山海經 神話 與 故事
一 ，形天
佢 係 一位 勇士 ，佢 想 同 皇帝 爭做 天神。 不過 皇帝 嘅 武功 實在太 好 ，一刀 就 斬斷 咗 佢 個頭 ，再 將 佢 葬 咗 喺 一個 叫 「常 羊山 」嘅 地方。 不過 呢 位 勇士 冇 死 到 ，而且 佢 唔 死心。 但 係 佢 冇 咗 個頭 喎 ，噉 點算 好 呢？ 唔 緊要。 過 咗 一陣 ，佢 嘅 心口 生 咗 一對 眼 ，肚臍 上面 生 咗 一個 鼻哥 ，肚臍 嗰 度 生 咗 一個 嘴。 之後 佢 個 名 就 叫做 「形天」。 形天 左手 拎 盾牌 ，右手 揸 斧頭 ，日夜 對 住 個 天 係 噉 劈。 佢 諗 住 練習 多 啲 ，時機成熟 ，就 可以 再 挑戰 皇帝 ——佢 相信 佢 有 一日 會 成功……
二 ，夸父
夸父 係 一個 巨人 ，佢 跑步 跑 得 好 快 ，呢 個 世界 冇 人 跑得快 過 佢。 但天 上面 跑 得 最快 嘅 係 太陽 ，於是 佢 就 諗 住 同 太陽 賽跑。 由 太陽 升起 開始 ，佢 就 不停 追住 太陽 嚟 跑。 佢 不停 跑 ，跑 到 太陽 去 到 佢 頭頂。 佢 跑 咗 好 耐 ，好 口渴 ，所以 頂 唔 順要 停低 一陣 ，去 湖邊 飲水。 飲完 繼續 跑。 佢 不停 跑 不停 跑 ，跑 到 太陽 就 嚟 要 落山。 佢 又 好 口渴 ，但 係 最近 嘅 河流 要 向 北 行 二百 公里 先有。 於是 佢 轉向 北方 跑 ，但 係 跑 到 一半 就 渴死 咗。 最後 佢 嘅 身體 變成 一個 樹林 ，呢 個 樹林 差 唔 多 有 幾千公里 咁 長。
三 ，燭龍
喺 呢 個 世界 最 西北 嘅 地方 ，有 一座 山叫 「鍾 山 」，鍾 山住 咗 一個 叫 「燭龍 」嘅 神仙。 佢 嘅 外形 好 特別 ，有 蛇 嘅 身體 ，但頭 係 人頭。 佢 嘅 蛇 身 有 幾千公里 咁 長 ，長 到 可以 捲住 座山 幾次。 佢 擘 大 對 眼 就 係 日頭 ，合埋 對 眼 就 係 夜晚 ；吹 一 啖 氣 就 係 春天 夏天 ，吸一 啖 氣 就 係 秋天 冬天。 因 為 佢 係 神仙 ，所以 佢 唔 使 呼吸 、唔 使 飲水 、唔 使 食飯 、唔 使 瞓覺。
四 ，蠱雕
鹿 吳山 上面 冇 花草樹木 ，但 係 山腳 有 一條 河流 ，入面 住 咗 一隻 怪獸 ，佢 個 樣 好似 雕 ，而且 有角。 佢 嘅 叫聲 好似 人類 嘅 BB，而且 仲會 食 人。
五 ，夔
東海 入面 住 咗 一隻 怪物 ，佢 個 樣 好似 一隻 牛 ，但 係 冇 角 ，而且 全身 黑 鼆鼆，仲要 得 一隻 腳。 當 佢 由 水底 浮出 水面 ，或者 由 水面 潛入 水底 嘅 時候 ，一定 會橫風 橫雨。 佢 成 身 閃 到 好似 太陽 月亮 咁 光 ，叫聲 好似 行雷 閃電 咁 大聲。
六 ，陵魚
陵魚 有人 頭 ，手 手腳 腳同 人 一樣 ，只 係 個 身 係 魚身 ，平時 住 喺 海 入 面。 另外 傳說 話 佢哋 好 鍾意 喊 ，流出 嘅 眼淚 仲會 變成 珍珠。
七 ，囂
囂 嘅 身 型 同 夸父 一樣 巨型 ，佢 有 四隻 翼 、一對 眼 ，仲有 條狗仔 尾巴。 佢 嘅 叫聲 同雀仔 好似 ，食 咗 佢 嘅 肉 可以 醫肚痛 ，仲 可以 止瀉。
八 ，相繇
相繇 有 九個 頭 ，一個 蛇身 ，蛇身 捲 埋 一齊。 佢 好 貪心 ，霸住 九座 山 周圍 揾 嘢 食。 但凡 佢 停留 過 嘅 地方 ，通通 都 會 變成 沼澤 ，空氣 中 嘅 味道 又 辣 又 苦 ——唔 好話 人 ，連 野獸 都 住 唔 到。 直到 「大禹治水 」嗰 陣 ，佢 先 至 俾 大禹 殺死。 相繇 流出 嚟 嘅 血 又 腥 又 臭 ，搞 到 笪 地 從此 種唔 出 農作物……
