數字 人生

「３０６２４７００

３０６２４７７０

５ ３ ４ ２ ０ ２ １ ３ ９ ４ ２

４３１４０６２４ 」

「 爸爸 你 聽緊 呢 首 係 咩 歌 嚟 㗎 ？ 咁 奇怪 嘅 ！」 阿一 問 。

「呢 首 係 林子祥 嘅 《數字 人生 》。」 爸爸 答 ：「首 歌 好多 句 歌詞 都 係 由 純粹 嘅 數字 組成 ，好 得意 㗎 ！」

阿一 爸爸 係 一 位 會計師 ， 平時 做 嘢 太 忙 嘅 話 ， 會 將 啲 嘢 帶 返 屋企 做 。 每 次 阿一 經過 爸爸 身邊 ，見到 枱 上面 一 疊 二 疊 文件 ，都 會 覺得 好 頭痛 ，因為 上面 全部 都 係 密密麻麻 嘅 數字 ！

阿一 唔 鍾意 數字 ，返學 讀 嘅 咁 多 科 入面 ，佢 最 唔 鍾意 就 係 數學 。 阿一 成日 都 唔 明 數學 讀 嚟 有 咩 用 。

「 數學 好 有用 㗎 ！」 爸爸 話 ：「爸爸 咪 就 係 靠 計數 養 大 阿一 㗎 囉 。」

同 阿一 唔 同 ， 爸爸 好 鍾 意 數字 ， 因為 爸爸 知道 數字 可以 用 嚟 解決 好多 問題 。

有 數字 ， 大家 溝通 嗰 陣 先 會 一清二楚 ； 對 數字 敏感 嘅 話 ， 買 嘢 條 數 唔 啱 ， 都 可以 好 快 發現 邊度 出錯 。

爸爸 仲 話 ， 整理 大量 數字 之後 ， 就 可以 歸納 成 數據 。 今時 今日 數據 好 重要 ， 係 好多 人 都 想要 嘅 資源 。 有 數據 就 有 機會 揾 出 問題 ， 改善 現況 ， 有時 仲 可以 預早 計劃 未來 。

「 咩 叫 揾 出 問題 ？ 咩 係 預早 計劃 未來 ？」 阿一 好奇 噉 問 。

「 問 得 好 。」 爸爸 微笑 ， 然後 嘗試 用 阿一 身邊 熟悉 嘅 例子 嚟 做 解釋 。

阿一 之前 試 過 因為 病 咗 冇 返學 。 如果 只 有 一 個 小朋友 病 嘅 話 ， 就 只 係 個別 事件 ， 但 如果 同一 時間 有 幾 個 小朋友 病 咗 呢 ？

爸爸 話 ， 假設 阿一 嗰 班 除 咗 阿一 之外 ， 仲 有 五 個 小朋友 喺 同 一 日 病 咗 ， 噉 校長 同 老師 就 有 責任 查出 咁 多 小朋友 同時 病 嘅 原因 。

係 咪 學校 小食部 供應 嘅 食物 出 咗 問題 呢 ？ 定 係 水機 啲 水 唔 乾淨 ？ 又 或者 係 有 某個 同學 病 咗 ， 然後 感染 埋 其他 同學 ？ 學校 可以 查 下 病 咗 嘅 小朋友 入面 ， 有 幾多 個 係 食 過 同 一 種 食物 、 用 過 同 一 部 水機 、 大家 之間 有 冇 密切 接觸 等等 。

學校 知道 嘅 數據 越 多 ， 就 越 有 機會 揾 到 小朋友 唔 舒服 嘅 原因 ， 之後 就 可以 對症下藥 ， 例如 加強 檢查 小食部 嘅 衛生 情況 ， 多 啲 清洗 飲水機 ， 或者 揾 出 其他 嘅 感染 源頭 。

爸爸 嘗試 舉 多 個 例子 ： 阿一 好 鍾 意 食 小食部 嘅 魚肉 燒賣 ， 但 係 有時 會 出現 一 落 到 去 ， 就 發現 燒賣 已經 賣 晒 嘅 情況 。

如果 小食部 有 統計 學生 嘅 喜好 ， 噉 每 次 訂 燒賣 嗰 陣 就 可以 訂 多 啲 ， 而 冇 咁 受 歡迎 嘅 零食 就 可以 訂 少 啲 ， 噉 阿一 就 有 多 啲 機會 食到 燒賣 ， 同時 減少 浪費 賣 唔 晒 嘅 零食 ！

「０４３４０４３４０２３２０２３２

０６４６０６４６０８７８０８７８ 」

爸爸 部 音響 繼續 播 緊 《 數字 人生 》 。 本身 阿一 唔 係 咁 鍾 意 呢 首 歌 ， 因為 入面 實在 有 太 多 數字 喇 。 但 係 聽 完 爸爸 呢 番 說話 ， 阿一 突然 覺得 呢 首 歌 入面 提到 嗰 啲 數字 ， 其實 都 唔 係 咁 令 人 頭痛 啫 ！

雖然 阿一 仲未 話 好 鍾 意 數學 ， 但 佢 都 開始 意識 到 數學 嘅 重要 。 佢 決定 以後 要 畀 多 啲 心機 上 數學 堂 ！

阿一 心 諗 ， 既然 數字 喺 生活 中 係 無可避免 ， 噉 不如 早 啲 學習 點樣 同 數字 相處 啦 ！ 當然 ， 能夠 同 數字 做 到 朋友 就 最 好 啦 ！