等 你 捉到 我 先 啦 !

「大家 好 啊 ！ 我 係 二筒 。 佢 係 我 嘅 主人 ，叫 三萬 。 佢 成日 都 叫 我 同 佢 玩 ，但 係 我 都 係 唔 睬 佢 。 我 好 眼瞓 啊 ，瞓 一陣 先 。」

「佢 叫 我 坐 喺 到 ，噉 我 都 聽 佢 講 ，坐 喺 度 。」

係啊 ！ 二筒 坐 咗 喺 度 啊 ，一陣 囉 。 跟住 佢 又 去 咗 邊 啊 ？ 唉 ⋯⋯

「想 捉 我 ？ 好 難 啊 。 我 跳 ，又 想 嚟 多 次 ？ 我 又 跳 ！」

三萬 想 捉 住 二 筒 。 二筒 亂 跑 ，跳 嚟 跳去 。

「捉 我 唔 到 喇 ？ 等 我 靜雞雞 行 出去 先 。」

二筒 行 緊 嗰 陣 ，佢 心 入面 講 ：「你 睇 我 唔 到 ，你 睇 我 唔 到 ⋯⋯」

三萬 見到 二筒 喇 ，佢 行 過去 想 捉住 二 筒 ，二筒 好 快 噉 跑 走 咗 。

跑 跑 下 ，二筒 見 到 有 樣 嘢 好 搞笑 ，玩 咗 一粒 鐘 。

跟住 二筒 真係 跑咗 出去 ，然後 仲 見到 隻 蝸牛 。

二筒 好 鍾意 同 人 比賽 ，想 睇 下 同 蝸牛 邊個 行 得 快 啲 。

「你 行 快 啲 啦 ，等 你 等到 想 瞓 喇 。」

二筒 又 見到 隻 雞 ，佢哋 諗住 玩 跳舞 比賽 。

你哋 睇到 二筒 笑得 噉 開心 ，就 知 佢 贏 咗 喇 。

三萬 見到 二筒 返 咗 嚟 、瞓 咗 喺 度 。

三萬 諗 住 去 同 二筒 玩 。

點知 ⋯⋯

「你 想 同 我 玩 啊 ？ 等 你 捉到 我 先 喇 ！」