我哋 嘅 歌聲
小娟 喺 課室 個 窗 望 出去 ， 會 見 到 一 棵 老 榕樹 ， 佢 樹幹 叉開 個 樣 ， 好似 想 畀 個 大大 嘅 擁抱 我哋 噉 。 喺 老 榕樹 嘅 樹蔭 下 ， 就算 嗰 日 天氣 幾 熱 ， 都 會 覺得 好 涼爽 。
但係 呢 棵 老 榕樹 好 百厭 ， 每當 有 微風 吹 過 ， 佢 一 粒粒 細小 嘅 果實 就 會 跌落 小娟 身上 ， 有時 仲 會 有 雀仔 匿 喺 樹葉 之間 偷偷 哋 去 廁所 —— 「 啪 」 一 聲 ， 雀屎 就 滴 咗 落 小娟 個 頭 度 ……
每 日 小息 嘅 時候 ， 小娟 都 會 陪 阿樂 同 小明 跑 去 老榕樹 下面 休息 。 小明 次次 都 跑 得 最 快 ， 之後 仲 會 擺出 一 副 得戚 樣 。 老榕樹 下面 唔單止 涼爽 ， 有時 仲 會 有 蝴蝶 或者 蜜蜂 飛 過 ， 陪 大家 一齊 小息 。
今日 ， 小娟 竟然 跑 得 快 過 小明 ， 但係 喺 佢哋 前面 嘅 老 榕樹 下 ， 好似 仲 有 其他 訪客 。 係 邊個 呢 ？
喺 地下 有 一 隻 用 樹枝 同 樹葉 做成 嘅 「 碗 」 。 你 睇 ！ 「 碗 」 入面 仲 有 隻 小 生物 ， 眼仔 轆轆 噉 望 住 大家 。
「 你 好 ！ 」 小娟 同 呢 位 新 朋友 打招呼 ， 但 新 朋友 唔 應 佢 。 小明 問 ： 「 唔通 佢 係 年幼 嘅 翼龍 ？ 」 小明 睇 《 侏羅紀 公園 》 嘅 時候 見 過 翼龍 ， 喺 天空 飛 嚟 飛 去 好 威風 。
「 可能 真係 一 隻 小 恐龍 。 」 小娟 都 噉樣 認為 。 阿樂 就 話 ： 「 傻瓜 ， 佢 係 一 隻 雀 BB 嚟 。 」
「 冇 可能 ， 雀仔 會 叫 㗎 嘛 ！ 白鴿 係 咕咕叫 、 麻雀 吱吱叫 、 烏鴉 呀呀 叫 ， 如果 佢 係 一 隻 雀仔 ， 邊 可能 會 咁 靜 ？ 」 小娟 唔 相信 。
「 知唔知 人 係 點樣 學 識 用 語言 嚟 表達 自己 ？ 」 阿樂 問 。 小娟 同 小明 都 搖頭 。 阿樂 解釋 ： 「 人類 係 有 人 教 先 識得 講嘢 ， 而 雀仔 係 用 歌聲 去 表達 自己 嘅 ， 話唔定 隻 雀仔 係 因為 冇 人 教 ， 所以 先 未 識 叫 呢 ？ 」
小娟 聽 完 之後 好 擔心 ： 「 如果 佢 唔 識得 唱歌 表達 自己 ， 就 唔 可以 同 同伴 溝通 ， 噉 佢 會 好 孤獨 㗎 喎 …… 」
於是 ， 小娟 、 小明 同 阿樂 實行 「 救救 雀仔 行動 」 ， 決心 要 教識 呢 隻 雀仔 唱歌 。 佢哋 用 棉花 同 紙盒 造 咗 一 張 床 ， 然後 裝 住 隻 雀 仔 去 學 唱歌 嘅 地方 — 音樂 中心 。
「 呼 、 呼 …… 」 有人 喺度 吹 長笛 ， 然後 係 小號 、 鋼琴 、 小提琴 、 結他 …… 佢哋 帶 雀仔 去 上 唔同 嘅 音樂堂 ， 每 次 都 問 ： 「 雀仔 雀仔 ， 呢 把 係咪 你 嘅 歌聲 呀 ？ 」
但係 ， 雀仔 依然 好 安靜 ， 粒聲唔出 噉 望 住 大家 。 小娟 好 失望 ， 但 仍然 堅持 同 雀仔 講 ： 「 唔使 擔心 ， 我哋 一定 會 幫 你 。 」
佢哋 又 叫 又 唱 ， 仲 用 媽媽 部 電話 播放 唔同 鈴聲 ， 每 次 都 問 ： 「 雀仔 雀仔 ， 呢 把 係咪 你 嘅 歌聲 呀 ？ 」 雀仔 依然 好 安靜 。
「 咕 …… 」 小明 個 肚 餓 到 打鼓 。 原來 佢哋 為咗 雀仔 ， 連 午餐 都 唔記得 食 。 但係 佢哋 都 繼續 行動 ： 「 雀仔 雀仔 ， 呢 把 係咪 你 嘅 歌聲 呀 ？ 」 雀仔 依然 好 安靜 。
「 叮噹 、 叮噹 ！ 」 唔通 雀仔 嘅 歌聲 係 門鐘 聲 ？ 佢哋 周圍 㩒鐘 ， 但 雀仔 依然 好 安靜 。
唔通 ， 「 救救 雀仔 行動 」 要 宣告 失敗 ？ 小明 好 灰心 噉 問 ： 「 我哋 仲 可以 點 做 ？ 」
「 我哋 不如 試 下 帶 佢 去 揾 Miss C han 。 」 小娟 提議 。 於是 佢哋 帶 住 最後 一 絲 希望 去 教員室 揾 生物 老師 M iss C han 。
「 你哋 發生 咩 事 ？ 做咩 咁 唔開心 噉 嘅 ？ 」 Miss C han 關心 噉 問 。
小娟 答 ： 「 我哋 揾 到 隻 雀仔 ， 但係 雀仔 揾 唔 到 自己 嘅 歌聲 …… 」
小明 好 唔開心 噉 講 ： 「 明明 我哋 已經 周圍 都 揾 過 晒 —— 」
「 但係 佢 都 仲係 粒聲唔出 …… 」 阿樂 都 忍唔住 大喊 。
M iss C han 同 大家 講 ： 「 你哋 有 噉 嘅 心 ， 又 已經 盡 晒 力 去 幫 隻 雀仔 ， 已經 好 好 㗎 喇 。 而且 雀仔 佢 仲 有 你哋 ， 係咪 ？ 你哋 唔會 因為 佢 唔識 唱歌 而 離開 佢 ， 係咪 ？ 」 大家 都 大力 點頭 ： 「 當然 唔會 ！ 」
「 好 ！ 我哋 一於 畀 啲 耐性 陪 隻 雀仔 啦 ！ 」 小明 問 Miss C han 要 咗 個 麪包 ， 準備 喺 長期 作戰 之前 食 啲 嘢 墊肚 。
而 未 餓 嘅 小娟 就 同 雀仔 講 ： 「 嗱 雀仔 雀仔 ， 你 打開 耳仔 ， 如果 聽到 有 你 鍾意 嘅 聲音 ， 你 就 將 佢 變成 你 嘅 歌聲 ， 我哋 會 同 你 一齊 唱 ， 好 冇 ？ 」 「 嘶 —— 」
「 吱吱 ！ 」 雀仔 望 住 小明 啱啱 撕開 嘅 麪包袋 點頭 。
