出 街 食飯

今日 爸爸 媽媽 同 我 出 街 食飯 。 我 哋 去 到 餐廳 坐低 。 叔叔 問 我 哋 食 乜嘢 ， 爸爸 答 ： 「 呢 個 ， 呢 個 ， 同 呢 個 。 」

啲 嘢 食 嚟 咗 ， 枱 上面 有 一 碟 魚 ， 一 碟 菜 同 一 碟 肉 。 爸爸 食 一 碗 飯 多少 少 ， 媽媽 食 一 碗 飯 ， 我 食 少 少 飯 。

食 完 飯 ， 姨姨 問 我 哋 ：「 飲 唔 飲 湯 ？」 媽媽 話 ：「 好 啊 ！ 兩 碗 ， 唔 該 ！」

姨姨 放低 兩 碗 湯 ， 媽媽 叫 我 試下 自己 飲 湯 。

我 想 學 爸爸 拎 住 碗 湯 飲 ， 我 掂 下 個 碗 ， 碗 湯 好 熱 。

我 睇 一 睇 媽媽 ， 媽媽 叫 我 唔 好 驚 。

我 知道 喇 ！ 媽媽 爸爸 都 喺 度 ， 我 唔 使 驚 㗎 ！ 我 再 試 多 一 次 ， 我 拎 到 喇 ！

好 熱 ！ 好 重 ！ 啊 ——

碗 湯 跌 咗 落 地下 ， 個 碗 爛 咗 ， 我 好 驚 叔叔 姨姨 會 鬧 我 ， 驚 到 喊 咗 出 嚟 。

姨姨 見到 個 碗 爛 咗 ， 不過 佢 冇 鬧 我 ， 仲 問 我 ：「 你 哋 有 冇 事 啊 ？ 等 我 清理 下 先 。 唔 好 喊 啦 ， 冇 嘢 喇 ！」

叔叔 叫 我 哋 坐 去 第二 張 枱 ， 仲 拎 咗 碗 新 嘅 湯 畀 我 ， 呢 次 媽媽 餵 我 飲 。 我 覺得 呢 度 啲 湯 同 嘢 食 都 好 好味 ， 叔叔 同 姨姨 都 好 好人 。

要 走 喇 ， 我 同 姨姨 講 ：「 我 好 鍾 意 嚟 呢 度 食飯 ！」

姨姨 答 我 ：「 多謝 你 啊 ！ 下次 再 嚟 吖 ！ 拜拜 ！」

「 好 啊 ！ 拜拜 ！」

下次 我 要 自己 飲 湯 ！