雨神城 蒙難 記
雨神城 已經 連續 落 咗 十 日 十 夜 大雨 ，四圍 都 水浸 ，大家 呢 幾 日 都 唔使 返工 返學 。
美美 一 家 因為 無聊 ，所以 一齊 睇 電視 。
媽媽 話 ：「呢 場 雨 都 唔知 幾時 先至 會 停 。」
爸爸 話 ：「舊年 都 係 噉 ！ 連 路 都 畀 水 浸 哂 。 美美 呀 ，今日 細雨 少少 ，如果 你 想 去 同學仔 屋企 玩 嘅話 ，你 而家 好 過去 喇 。 記得 要 小心 ，早 去 早 回 啊 。」
美美 知道 有得 出街 好 開心 ，著 好 雨褸 就 岀門 去 婷婷 屋企 。
去 到 婷婷 屋企 ，發現 佢哋 一家人 頻頻撲撲 噉 ，唔知 準備 緊 啲 乜 。
婷婷 見到 美美 嚟到 ，就 話 ：「我 屋企人 而家 準備 緊 拜神 儀式 ，不如 你 都 過嚟 幫手 吖 ？」
美美 問 ：「點解 要 拜神 嘅 ？」
婷婷 話 ：「因為 落 大雨 水浸 呀 ！ 我哋 祈求 雨水 女神 停雨 ，等 大家 可以 過 返 正常 生活 。」
婷婷 爸爸 話 ：「雨水 女神 同 人 一樣 ，有時 開心 ，有時 唔開心 。 佢 流淚 嘅 時候 ，個 天 就 會 落雨 。 我哋 拜神 係 希望 女神 唔好 再 傷心 ，噉樣 先 會 停雨 。」
美美 望 咗 一陣 ，發覺 冇 咩 幫 到 手 ，又 唔 想 阻住 人 做嘢 ，就 改 去 大明 屋企 。
去 到 大明 屋企 ，美美 發現 佢哋 都 拜 緊 神 。
美美 問 ：「點解 拜神 嘅 ？」
大明 爸爸 好 唔開心 ，坐 埋 一 邊 唔 出聲 。
大明 嗱嗱臨 拉住 美美 行 埋 一邊 ，細細聲 噉 話 ：「因為 落雨 水浸 ，爸爸 已經 好多 日 返唔到 工 ，屋企 冇 咩 錢 剩 喇 。 所以 我哋 就 拜 財神爺 ，希望 可以 令 我哋 生活 充裕 啲 。」
美美 唔 明白 ，問 ：「乜嘢 叫 生活 充裕 啲 ？」
大明 話 ：「即係 可以 有 多啲 錢 使 ……」
美美 唔敢 繼續 打擾 大明 爸爸 ，決定 起行 去 小文 屋企 。
美美 去 到 小文 屋企 ， 見到 門口 大門 打開 ， 地下 放 咗 一 個 鐵盆 ， 鐵盆 入面 有 啲 紙 喺 度 燒 緊 。
小文 喺 屋 入面 嗌 出嚟 ：「美美 ！ 你 入屋 之前 ，記得 要 跨過 個 火盆 呀 ！」
美美 嗌 返轉頭 ：「點解 呀 ？」
小文 大嗌 ：「要 跨過 火盆 入門 先 會 有 好運 㗎 ！ 呢排 大家 都 行 衰運 ，冇 工 開 ，冇 學 返 ！ 你 快啲 跨過 個 火盆 啦 ！」
美美 好 驚 啲 火 會 燒 到 自己 ，就 轉身 返 屋企 。
返到屋企 ，美美 見到 爸爸 媽媽 喺度 執緊 行李 。
媽媽 一 見到 美美 就 話 ：「乖女 呀 ，我哋 都 係 決定 過 兩 日 就 搬屋 喇 。 你 快啲 過嚟 幫手 執 行李 啦 ——」
美美 問 ：「咁快 ？ 唔係 話 再 諗 多 陣 先 咩 ？」
「今次 場 雨 非同小可 ，我哋 已經 唔 可以 再 拖 喇 ……」爸爸 一臉 凝重 。
「噉 我哋 會 搬 去 邊 呀 ？ 我 以後 係咪 見 唔 返 啲 同學仔 㗎 喇 ？」 美美 繼續 問 。
爸爸 話 ：「我哋 會 搬 去 一 個 天氣 好 啲 嘅 城市 住 。 你 得閒 都 可以 返嚟 探 佢哋 㗎 ！」
美美 好 唔捨得 啲 同學 ，但係 爸爸 媽媽 決定 咗 都 冇 辦法 ，唯有 同 屋企人 夾手夾腳 執 好 行李 準備 搬 屋 ……
出發 當日 ，美美 發現 原來 有 好多 人 同 爸爸 有 一樣 嘅 諗法 。 大家 成群結隊 噉 移居 到 其他 天氣 好 啲 嘅 城市 。
過 咗 一 年 ，美美 喺 新 嘅 城市 生活 得 好 開心 。 有 日 佢 睇 電視 ，見到 新聞 報道 緊 雨神城 嘅 水災 情況 。
記者 報道 ：「雨神城 一年一度 嘅 水災 又 再 發生 ！ 今年 都 一樣 ，好多 人 冇 咗 份 工 ，冇得 返學 ！ 經濟 損失 非常 巨大 ！」
美美 好 擔心 婷婷 ，於是 打 電話 畀 佢 。
美美 問 ：「聽講 你 嗰邊 落 好 大 雨 。 你 今日 唔使 返學 ，有 咩 做 呀 ？」
婷婷 話 ：「拜神 呀 ！ 拜 雨水 女神 同埋 財神爺 。 希望 快啲 停雨 ，爸爸 就 可以 返工 ！」
美美 猶豫 咗 一陣 ，最後 忍唔住 問 ：「其實 你哋 年年 水災 都 淨係 喺度 拜神 ，拜神 真係 有用 咩 ？」
「我 都 唔 知道 ……但 就算 冇用 都 冇 辦法 啦 ，你 又 唔係 唔 知 我哋 嘅 城主 唔 識 點樣 應付 水災 ，我 爸爸 媽媽 又 冇得 在 家 工作 ，移民 我哋 又 冇 錢 ……」
美美 同 婷婷 傾 完 電話 之後 ，抬頭 望住 窗外 嘅 藍天 ，一邊 慶幸 自己 一家人 可以 離開 水浸 不斷 嘅 災難 之 城 ，一邊 喺度 諗 佢 可以 做 啲 咩 嚟 幫 婷婷 佢哋 ……
諗 咗 好 耐 之後 ，美美 終於 醒悟 到 ：與其 相信 雨水 女神 、財神爺 會 幫 到 婷婷 佢哋 ，不如 相信 知識 可以 改變 命運 ！
因此 ，美美 決定 要 努力 讀書 ，將來 研究 出 更 有效 嘅 防洪 方法 ，返去 幫 雨神城 居民 對抗 水災 ……
