搭 巴士

今日 係 我 第 一 日 返學 ，朝早 起身 換 好 衫 ，食 個 包 就 去 搭車 。

媽媽 同 我 一齊 去 搭 巴士 。 等 咗 十 分鐘 都 冇 車 ，太陽 又 大 又 曬 ，我 覺得 好 熱 。

我 話 ：「媽媽 ，我 好 熱 ，好 想 坐 下 。」

媽媽 同 我 講 ：「等 多 五 分鐘 都 冇 巴士 嚟 ，我哋 就 去 搭 地鐵 啦 ！」

我 唔 見 有 巴士 ，書包 又 重 ，有 啲 唔 開心 。

五 分鐘 後 ，有 巴士 喇 。 媽媽 同 我 一齊 上車 。 巴士 入面 有 好多 人 ，好多 都 要 企 。 我 冇 位 坐 ，又 孭 住 個 大 書包 ，唔 係 咁 開心 。

我 同 媽媽 講 ： 「 媽媽 ， 書包 好 重 ， 我 想 坐 下 。 」

媽媽 話 ：「企 一陣 啦 ，冇 位 呀 ！」

有 個 叔叔 企 起身 同 我 講 ：「小朋友 ，呢 度 有 個 位 ，你 坐 啦 ！ 叔叔 唔 坐 喇 。」

媽媽 同 叔叔 講 ：「噉 樣 唔 好意思 嘅 。」

叔叔 話 ：「唔 緊要 ，俾 小朋友 坐 啦 。」

媽媽 話 ：「多謝 你 啊 ！ 細妹 ，講 『多謝 叔叔 』啦 ！」

我 坐低 之後 ，對住 叔叔 笑 咗 一 笑 ：「多謝 叔叔 ！ 多謝 叔叔 ！」

過 咗 一陣 ，有 個 婆婆 上 咗 巴士 。 佢 望 一 望 ，架 巴士 企 滿 晒 人 。

冇 人 企 起身 。 我 諗 咗 一陣 ，最後 都 係 企 咗 起身 ，同 婆婆 講 ：「婆婆 ，婆婆 ！ 呢度 有 個 位 ，你 坐 啦 ！ 我 唔 坐 喇 ！」

巴士 上 嘅 人 都 拍手 話 我 係 「叻 女 」。