嘉嘉 嘅 紫色 朋友
由細到 大 ， 嘉嘉 都 好 鍾 意 呢 個 世界 。 雖然 對 佢 嚟 講 ， 所謂 嘅 世界 就 只 有 佢 生活 緊 嘅 呢 一 條 村 ； 而 所謂 嘅 由細到 大 ， 講 緊 嘅 都 只 係 短短 七 年 啫 。
嘉嘉 好 熟悉 呢 條 村 入面 嘅 所有 嘢 ， 例如 野豬 、 水牛 、 貓仔 同 狗 ， 亦 都 熟悉 幾乎 日日 都 撞口 撞面 嘅 村民 。
所有 村民 都 對 嘉嘉 好好 ， 村 入面 嘅 動物 ， 無論 大大 細細 ， 識 飛 定 唔 識 飛 ， 都 當 嘉嘉 係 最 好 嘅 朋友 ， 而 嘉嘉 亦 都 一樣 對 大家 咁 好 。
一 得閒 ， 嘉嘉 就 會 走入 森林 同 唔 同 嘅 小 動物 玩 。 森林 入面 有 好多 唔 同 嘅 顏色 ， 例如 紅葉 嘅 紅色 ， 枯枝 嘅 黃色 ， 草地 嘅 綠色 ， 池塘 嘅 藍色 ， 但 佢 從來 未 見 過 紫色 。
唔 知 點解 ， 今日 同 平時 有 啲 唔 同 ， 嘉嘉 喺 森林 入面 見 到 一 棵 好 大 嘅 紫色 樹 。 正當 嘉嘉 一邊 行 近 ， 一邊 喺 度 諗 緊 自己 係 唔 係 發現 新 品種 植物 嘅 時候 ， 嗰 棵 樹 竟然 識 郁 ， 仲 好 大 動作 添 ！
原來 呢 一 大 片 紫色 唔 係 樹 嚟 ， 而 係 一 隻 超 巨型 嘅 紫色 雀 仔 ！
嘉嘉 從來 未 見過 咁 大隻 嘅 雀 仔 ， 仲要 係 紫色 嘅 ， 就 更加 冇 見過 ！ 嘉嘉 嚇 一 跳 ， 一 個 唔 小心 差錯 腳 ， 跌 咗 落 池塘 ！
隻 紫色 雀 仔 笑 住 噉 行 埋 嚟 ， 仲 伸 條 頸 出 嚟 想 用 個 啄 擔 返 嘉嘉 上 水面 。
嘉嘉 以為 紫色 雀 仔 想 食 咗 自己 ， 於是 嗱嗱 聲 游 返 上 池塘 邊 。 上 到 岸 ， 見到 隻 雀 仔 仲 係 烏 低 頭 望 住 自己 ， 嘉嘉 又 嗱嗱 臨 跑 返 屋企 ， 將 件 事 話 咗 畀 爸爸 聽 。
爸爸 一 聽到 就 好 嬲 ， 以為 有 怪獸 入侵 咗 條 村 ！ 於是 佢 召集 村民 ， 擸 齊 架生 ， 決定 今晚 就 去 趕 隻 紫色 雀 仔 出 村 。
見到 件 事 搞 到 咁 大陣 仗 ， 嘉嘉 至 開始 仔細 諗 返 成 件 事 ， 漸漸 覺得 有 啲 唔 對 路 —— 其實 隻 紫色 雀 仔 由頭 到 尾 都 冇 傷害 過 佢 ， 係 佢 自己 差錯 腳 跌 咗 落 池塘 ， 之後 紫色 雀 仔 都 有 嘗試 救 佢 ， 點解 自己 會 一口咬定 佢 係 壞 動物 呢 ？
呢 一刻 ， 嘉嘉 覺得 好 後悔 ， 佢 決定 要 幫 隻 紫色 雀 仔 。
於是 嘉嘉 周圍 去 說服 啲 大人 ， 仲 揾 咗 成 班 動物 朋友 幫手 ， 希望 可以 證明 隻 紫色 雀 仔 係 冇 惡意 嘅 。 喺 嘉嘉 同 其他 動物 嘅 共同 努力 下 ， 村民 終於 同意 同 隻 紫色 雀 仔 溝通 。
紫色 雀 仔 話 ， 佢 啲 朋友 全部 都 叫 佢 做 阿紫 。 聽 阿紫 講 ， 原來 呢 個 世界 仲 有 好多 唔 同 顏色 嘅 雀 仔 ， 阿紫 同 佢 哋 都 有 一 個 好 重要 嘅 任務 ， 就 係 要 將 色彩 帶 到 去 世界 唔 同 角落 。
阿紫 一邊 講 ， 一邊 輕拍 佢 對 翼 ， 然後 就 有 好多 細細 粒 嘅 嘢 隨 風 四散 。 阿紫 話 ， 佢 今 次 嘅 任務 係 要 將 紫色 帶 嚟 嘉嘉 呢 條 村 ， 嗰 啲 細細 粒 四圍 飄 嘅 嘢 ， 就 係 提子 嘅 種子 。 呢 啲 種子 長大 之後 ， 會 變成 一 種 紫色 嘅 水果 ， 細細 粒 、 圓 碌碌 、 一 串串 、 好 甜 好 好味 嘅 。
阿紫 又 話 ， 佢 同 其他 彩色 雀 仔 嘅 毛色 都 係 天生 嘅 ， 就 好似 人類 一樣 ， 會 有 唔 同 嘅 膚色 。 無論 對方 係 咩 顏色 ， 最 緊要 係 要 知道 佢 所 做 嘅 事 啱 唔 啱 ； 唔 可以 因為 對方 嘅 顏色 同 自己 唔 同 ， 就 認定 對方 一定 係 壞 動物 ……
經過 今 次 之後 ， 嘉嘉 學 識 用 愛 同 開放 嘅 心 去 面對 新 相識 嘅 朋友 ， 唔 會 再 好似 今 次 噉 誤會 人 哋 。
好彩 阿紫 冇 介意 俾 人 誤會 呢 件 事 ， 仲 同 嘉嘉 做 咗 好 朋友 ！ 喺 阿紫 離開 呢 條 村 之前 ， 佢 同 嘉嘉 度過 咗 唔 少 快樂 嘅 時光 。
喺 不久 嘅 將來 ， 呢 條 村 嘅 森林 就 會 多 咗 一 片 紫色 嘅 植物 。 唔 知 遲 啲 會 唔 會 又 有 其他 顏色 嘅 雀 仔 嚟 到 呢 條 村 ， 為 大家 帶 嚟 新 色彩 呢 ？
