叻 叻 花貓

「 救命 ！」

媽媽 喺 個 廳 嗰 度 大叫 。

琦琦 跑 入去 ，見到 媽媽 企 喺 張 枱 上面 。

佢 個 口 好 大 ，對 眼 好 細 ，對 手 好 長 ，放 咗 喺 個 頭 上面 。

琦琦 問 媽媽 ︰ 「 乜嘢 事 咁 驚 ？ 」

「老鼠 ！」

「哦 ！ 花貓 又 曳曳 。」 琦琦 一 啲 都 唔 驚 。

花貓 住 喺 琦琦 屋企 ，鍾意 日日 朝早 落街 玩 ，晏晝 又 搭 𨋢 上 嚟 。

花貓 今日 同埋 隻 老鼠 一齊 入 嚟 屋企 ，老鼠 喺 佢 個 口 入面 。

佢 想 送 老鼠 俾 琦琦 一家人 。

花貓 行 到 入 廳 ， 見到 媽媽 ， 細細 聲 叫 ︰ 「 喵 …… 喵 …… 」

嗰 隻 老鼠 喺 佢 個 口 度 跳 出 嚟 。

媽媽 驚 到 飛 咗 上 張 枱 上面 。

老鼠 驚 到 跑 咗 入 個 櫃 下面 。

花貓 呢 ？ 去 咗 張 床 上面 瞓覺 。

媽媽 話 ︰ 「 琦琦 ， 你 一定 要 幫 我 揾 隻 老鼠 出 嚟 。 」

琦琦 點點 頭 。 琦琦 一 啲 都 唔 驚 。

佢 諗 咗 一 諗 ，打開 大門口 ，又 唔 俾 花貓 瞓 。

花貓 轉 入去 個 櫃 下面 。 而家 個 櫃 下面 好 嘈 呀 ！

「吱 ！ 吱 ！」 「喵 ！ 喵 ！」

老鼠 跑 咗 出 大門口 ，花貓 冇 跟住 跑 出去 。

「花貓 ，你 真 係 叻 ！」 琦琦 摸 下 佢 個 頭 。