探寶 尋寶
探寶 同 爸爸 生活 喺 一 個 小 村莊 入面 ， 呢個 小 村莊 叫做 「 寶莊 」 。 寶莊 就 好似 一 個 寶藏 噉 ， 令 人 如痴如醉 ， 所以 叫做 寶莊 。 藍天白雲 、 小橋流水 ， 寶莊 真係 好 迷人 呀 。
就算 寶莊 幾 咁 靚 都 好 ， 探寶 始終 都 係 好 唔 開心 。 佢 塊 面 有 胎記 ， 又 有 雀斑 ， 搞 到 佢 好 自卑 。 佢 覺得 自己 好 醜樣 ， 所以 唔敢 同 朋友 出去 玩 。 就算 外面 風景 幾 靚 都 好 ， 佢 都 唔敢 行 出 門口 半 步 。 佢 每 日 都 祈禱 ： 「 神仙 神仙 ， 快 啲 嚟 幫 我 啦 ， 我 好 想 變 得 可愛 啲 ， 我 想 有 一 對 迷人 嘅 大 眼睛 ， 白雪雪 嘅 皮膚 ， 同埋 細細粒 嘅 酒粒 …… 」
直到 一 晚 ， 外面 落 緊 暴雨 。 探寶 望 出 玻璃窗 嗰陣 ， 突然間 見到 一 隻 爪 ， 隻 爪 不停 刮 個 玻璃窗 ， 仲 發出 恐怖 嘅 「 吱吱 」 聲 。 佢 以為 自己 望 錯 聽 錯 ， 於是 再 望 再 聽 ， 點知 佢 又 見 到 同 一 隻 爪 。 探寶 心諗 ： 「 會唔會 係 神仙 派嚟 嘅 精靈 呢 ？ 」 於是 ， 好奇 嘅 探寶 忍唔住 行 出去 望 一 望 —— 佢 見 到 一 隻 好 得意 嘅 小 動物 ！ 但 外面 落雨 落 得 太 勁 ， 探寶 驚 小 動物 淋 濕 ， 於是 抱 佢 入屋 。 探寶 細心 幫 小 動物 沖涼 嘅 時候 ， 佢 發現 有啲 污糟 嘢 洗 唔 甩 。 「 咦 ， 原來 佢 呢度 有 幾 笪 圓碌碌 嘅 啡色 大 斑點 。 好 特別 ， 好 可愛 呀 。 不過 ， 佢 係 唔係 豹 呢 ？ 佢 會唔會 食 咗 我 㗎 ？ 」 探寶 又 開心 又 激動 。 直到 小 動物 發出 「 喵 」 嘅 叫聲 ， 佢 先 鬆 一 口 氣 。
嗰 一 晚 ， 探寶 係噉 摸 隻 貓貓 ， 就 好似 貓貓 係 佢 成 個 世界 噉 ； 同時間 ， 貓貓 都 緊緊 依偎 喺 探寶 身邊 。 探寶 爸爸 見到 佢哋 咁 溫馨 ， 主動 提出 收養 貓貓 。 之後 嘅 日子 ， 貓貓 成日 喺 探寶 屋企 跳 嚟 跳 去 ， 甚至 自己 一 個 出 寶莊 玩 。 貓貓 生活 得 好 開心 。
探寶 見到 佢 動作 咁 笨拙 ， 身上 又 有 啡色 大 斑點 ， 好似 見到 佢 自己 噉 ， 就 諗 ： 「 點解 貓貓 可以 日日 都 咁 開心 嘅 ？ 」 但係 諗 完 都 唔 明 點解 。
有 一 晚 ， 一家人 食 完 晚飯 之後 ， 探寶 終於 忍唔住 問 爸爸 ： 「 爸爸 ， 點解 貓貓 身上 有 啡色 大 斑點 ， 好似 我 面上 嘅 胎記 噉 ， 佢 都 仲 咁 開心 嘅 ？ 」 爸爸 冇 出聲 ， 只係 望 住 窗 外面 嘅 湖水 。 探寶 學 爸爸 噉 望 住 湖水 ， 見到 湖水 反射 住 月光 ， 非常 平靜 。 突然間 ， 貓貓 跳 上 月影 上面 。 雖然 月影 碎 咗 ， 但係 貓貓 一啲 都 唔 在乎 ， 仲 好 開心 噉 繼續 捉 月影 。
爸爸 話 ： 「 探寶 ， 快樂 就 喺 我哋 眼前 。 」
探寶 唔 明白 。 爸爸 即刻 拉 住 探寶 嘅 小手 ， 想 帶 佢 出去 湖邊 同 貓貓 玩 。
「 爸爸 ， 我 唔想 出去 玩 呀 ， 我 唔敢 …… 」
爸爸 即刻 錫 咗 探寶 額頭 一下 ， 有啲 無奈 噉 問 ： 「 阿女 ， 你 鍾唔鍾意 貓貓 身上 嘅 大 斑點 ？ 」
「 我 …… 嗰 幾 笪 斑點 太 大 笪 喇 ， 好 奇怪 —— 」
「 噉 你 鍾唔鍾意 貓貓 ？ 」
探寶 點 一 點 頭 。
「 嗯 。 同樣 道理 ， 探寶 你 唔 鍾意 自己 面上 嘅 胎記 ， 但 我哋 都 係 咁 鍾意 你 ， 因為 我哋 鍾意 嘅 係 你 本身 ， 就 好似 你 鍾意 嘅 係 貓貓 本身 一樣 。 」
「 但係 —— 」
「 當然 呢個 世界 都 一定 會 有 人 係 以貌取人 嘅 ， 但係 為咗 呢啲 唔 了解 自己 嘅 人 而 令 自己 唔 開心 ， 甚至 限制 咗 自己 去 結識 其他 可能 會 認同 自己 本身 嘅 人 ， 值得 咩 ？ 」
探寶 諗 咗 一陣 ， 豁然開朗 。 佢 拉 返 爸爸 隻 手 轉頭 ， 一齊 出去 湖邊 同 貓貓 玩 ！ 佢 仲 打算 夜 啲 應承 同 佢 班 朋友 出門 玩 添 ！
