尋找 雪豹

鈴子 打掃 嘅 時候 ，發現 喺 雜物 入面 有 一 個 朱古力 包裝袋 ，上面 有 一 隻 喜馬拉雅山 雪豹 。

鈴子 靈機一觸 ，打 電話 畀 媽媽 。

鈴子 ：「阿媽 ，過 幾 日 我 會 去 尼泊爾 。」

媽媽 ：「你 唔使 返工 咩 ？」

鈴子 話 ：「我 請咗 假 。」

媽媽 有 少少 嬲 ，話 ：「你 都 成 四十 歲 人 ，就算 放假 都 唔好 去 咁 遠 ！ 放假 應該 留 喺 香港 ，同 老公 仔女 一齊 玩 吖 嘛 ——」

鈴子 好 快 就 收 咗 線 。

鈴子 唔理 所有人 嘅 反對 ，收拾 好 行李 ，一 個 星期 之後 就 到 咗 尼泊爾 。

佢 揀 咗 一 間 平價 嘅 旅館 入住 ，打聽 好 喜馬拉雅山 嘅 行山 路線 ，準備 出發 。

喺 旅館 門口 ，鈴子 畀 一 個 二十 歲 左右 嘅 女仔 截停 咗 。

少女 話 ：「請問 你 係咪 香港 人 ？ 係咪 都 係 去 喜馬拉雅山 揾 雪豹 ？」

鈴子 話 係 。

少女 話 ：「我 都 係 ！ 不如 一齊 去 吖 ？ 我 叫 小花 ！」

鈴子 覺得 無所謂 ，就 同 小花 一齊 上山 。

小花 一邊 行 ，一邊 不停 講嘢 ：「呢度 冬天 可以 去到 零下 四十 度 㗎 ！ 而家 係 夏天 ，我哋 先 可以 上嚟 睇 雪豹 ！ 聽講 好 難 揾到 㗎 ！」

鈴子 話 ：「我 以前 去過 零下 二十 度 嘅 地方 。」

小花 好 震驚 ：「真 㗎 ？」

鈴子 ：「係 啊 ，喺 俄羅斯 。 當時 我 同 你 一樣 都 係 啱啱 大學 畢業 。」

小花 話 ：「噉 你 而家 咪 已經 去過 好多 地方 囉 ？」

鈴子 無奈 噉 話 ：「噉又唔係 。 我 畢業 冇 幾耐 就 結婚 生 BB ，之後 好 少 去 旅行 。」

行 下 行 下 ， 佢 哋 見 到 一 群 鹿 。 鈴子 覺得 雪豹 一定 會 嚟 揾 獵物 ，就 打算 匿 喺 附近 等 睇 雪豹 。 小花 揾到 一 舊 大石 ，佢哋 就 係 匿埋 喺 大石 後面 。

鈴子 喺 背囊 攞 咗 個 三文治 出嚟 ，分 咗 一半 畀 小花 。

小花 一路 食 一路 講 ：「我 將來 一定 要 去 好多 好多 地方 ！ 你 都 係 ！ 你 有 幾耐 冇 去 長途 旅行 喇 ？」

鈴子 話 ：「大大話話 都 有 十 年 喇 ……」

鈴子 好 忙 ，除咗 返工 ，仲要 照顧 仔女 ，有 十幾 年 連 上 興趣班 嘅 時間 都 冇 。

鈴子 話 ：「我 有 十幾 年 冇 為 自己 打算 過 喇 。」

大家 靜靜 欣賞 山上 美景 同埋 小鹿 你 追 我 逐 。

過咗 一陣 ，小花 感嘆 ：「喜馬拉雅山 真係 好 ！ 喺 呢度 收 唔 到 電話 ，上 唔 到 網 ，我哋 淨係 需要 考慮 自己 開唔開心 。」

鈴子 話 ：「係 啊 。」

小花 又 問 ：「你 覺得 平時 幸唔幸福 ？」

鈴子 諗 咗 一陣 ，話 ：「我 覺得 幸福 好 短暫 。 就 好似 結婚 噉 ，最 幸福 就 係 新婚 嗰 段 日子 。 嗰陣 仲 會 對 將來 嘅 生活 有 期盼 ——我 覺得 嗰 種 期待 嘅 感覺 就 係 幸福 。」

小花 ：「就 好似 入 大學 之前 嗰個 暑假 ，好 興奮 ，好 期待 噉 ？」

「係啊 。」

小花 諗 咗 好 耐 ，然後 意有所指 噉 笑 住 話 ：「我哋 而家 等 緊 雪豹 。」

「係啊 。」

鈴子 覺得 好 温暖 。

突然 ，小花 捉住 鈴子 隻 手 ，眼 望 前方 ，細細聲 話 ：「雪豹 ！」

佢哋 喺 大石 後面 偷望 ，見 到 一 隻 黑 斑點 嘅 白色 雪豹 一 枝 箭 噉 飛撲 埋去 其中 一 隻 鹿 度 ！ 鹿群 受驚 跳 走 ，雪豹 急起直追 ，幾 秒鐘 已經 跑 到 好 遠 ，想 影相 都 影唔切 。

佢哋 唯有 將 呢 一 幕 印 喺 心底 。

鈴子 忍唔住 驚嘆 ：「雪豹 好 靚 ！」

「的確 。」 小花 一邊 收拾 背囊 ，一邊 講 ：「鈴子 ，不如 我哋 而家 落 山 ？ 尼泊爾 有 一 個 湖 好 靚 ，我哋 一齊 去 好唔好 ？」

鈴子 好 興奮 ，話 ：「好啊 ！」

呢 次 毅然 出走 ，令 鈴子 揾 返 佢 心入面 嘅 雪豹 ——佢 已經 急不及待 要 去 發掘 未知 喇 ！

其實 每 次 仔女 長大 踏 入 新 階段 ， 鈴子 都 會 有 種 期待 嘅 幸福感 嘅 ， 只 係 嗰 種 付出 同 壓力 真 係 不足 為 外人道 …… 而家 見 啲 仔女 開始 大個 ， 鈴子 至 敢 踏 出去 追尋 自己 嘅 夢想 。 唔 知 你 心入面 又 有冇 咩 埋藏 已久 嘅 渴望 ？ 又 有冇 繼續 堅持 追夢 呢 ？