個個 都 唔 一樣
呢 個 係 阿樂 ，佢 嘅 頭髮 好 長 ，要 剪 喇 。
媽媽 話 ：「我 幫 你 剪 頭髮 啦 。」
阿樂 笑 。 剪 得 唔 靚 啊 ！
同學 仔 都 笑 佢 ，阿樂 喊 。
老師 話 ：「我哋 唔應該 笑 人 㗎 。
個個 都 唔 一樣 。 睇 下 呢 啲 相 ……」
「貓仔 嗰 兩 隻 眼 大 啲 ，雀仔 個 頭 細 啲 ，
兔仔 對 耳 長 啲 ，龜仔 啲 手腳 短 啲 。」
「你哋 係 咪 想 隻 隻 都 一樣 啊 ？」
「你哋 同 我 ，有 咩 唔 一樣 啊 ？」
同學 話 ：「我 係 男仔 ，你 係 女仔 。」
「我 長 頭髮 ，你 短 頭髮 。」
「 我 件 衫 舊 啲 ， 你 件 衫 新 啲 。」
「我 條 褲 短 啲 ，你 嗰 條 長 啲 。」
「我 得 少少 書 ，你 有 好多 書 。」
老師 話 ：「噉 你 哋 同 我 ，有 咩 一樣 啊 ？」
「我 鍾意 踢波 ，鍾意 嘅 同學 舉手 啦 ﹗」
「我 鍾意 唱歌 ，有冇 人 都 鍾意 ？」
「我 鍾意 食 包 ，有冇 人 都 成日 食 ？」
「人人 都 有 啲 嘢 ，同 你 一樣 ，同 你 唔 一樣 。
老師 個個 同學 都 愛 ，明 唔 明白 啊 ？」
同學 仔 都 拍手 ，大聲 笑 。
