郁郁 手指 ，天下 我 有

「叮叮 ！」

小朋友 ，你 有冇 聽 過 萬維網 ？ 哎 ，咪 封鎖 我 住 ，我 唔係 咩 垃圾 訊息 呀 ！ 我 都 係 想 教 你 一啲 網絡 知識 咋 ……喔 ，你 冇 聽 過 萬維網 ？ 噉 你 有 冇 聽 過 互聯網 呢 ？ 有 ？ 噉 就 好 喇 ！

如果 我 再 問 你 ：「究竟 咩 係 互聯網 呢 ？」 可能 你 會 話 ：「我 都 唔 太 清楚 啊 ，不過 應該 係 一啲 同 電腦 有關 嘅 嘢 啩 ？」 冇錯 ！ 的確 係 ，不過 只係 答 啱 咗 一半 。

噉 究竟 互聯網 係 咩 呢 ？ 等 我 慢慢 同 你 講 啦 。 啊 ，唔記得 介紹 自己 ，我 叫 網仔 。 唔 好睇 我 細細粒 ，又 咁 得意 ，就 睇小 我 啊 。 我 係 互聯網 嘅 百科全書 嚟 ！

講 到 咩 係 互聯網 ，呢個 係 一個 好 大 好 大 嘅 問題 ，不過 我 會 試 下 用 最簡單 嘅 方法 去 講 下 。 互聯網 係 一個 好 大 好 大 嘅 虛擬 世界 ，係 由 世界 各地 成千上萬 部 電腦 組成 ，每部 電腦 都 互相 連接 ，成為 一個 可以 互相 交流 嘅 網絡 。

除咗 平日 見 慣 嘅 座枱 電腦 同 手提 電腦 ，仲 有 超級電腦 。 座枱 電腦 就 係 大大 舊 、放 喺 一 個 固定 地方 嘅 ，而 手提 電腦 就 係 細細 部 ，可以 帶 住 周圍 走 。 噉 咩 係 超級 電腦 呢 ？ 唔通 好似 電腦界 嘅 超人 噉 ？

冇錯 ！ 超級 電腦 就 好似 電腦界 嘅 超人 噉 ，可以 做 平日 電腦 做 唔 到 嘅 超多 工作 。 你 可以 想像 平日 我哋 用 嘅 電腦 只係 夠力 搬 一 箱 書 ，而 超級 電腦 就 可以 一 隻 手指 搬 十萬 箱 書 ！

而家 我哋 一 人 有 一 部 嘅 手提 電話 ，功能 都 好似 一 部 小型 電腦 噉 ，可以 上網 揾 資料 ，又 可以 同 朋友 傾計 。

呢度 咁 多 唔同 種類 嘅 電腦 ，都 可以 通過 互聯網 互相 連繫 溝通 。 你 可以 舒舒服服 噉 攤 喺 張 床 度 ，一邊 食 生果 ，一邊 上網 ，就 可以 知道 世界 各地 發生 嘅 事 ——移民 去 咗 美國 嘅 表姐 啱啱 畢 咗 業 ，去 秘魯 旅行 嘅 姨姨 同 羊駝 影 緊 相 ，媽媽 同 同事 一齊 去 咗 行山 ……

相信 你 都 開始 明白 咩 係 互聯網 。 噉 問題 返返嚟 ，究竟 咩 係 萬維網 呢 ？

首先 萬維網 係 由 好多 好多 嘅 「網頁 」組成 ，全球 公開 嘅 網頁 已經 超過 400億 ！ 一 個 網頁 入面 可以 有 好多 嘢 ，例如 相 啦 、字 啦 、片 啦 、歌 啦 等等 。 呢啲 網頁 組合 埋 一齊 ，就 係 「網站 」。 而 好多 網站 之間 組成 嘅 網絡 ，就 係 我哋 啱啱 講 嘅 萬維網 喇 。

而家 好多 人 都 用 緊 萬維網 ，因為 佢 真係 超級 好用 。 佢 主要 可以 做 到 兩 樣 嘢 ： 第 一 係 寄 電郵 ，一 秒鐘 就 可以 將 你 想 講 嘅 嘢 ，傳 去 十萬八千里 咁 遠 ！ 第二 就 係 可以 揾 嘢 ，上百上億 嘅 知識 ，你 郁 下 隻 手指 就 揾 到 ——究竟 狐狸 係 點 叫 ？ 大笨象 瞓覺 係 企 定 趴低 ？ 貓頭鷹 點解 係 擘大 眼 瞓覺 ？ 點解 公雞 每 朝 都 知 醒 起身 ？ 如果 你 想 知 ，就 上網 揾 下 答案 啦 ！

以前 嘅 人 想 同 其他 國家 嘅 人 傾計 ，隨時 要 用 幾 個 月 先 來回 到 一 封 信 。 而家 一 秒 間 就 做 到 。 真係 郁 下 手指 ，成 個 世界 都 喺 你 手 。 小朋友 ，有 咗 呢樣 咁 犀利 嘅 工具 ，你 會 用嚟 做 啲 咩 呢 ？ 不如 同 我 分享 下 吖 ！