飛

「 好 嘢 ！ 全部 高樓大廈 都 喺 我 下面 啊 ！」

我 揸 住 飛機 ， 飛 得 好 高 。 我 由 香港 飛 去 唔 同 嘅 國家 ， 飛機 速度 好 快 ， 唔 使 幾耐 就 環繞 世界 一 周 喇 ！ 而家 巴黎 鐵塔 就 喺 我 下面 ， 我 諗 緊 到底 之後 去 邊度 好 呢 ？

「 叮 － 叮 － 叮 － 」

突然 響起 一 陣 好 嘈 嘅 聲音 ， 係 咩 聲 嚟 ？ 唔 通 飛機 出現 問題 ？ 如果 係 就 大 鑊 啦 ， 我 要 緊急 降落 ！

「 叮 － 叮 － 叮 － 」

聲音 越 嚟 越 大 ， 而且 越 嚟 越 快 ， 搞 到 我 好 緊張 ——

我 擘大眼 ， 原來 啱 啱 係 發夢 。 我 嘅 飛機 夢 發 咗 好多 年 ， 因為 我 嘅 夢想 就 係 成為 飛機 師 。 每當 我 諗 起 家姐 話 ， 飛機 師 可以 揸 飛機 周圍 去 ， 又 可以 同 靚靚 空姐 做 同事 ， 我 就 好 想 做 飛機 師 ！ 之前 每 次 瞓 醒 ， 發現 自己 只 係 發夢 ， 我 都 會 有 啲 失望 。 不過 今 次 我 完全 冇 失望 ， 仲 好 興奮 ！ 因為 今日 係 一 個 好 重要 嘅 日子 ！

今日 係 我 第 一 次 搭 飛機 嘅 日子 ！ 雖然 我 仲未 做 到 飛機 師 ， 不過 有 得 搭 飛機 我 都 好 開心 ！ 希望 可以 坐 到 窗邊 位 啦 ， 噉 我 就 可以 望 到 天空 嘅 風景 。

媽媽 帶 我 嚟 到 香港 國際 機場 ， 呢 度 好 大 好靚 好多 人 。 有 啲 人 好 開心 噉 接機 ， 有 啲 人 就 喊住 噉 送機 。 我 問 媽媽 ， 點解 啲 人 會 喊 。 媽媽 話 因為 佢 哋 要 同 至親 好友 分別 ， 冇 得 成日 見 到 對方 ， 唔 捨得 所以 喊 。 媽媽 拖 住 我 隻 手 ， 望 住 一 架 啱 啱 起飛 嘅 飛機 。 佢 話 佢 當年 就 係 噉 樣 目送 朋友 飛 走 ， 佢 好 掛住 啲 朋友 。 而家 佢 一 有 機會 就 會 飛 去 揾 佢 哋 。

喺 候機室 等 咗 好 耐 ， 我 哋 終於 可以 上機 喇 ！ 我 好 開心 ， 好 想 快 啲 知道 自己 坐 咩 位 ！

媽媽 望 咗 望 登機 證 上面 嘅 座位 編號 ， 就 帶 我 揾 位 ， 點知 最後 真 係 畀 我 坐 到 窗邊 位 ！ 再 過 多 一陣 ，飛機 終於 起飛 。 我 望住 出面 嘅 嘢 變得 越 嚟 越 細 ， 最後 得 返 藍天白雲 。 然後 ， 我 聽到 一 把 熟悉 嘅 聲音 ——

「 各位 旅客 大家 好 ， 呢 個 係 嚟 自 機長 嘅 廣播 ……」

我 望住 媽媽 ， 媽媽 亦 都 笑 住 噉 望 我 。

「 驚 唔 驚喜 ？ 意 唔 意外 ？ 係 你 家姐 啊 ！ 」

我 竟然 第 一 次 搭 飛機 就 坐 到 家姐 做 機長 嘅 航班 ！ 媽媽 成日 同 我 講 ， 家姐 係 點樣 成為 一位 飛機 師 ， 我 一直 都 覺得 佢 好 叻 ！

話 說 家姐 細個 嘅 時候 ， 就 已經 成日 拎 住 紙 飛機 ， 話 自己 係 機長 。

佢 會 睇 好多 關於 飛機 嘅 書 ， 了解 飛機 歷史 ， 又 學 整 模型 飛機 。

後來 佢 仲 報讀 埋 飛行 學院 。 佢 好 努力 ， 用 好多 時間 學習 ， 目標 只 有 一 個 － 成為 女 飛機 師 ！

最後 ， 佢 夢想 成 真 ！ 佢 成日 將 機上 嘅 趣事 話 我 知 ， 影響 到 我 都 好 想 好似 佢 噉 ， 成為 一 個 飛機 師 。 今日 都 係 佢 第 一 次 載 我 同 媽媽 起飛 ， 唔 知 佢 呢 刻 嘅 心情 係 點 嘅 呢 ？ 我 相信 有朝一日 ， 我 會 同 家姐 一齊 坐 喺 機長 室 ， 一齊 起飛 ！