愛 的 風箏

又 一 個 充滿 生氣 嘅 朝早 ，温暖 嘅 陽光 照射 住 Raju 同 Riya 嘅 屋企 。 Raju 好 興奮 噉 同 Riya 講 ：「 Riya 早晨 ！ 今日 天氣 真 係 好好 啊 ， 不如 我 哋 打開 窗簾 睇 下 風景 吖 ？」 Riya 毫不猶豫 噉 答 ：「 好 呀 ！ 好 呀 ！」 於是 R aju 嗱嗱 聲 打開 窗簾 。 Riya 慢慢 行 到 去 窗前 ， 陽光 照 住 Riya， 佢 覺得 好 温暖 、 好 舒服 。

Riya 抬起 頭 ， 望住 天空 啲 雲 講 ：「 Raju 你 睇 ， 嗰 嚿 雲 係 咪 好似 媽媽 呀 ？ 佢 好似 企 喺 度 望 住 我 哋 噉 。 我 真 係 好 掛住 媽媽 啊 ……」 R aju 冇 出 聲 ， 只 係 點點 頭 回應 。

原來 幾 個 月 前 ， Raju 同 Riya 嘅 媽媽 因為 患病 ， 已經 去 咗 天堂 。 而 佢 哋 嘅 爸爸 係 一 個 工作狂 ， 好多 時 都 唔 喺 屋企 ， 只 係 得 返 嫲嫲 照顧 佢 哋 ， 所以 好多 時候 ， Raju 同 Riya 都 覺得 好 寂寞 。

突然 ， Raju 靈機 一觸 ，話 ：「係 喇 Riya ，我 記得 媽媽 講 過 ，風箏 可以 將 訊息 帶 俾 天堂 嘅 人 ，不如 我哋 又 試 下 吖 ？」 Riya 即刻 話 ：「 好 喎 ！ 嚟 啦 喂 ！ 首先 我 哋 要 去 買 風箏 ……」

於是 ， Raju 同 Riya 即刻 雞 噉 腳 去 陳 師奶 屋企 揾 嫲嫲 ， 佢 哋 一路 跑 一路 大叫 ：「嫲嫲 ！嫲嫲 ！」 「 哎 吔 ， 你 兩個 鬼 殺 咁 嘈 做 咩 事 啊 ？ 嘈 住 我 打 麻雀 ……」嫲嫲 見 Riya 同 Raju 跑 到 嗍 晒 氣 ， 忍 唔 住 問 。

Raju 就 話 ：「嫲嫲 ， 我 哋 想 買 風箏 ， 我 哋 想 話 俾 媽媽 知 我 哋 好 掛住 佢 啊 ， 可 唔 可以 俾 錢 我 哋 買 風箏 ？ 唔 該 你 吖 ！」 嫲嫲 反 晒 白眼 噉 話 ：「 呢 啲 嘢 都 好 信 嘅 ？ 唔 好 嘥 錢 啦 ！」 Raju 同 Riya 都 冇 晒 心機 ， 頭耷耷 噉 行 返 屋企 。 「 噉 我 哋 而家 點算 好 ？」 Riya 眼濕濕 想 喊 噉 款 。 Raju 就 話 ：「 我 哋 加加 埋 埋 啲 零用錢 可能 夠 錢 買 呢 ？

於是 ， 佢 哋 拎 晒 豬仔 錢 罌 啲 錢 出 嚟 ， 但 數 嚟 數去 都 係 得 雞碎 咁 多 ， 唔 夠 錢 買 一 隻 風箏 。 房 入面 嘅 氣氛 突然 變 得 好 沉重 ……

「 冇 問題 嘅 ， 唔 夠 錢 買 ， 可以 自己 整 嘅 啫 ！」 Riya 打 起 精神 。

Raju 問 ：「 乜 你 識 整 咩 ？」

Riya 答 ：「 唔 識 咪 學 囉 ！ 只要 我 哋 一齊 整 ， 冇 嘢 難 到 我 哋 嘅 ！」

於是 ， Raju 同 Riya 一齊 夾手 夾腳 揾 資料 學 整 風箏 ， 又 揾 嚟 一 堆 廢紙 ， 再 另外 買 咗 一 啲 平平 哋 嘅 顏色 紙 、 尼龍 線 同 膠紙 。 終於 可以 開始 整 喇 ！

Raju 同 Riya 都 好 俾 心機 去 整 —— 佢 哋 一心 只 係 想 整 好 一 隻 風箏 ， 將 佢 哋 心入面 嘅 說話 帶 上 天 俾 媽媽 知道 ……

經過 一 番 努力 ， Raju 同 Riya 終於 整好 風箏 喇 ： 有 Raju 鐘意 嘅 藍色 ， Riya 鍾 意 嘅 粉紅色 ， 仲 有 媽媽 鍾 意 嘅 紫色 ， 佢 哋 叫 佢 做 「 愛的 風箏 」。

佢 哋 喺 風箏 上面 寫 咗 好多 好多 想 同 媽媽 講 嘅 說話 ， 過程 愈 寫 愈 激動 ， 結果 佢 哋 一路 寫 就 一路 喊 ， 眼淚 滴 濕 晒 五顏六色 嘅 紙 —— 哎呀 ， 隻 風箏 噉 就 穿 咗 窿 ！ 嗰 刻 Raju 同 Riya 呆 咗 ， 擘 大 個 口 得 個 窿 …… 揾 紙 補 返 好似 唔 係 咁 好 睇 ， 睇 嚟 佢 哋 又 要 重新 整 過 喇 ！ 希望 媽媽 在天之靈 會 收到 佢 哋 嘅 心意 啦 ！