盤古 開天闢地 ． 女媧 造 人

我 係 一 個 充滿 好奇心 嘅 細路 ， 而 我 最 鍾 意 上 嘅 堂 ， 就 係 中文 堂 ， 因為 中 文科 陳 sir 講 故事 好 好聽 。

今日 最尾 嗰 堂 係 中文 ， 我 望住 課室 後面 嘅 世界 地圖 ， 問 陳 sir ：「 呢 個 世界 係 點 嚟 㗎 ， 呢 個 地球 又 係 點 嚟 㗎 ？ 」 陳 sir 話 ：「 呢 位 同學 問 得 好 ！ 趁 而家 得閒 ， 仲 有 十五 分鐘 先 落堂 ， 我 用 少 少 時間 同 大家 解釋 下 啦 。」

陳 sir 開始 講解 ： 「 傳說 喺 好 耐 好 耐 之前 ， 仲未 有 而家 嘅 人類 ， 仲未 有 地球 ， 仲未 有 宇宙 嘅 時候 ， 世界 就 好似 雞蛋 蛋白 咁 混濁 ， 而且 咩 都 冇 ， 除 咗 喺 呢 個 空間 中間 瞓 咗 嘅 一 個 巨人 之外 —— 佢 叫做 盤古 。 」

我 好 心急 噉 追問 ：「 之後 呢 ？ 呢 個 巨人 會 做 啲 咩 㗎 ？ 」

陳 sir 繼續 講解 ：「 呢 位 同學 唔 好 心急 ， 慢慢 聽 我 講 。 盤古 非常 大力 。 佢 有 一 把 好 巨型 嘅 斧頭 ， 佢 用力 一 揮 ， 輕 嘅 物質 就 開始 慢慢 上升 ， 形成 空氣 ； 重 嘅 物質 就 慢慢 下降 ， 形成 陸地 —— 呢 個 就 係 天地 嘅 由來 。 」

我 仲 有 問題 ：「 噉 太陽 月亮 ， 仲有 森林 河流 ， 佢 哋 又 係 點 嚟 嘅 呢 ？」

陳 sir 飲 咗 啖 水 ， 繼續 話 ：「 天地 形成 之後 ， 又 過 咗 九千 九百九十九 年 ， 盤古 先至 老死 。 盤古 死 咗 之後 ， 佢 嘅 身體 慢慢 產生 變化 。

盤古 嘅 頭 同埋 手腳 變成 高山 ， 右眼 變成 太陽 ， 左眼 變成 月亮 ， 頭髮 變成 星星 ， 血液 變成 河流 、 大海 ， 毛髮 變成 花草 樹木 ， 肌肉 變成 農田 ， 骨頭 變成 珍珠 、 寶石 ， 牙齒 變成 金屬 、 石頭 。

佢 流 過 嘅 眼淚 變成 雨水 ， 呼 出 過 嘅 空氣 變成 風 同埋 雲 ， 說話 嘅 聲音 變成 雷電 ， 開心 嘅 情緒 變成 晴天 ， 悲傷 嘅 情緒 變成 陰天 ……」

「 鈴鈴鈴 ……」 落堂 鐘聲 響起 。 雖然 我 聽 得 好 開心 ， 但 係 我 心 入面 仲 有 一 個 問題 ……

媽媽 嚟 咗 接 我 放學 ， 我 一路 拖 住 媽媽 隻 手 ， 一路 問 媽媽 ： 「 今日 上 中文 堂 ， 陳 sir 講 咗 盤古 嘅 故事 ， 但 係 佢 未 講 到 人 係 點 嚟 。 媽媽 ， 人 係 點 嚟 㗎 ？」

媽媽 一路 拖 住 我 隻 手 ， 一路 話 ：「 相傳 盤古 死 咗 好多 年 之後 ， 出現 咗 一 個 女神 ， 叫做 女媧 。 佢 嘅 外型 好 特別 ， 佢 有 人 嘅 頭 、 蛇 嘅 身 。

女媧 見到 天空 有 太陽 月亮 ， 陸地 有 花草 樹木 ， 但 就 係 冇 人類 ， 感覺 有 啲 寂寞 。 女媧 望 住 一 地 泥土 ， 突然 諗 到 一 個 計仔 。 佢 拎 起 啲 泥土 搓 嚟 搓 去 ， 終於 搓 成 一 個 人形 公仔 。 呢 個 時候 ， 人形 公仔 有 咗 生命 ， 望 住 女媧 『 媽媽 、 媽媽 』 噉 叫 。 女媧 覺得 佢 好 可愛 ， 於是 再 努力 搓 咗 好多 個 人形 公仔 ， 但 係 速度 始終 唔 夠 快 。

於是 女媧 又 諗 到 ， 將 泥土 放 喺 水 入面 ， 變成 泥漿 。 女媧 揾 嚟 一 條 繩 ， 佢 將 條 繩 放 喺 泥漿 入面 ， 舉起 條 繩 一 揈 ！ 泥漿 灑落 地面 ， 變成 一 個 個人 。 呢 個 就 係 人類 嘅 起源 喇 。」

至於 泥土 點解 會 有 生命 ， 仲 變成 人 ？ 我 唔 知道 ， 我 淨 係 知道 媽媽 講 嘅 故事 好 好聽 ， 又 諗 起 係 媽媽 十月 懷胎 將 我 帶 到 嚟 呢 個 世界 ， 就 忍 唔 住 上前 攬 住 佢 ……