大霧山 嘅 最後 日子

大霧山 嘅 最後 日子

喺 大霧山 上 住 咗 個 探險家 ，佢 叫做 超英 。

超英 好 鍾意 行山 ，佢 行山 嗰陣 好 鍾意 影相 ，影相 嗰陣 會 好 開心 。 有 一 日 佢 散 緊 步 嘅 時候 ，聽到 樹林 裏面 有 喊聲 ，但 佢 唔 肯定 啲 喊聲 喺 邊度 傳嚟 。

佢 沿住 喊聲 嘅 方向 行 ，期間 遇到 一 隻 上身 甩 咗 色 嘅 老虎 ，一半 係 灰色 ，一半 係 橙黃色 。 超英 認得 佢 ，知道 佢 叫 小武 ，係 一 隻 好 勇敢 嘅 老虎 。 但 今日 嘅 小武 一 見到 超英 就 豎起 條 尾 ，用 閃縮 嘅 眼神 望 一 望 佢 就 轉身 跑 走 咗 。

佢 繼續 行 ， 繼續 行 ， 見 到 好多 螞蟻 走 晒 出 地面 ， 抬 住 好多 食物 ； 見到 大笨象 ， 聽 到 佢 哋 話 自己 咁 大隻 ， 唔 知 有 咩 地方 可以 生活 ； 見到 長頸鹿 ， 長頸鹿 話 佢 哋 咁 顯眼 ， 一 行 出 樹林 就 會 俾 人 發現 …… 雖然 啲 動物 擔心 嘅 嘢 唔 同 ， 但 一樣 嘅 係 ， 佢 哋 一 見 到 超英 ， 就 退 到 好 後 好 後 ， 走 得 好 快 好 快 。 超英 唔明白 ，明明 大家 平時 都 會 傾計 ，點解 今日 一 遇到 就 掉頭 走 ？

「究竟 發生 咩 事 ？ 點解 啲 動物 會 咁 不安 ？」 超英 細細聲 問 自己 。

佢 繼續 揾 喊聲 ，終於 發現 喊 緊 嘅 原來 係 一 棵 樹 。 呢 棵 樹 叫 阿澤 ，唔 知 點解 冇 晒 頭髮 ，剩得 光禿禿 嘅 身體 。

「啲 動物 個個 都 話 要 搬屋 ，以後 我哋 咩 都 冇 喇 …… 」阿澤 喊 住 噉 同 超英 講 。

「發生 咩 事 ？ 點解 佢哋 要 走 ？」

「海豚 千里 傳音 同 我哋 講 ，有 人類 打算 夷平 呢度 嚟 起樓 ，樹木 就 會 斬 落嚟 運 去 北方 做 柴燒 。 就 連 野豬 都 俾 人 捉 嘅 捉 、殺 嘅 殺 ——明明 呢度 至 係 佢哋 屋企 ，但 啲 人 竟然 反過嚟 話 係 野豬 入侵 咗 佢哋 嘅 生活 ，話 係 野豬 傷害 佢哋 ！ 我哋 究竟 做 錯 啲 咩 ，點解 啲 人類 要 噉樣 對 我哋 ？」

等到 阿澤 情緒 稍有 緩和 ，超英 就 問 ：「噉 所以 啲 動物 就 唔敢 再 住 喺度 ？」

「我 都 唔敢 呀 ，但 我哋 走唔到 ……爸爸 媽媽 話 啲 動物 走晒 嘅話 ，樹木 冇 晒 佢哋 啲 糞便 做 養份 ，就 會 唔夠 營養 ，就算 啲 人類 唔 斬 樹 ，呢 片 樹林 遲早 都 會 走向 衰亡 ……」

超英 聽到 好 傷心 ，唔知 點樣 安慰 阿澤 。 佢 見到 其他 花草 樹木 ，全部 都 愁眉苦面 。 超英 諗 起 一直 以 嚟 同 大家 相處 嘅 時光 ， 諗 起 自己 由細到 大 都 係 喺 呢 度 生活 ， 同 每 一 位 都 係 好 朋友 ； 但 今時 今日 ， 竟然 要 睇 住 佢 哋 一 個 一 個 噉 離開 ， 睇 住 呢 個 山頭 一 點 一 點 噉 消失 …… 山頭 教 咗 佢 好多 知識 ， 畀 咗 佢 好多 難忘 嘅 經歷 ， 但 今日 佢 好似 咩 都 做 唔 到 ， 亦 冇 力 阻止 自私 嘅 人 嘅 惡行 ……

呢個 時候 ，佢 只 能夠 默默 攞起 相機 ，好好 影低 呢度 嘅 一事一物 。 佢 執起 一 棵 毋忘 我 ， 温柔 噉 講 ︰ 「 聽日 嘅 事 冇 人 知道 ， 我 哋 能夠 做 嘅 ， 就 係 過 好 今日 。 就 好似 我哋 而家 呼吸 緊 嘅 新鮮 空氣 ，我哋 就 趁 佢 仲 係 美好 嘅 時候 ，好好 把握 同 享受 啦 。 噉 將來 就算 係 俾 風 吹 走 ，都 起碼 叫做 有 過 美好 回憶 ，留有 努力 活 過 嘅 證據 …… 」佢 遠遠 望 到 鹿仔 ，又 向 佢 大 嗌 ︰ 「喂 ！ 呢度 仲 有 啲 草 ，仲 係 好 靚 㗎 ，你哋 要 食 多 啲 呀 ！」

終於 行 到 太陽 落山 ， 佢 對 住 山頭 影 完 佢 今日 嘅 最後 一 幅 相 ， 就 大 嗌 ︰ 「 我 相信 有 一 日 ， 你 哋 會 返 嚟 同 我 哋 重聚 㗎 ！ 」