媽媽 病 咗

今日 三點鐘 放學 ，我 同 家姐 一齊 搭 地鐵 返 屋企 。

返到屋企 ，一行到房門 就 見到 媽媽 瞓咗 喺 床 上面 。 天氣 好 熱 ，但係 媽媽 話 覺得 凍 。 我 同 家姐 未 見過 媽媽 瞓 晏覺 ，覺得 有啲 奇怪 。

我 問 家姐 ：「家姐 ，而家 應該 點做 好 ？」

家姐 答 我 ： 「 我 都 唔 知 應該 點做 好 。 」

我哋 兩 個 企 咗 喺 房門 ，唔 知 要 做 啲 咩 好 。 家姐 諗 咗 一陣 ，同 我 講 ：「我 諗 到 喇 ！ 我 哋 病 嗰 陣 ， 媽媽 會 畀 好多 好多 水 我 哋 飲 㗎 ！ 」

我 跑 去 廚房 拎 杯 水 畀 媽媽 。 媽媽 聽到 我 想 去 拎 水 ，細細聲 同 我 講 ：「唔該晒 細佬 ！」

家姐 入 房 拎 電話 打 畀 爸爸 話 媽媽 唔 舒服 。 講 完 電話 ，家姐 又 話 ：「喂 ，細佬 ，我 同 爸爸 講 咗 喇 ！ 爸爸 話 ，媽媽 要 瞓 多 一陣 ，不如 我哋 幫 媽媽 做 家務 ，你 話 好 唔 好 ？」

我 笑住 點頭 ，話 ：「好啊 ！ 我 去 廁所 洗 衫褲 ，家姐 你 去 抹 個 廳 同 房 啦 ！」

講 完 ，我哋 兩 個 跑 咗 入 房 。 我 去 拎 啲 衫褲 入 廁所 洗 ，家姐 入 房 抹 床 、房門 同 櫃 。 我哋 仲 一齊 幫 屋企 兩 隻 兔仔 同 狗仔 沖涼 。 好 快 ，我哋 已經 幫 媽媽 做好 晒 家務 。 媽媽 見 我 同 家姐 都 係 好 幫手 ，覺得 好 開心 。

第 二 日 ，爸爸 畀 咗 架 我 好 鍾意 玩 嘅 玩具 巴士 我 ，同埋 家姐 好 鍾意 嘅 衫 畀 家姐 ——佢 話 係 乖 嘅 小朋友 先 有 㗎 ！

我 以後 都 要 做 一 個 幫 媽媽 做嘢 嘅 小朋友 ！