 哋 好 快 就 查出 英 女皇 係 喺 1997 年 去過 印度 。

P utta ：「1997 …… 今年 係 2021 年 ……我 計到 喇 ，婆婆 今年 29 歲 ——」

P utti 聽 完 即刻 大笑 出 聲 ，話 ：「傻瓜 ，如果 婆婆 今年 29 歲 ，噉 佢 咪 同 隔籬屋 個 哥哥 同 年 ？」

Putta ：「冇 理由 㗎 ，唔通 婆婆 呃 我 哋 ？」

Putti ：「婆婆 唔係 呃 我 哋 ，佢 係 冇 記性 呀 ！ 我 哋 返去 再 問 下 佢 ！」

於是 ，佢 兩 個 又 跑 返 婆婆 間 屋 度 問 婆婆 。

婆婆 見到 佢 兩 個 跑 嚟 跑 去 ，就 問 ：「點 呀 ？ 知道 我 幾多 歲 未 ？」

Putta 同 Putti 你 眼望 我 眼 ，唔 知 點 答 好 。 婆婆 見 佢 兩 個 噉 嘅 反應 ，就 知道 佢 哋 揾 唔 到 答案 ，於是 笑 到 咔 咔聲 。 P utti 見 婆婆 根本 冇 在乎 過 自己 幾多 歲 ，就 有 啲 嬲 噉 同 婆婆 抱怨 ：「婆婆 ，你 唔 想 知道 自己 幾多 歲 咩 ？ 點解 你 可以 一 啲 都 唔 關心 㗎 ？」

Putta 都 開始 附和 ：「係 囉 ！ 如果 我 生日 少 噉 枝 蠟燭 ，一定 勁 唔 開心 。」

婆婆 見 佢 兩 個 咁 著緊 ，反而 笑 得 仲 開心 ，話 ：「點解 你 哋 咁 在乎 我 個 年齡 呢 ？」

Putta 同 Putti 又 開始 四 目 交投 ，然後 異口同聲 噉 話 ：「因為 我 哋 想 幫 你 插 生日 蠟燭 ……」

婆婆 ：「點解 生日 就 一定 要 插 返 同 自己 歲數 一樣 嘅 蠟燭 ？ 生日 嘅 重點 係 蠟燭 咩 ？」

佢 兩 個 諗 咗 一陣 ，就 答 ：「生日 嘅 重點 就 梗 係 婆婆 啦 ！」

婆婆 露出 欣慰 嘅 笑容 ，繼續 講 ：「對 婆婆 嚟 講 ，生日 嘅 重點 唔 係 我 ，而 係 同 邊個 過 ，同埋 有 冇 人 在乎 。 所以 你 哋 插 幾多 枝 蠟燭 都 唔 緊要 ，最 緊要 係 每 一 年 都 有 你 兩 個 陪 我 。」

Putta 同 Putti 聽 完 之後 ，先 發現 自己 捉 錯 用 神 。 既然 對 佢 哋 嚟 講 ，生日 嘅 重點 係 婆婆 ，噉 梗 係 婆婆 開心 最 緊要 啦 ！

呢 個 時候 ，外面 有人 敲門 ，原來 係 媽媽 同 鄰居 查 里 婆婆 。 有 咁 多 人 同 婆婆 慶祝 ，呢 個 生日 一定 令 佢 好 難忘 ！